Дилан Даглас, 24-годишниот син на Мајкл Даглас (80) и Кетрин Зета-Џонс (55), напредува во својата актерска кариера по стапките на своите славни родители. Со желба да сними што е можно повеќе проекти, Даглас го прифатил и дипломскиот филм на студентите од Њујорк наречен Truths of a Corporate Sellout и на својот „Инстаграм“ сподели како изгледаат работите зад сцената на претстојниот проект.

Дипломиран на Универзитетот „Браун“, тој го имаше своето филмско деби во 2003 година појавувајќи се покрај својот татко Мајкл, братот Камерон и дедо му Кирк Даглас во комедијата со соодветен наслов It Runs in the Family и со текот на годините продолжи да гради име за себе во светот на шоу-бизнисот.

Во 2011 година тој синхронизира епизода од „Финес и Ферб“, која се емитуваше на каналот „Дизни“, а се испроба и на театарските штици.

Покрај актерството, тој покажа интерес и за политички теми, а во септември 2024 година почна неделен политички поткаст наречен Young American. Поткастот се емитува во сабота во 11 часот и има цел да ја информира и мотивира неговата генерација за политичките прашања што влијаат на нивната иднина.

„Од почетокот на вечните војни, првиот црн претседател, културните војни и сега втората шанса за првата жена претседател, мојата генерација доживеа некои од најтрансформативните и најбурни времиња во нашата историја – и само ќе стане полудо“, рече Дилан објавувајќи го поткастот.

Покрај синот Дилан, Кетрин Зета-Џонс и Мајкл Даглас ја имаат и ќерката Керис (23).

Оваа година парот слави 25 години успешен брак. Нивната љубовна приказна почна на филмски фестивал во Франција. Тие се венчаа во ноември 2000 година во хотелот „Плаза“ во Њујорк. Нивната раскошна венчавка, на која присуствуваа многу познати актери, политичари, па дури и членови на британското благородништво, беше прогласена за свадба на годината.

Лили Роуз Деп, 25-годишната ќерка на Џони Деп и Ванеса Паради, стана тема на коментари на социјалните мрежи поради изборот на облеката што ја носеше на забавата на „Венити фер“ организирана по „Оскарите“.

Младата актерка се појави во краток шарен топ украсен со црна машна и долго здолниште со ниска половина. Таа со овој избор на облека ја истакна својата вита фигура, како и тесната половина, некои ѝ даваа комплименти за изгледот, други сметаа дека не е соодветно облечена за ваков настан.

Инаку, хорор-филмот Nosferatu, во кој Лили Роуз ја играше главната улога, беше номиниран за „Оскар“ во четири категории.

Филмот е римејк на германскиот експресионистички класик од 1922 година, инспириран од романот „Дракула“ на Брам Стокер. Сместен во Германија од 1830 година, ја следи младата жена Елен Хантер, која ја игра Лили Роуз, додека се свртува кон натприродно суштество за да ја ублажи својата осаменост, што ја наведува да даде злокобен завет за вечност. Хоророт има 84 проценти на Rotten Tomatoes.

„Ова изгледа страшно“, „Можеше и да облече нешто. Изгледа како да отишла на плажа“, „Убава е, но не ми се допаѓа оваа облека за ‘Оскарите’“, „Изгледа како стомачна танчарка“, „Малку насмевка, малку руменило и сјај за усни и ќе изгледаше подобро“, „Не разбирам зошто ја осудуваш, млада е и изгледа модерно“, се само некои од коментарите.

Неодамна Лили Роуз откри дека таа со овој филм сигурно ќе освои поени кај помладиот брат Џек, кој како и таа како дете бил опседнат со Дракула.

Актерката Мег Рајан (63) се појави на годинешното доделување на „Оскарите“ и изненади многумина со својот изглед. На сцената повторно се сретна со Били Кристал, со кој глумеше во култниот филм „Кога Хари ја запозна Сали“ и заедно ја доделија наградата за најдобар филм./

За време на доделувањето на наградите, Мег и Били се забавуваа на сцената, а неговиот духовит говор ја насмеа публиката.

Сепак, најголемо внимание привлече изгледот на нејзиното лице, што многумина го коментираа на социјалните мрежи. Некои истакнаа дека тешко се препознава актерката, а други ги критикуваа естетските зафати, со оглед на тоа што промените на нејзиното лице беа премногу изразени.

„Ги гледам Мег Рајан и Били Кристал. Изгледа нормално за неговите години – одлично. Но, Мег изгледа како сите процедури на нејзиното лице да тргнале наопаку. Многу тажно“, „Мег Рајан е пример зошто не треба да допирате убаво лице кога ќе остарите“, „Таа си го уништи лицето“, се само дел од коментарите на социјалните мрежи.

Покрај коментарите за изгледот, гледачите забележале дека Рајан куца кога оди, што се должи на проблем со колкот предизвикан од артритис. Инаку, таа за оваа пригода избра елегантен прилепен фустан во боја на вино, кој го комплетира со дијамантска алка.