Забава
Културното лето во Ѓорче Петров продолжува: бендови, диџеи, забава за најмалите со улични артисти и анимирани филмови и за празничниот викенд

По одличното отворање минатиот викенд, годинешното Културно лето 2025 во општина Ѓорче Петров продолжува и за време на празничниот „продолжен“ викенд.
Така, на 28 август во четврток, на денот на големиот православен празник Голема Богородица со почеток во 20.00 часот во Централниот парк во Ѓорче во рамките на нивната турнеја низ регионот, свој целовечерен концерт ќе одржат гостите од Хрватска, групата „Адонаи“ и пријателите, чии членови изведуваат поп, рок и госпел музика.
Следниот ден, петок, 29 август, следува уште една музичка вечер, каде граѓаните ќе можат повторно да дојдат „На свирка во Ѓорче“. Од 20.00 часот атмосферата ќе ја загре најпознатата македонска ДЈ -ка, Вера „Генерал“ Јанковиќ која со своите ДЈ сетови ќе не потсети на најголемите светски хитови од 70-ите, 80-ите и 90-ите години.
По неа, од 21.30 часот еден од најдобрите македонски клубски бендови „Деј Оф“ (Day Off) по одличниот настап на отворањето на културното лето, ќе го „репризира“ својот рок ен рол перформанс со изведба на избор од најпознатите светски, но и македонски рок ен рол класици и евергрин балади.
Претстојниот викенд од Културното лето во Ѓорче Петров во сабота, 30 август, е посветен на најмалите. Замислен како детски викенд, тој ден од 19.00 часот најмалите ќе ги забавувуваат со своите бравури и баскер магија уличните артисти.
По нивниот перформанс, од 19.30 часот во реонскиот парк за децата следува филмската проекција во два дела на долгометражниот анимиран филм насловен „Авантурите на Биби и Боби – Волшебната шума“.
Се’ на се’ и за празничниот викенд (четврток, петок, сабота) Културното лето во Ѓорче Петров ќе понуди богата и разновидна програма и сполнета со многу забава за сите генерации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Естрада
Почина Халид Бешлиќ

На 71 годинa денес во Сараево почина Халид Бешлиќ, еден од најголемите музички великани на просторот на поранешна Југославија. Пејачот ја изгуби битката со тешка болест по кратко боледување, пренесуваат медиумите од Босна и Херцеговина.
Бешлиќ беше хоспитализиран кон крајот на август во Клиничкиот центар на Универзитетот во Сараево, каде што беше под постојан надзор на лекарите. И покрај напорите на медицинскиот тим, пејачот почина денеска околу 13 часот.
Со своите безвременски хитови Халид Бешлиќ остави неизбришлив белег на музичката сцена и во срцата на многу генерации.
Роден на 20 ноември 1953 година во Кнежина кај Соколац, Бешлиќ беше симбол на севдахот и емоцијата.
Забава
(Фото) Таа е повторно „гола“: сите зборуваат за жешкото издание на сексапилната актерка

Прекрасната актерка Оливија Вајлд ги воодушеви сите, но не ги изненади со своите модни избори на Неделата на модата во Париз. Од атрактивната русокоса секогаш се очекува нешто провокативно.
За оваа пригода, таа избра чипкаст сет составен од долго здолниште и кратка блуза со ракави која е целосно проѕирна. Само на пределот на градите се извезени цвеќиња, а се чини дека под него не носеше градник.
На своето апстрактно издание додаде спектакуларна огрлица и црна чанта.
Ова не е прв пат Оливија да привлече внимание со својот изглед, нејзината „гола ноќница“ од Оскарите исто така беше забележана, но овој пат беше повоздржана.
И сега таа остана верна на својот стил кој вели – „само проѕирно“ и повторно беше главна тема.
Покрај модните изданија, Оливија го привлекува вниманието кон себе и кон својот љубовен живот. Откако раскина со Хари Стајлс, кој беше десет години помлад, таа се впушти во романса со поранешниот кошаркар и актер Дејн Дилиегрo.
фото: принтскрин
Забава
Не ги потценувајте: овие знаци се попаметни отколку што мислите

Некои хороскопски знаци кои на прв поглед изгледаат едноставни или резервирани, всушност се исклучително паметни и досетливи.
Луѓето родени под одредени хороскопски знаци не секогаш бараат признание или се наметнуваат, но нивната интелигенција доаѓа до израз кога е најпотребна.
Еве еден поглед на знаците кои честопати се потценети од другите, но всушност се попаметни отколку што мислите.
Рак
Раковите се познати по нивната чувствителност и емоционален пристап кон животот. Поради ова, многумина ги перцепираат како претерано ранливи или кршливи, но всушност тие поседуваат длабока емоционална интелигенција. Раковите се многу добри во читањето на луѓето и ситуациите, што им овозможува да донесуваат промислени одлуки и да наоѓаат решенија таму каде што другите не можат да ги видат.
Нивната сила лежи во нивната способност да ги поврзуваат чувствата со логиката, што ги прави изненадувачки мудри во комплицирани ситуации.
Девица
На прв поглед, Девиците изгледаат повлечени и строги, па затоа често се потценети, бидејќи не ги покажуваат своите способности гласно. Сепак, токму во нивната скромност лежи нивната сила. Девиците имаат исклучителни аналитички вештини и способност да забележуваат детали што другите дури и не ги регистрираат.
Тие тивко собираат информации, набљудуваат и заклучуваат, а нивните решенија се често најпрактични и најточни. Затоа, иако не бараат внимание, нивната интелигенција секогаш доаѓа до израз.
Риби
Рибите често се сметаат за сонувачи кои лебдат во својот свет, поради што другите може да ги потценат. Но, нивната имагинација и креативност се всушност знаци на посебен вид интелигенција. Рибите имаат способност да ги гледаат работите од поинаков агол и да најдат инспирација во она што им изгледа незначително на другите.
Нивната интуиција и емпатија често ги водат до решенија кои изгледаат неверојатно точни и добро осмислени. Затоа Рибите често ги изненадуваат сите околу нив со својата мудрост.
Вага
Вагата често се смета за луѓе кои само сакаат да им угодат на другите и да избегнуваат конфликти. Но, зад нивната желба за хармонија лежи извонредна интелигенција. Вагата е одличен дипломат – тие знаат внимателно да избираат зборови и решенија што ги смируваат дури и најнапнатите ситуации.
Оваа способност за балансирање и преговарање е знак на практична и емоционална интелигенција. Иако многумина ги потценуваат, мислејќи дека само „пловат низ животот“, Вагата всушност многу добро знае што прави.
Јарец
Јарците често се опишуваат како сериозни, ладни и строги, што може да создаде впечаток дека им недостасува флексибилност. Сепак, нивната интелигенција лежи во нивната внимателност, стратегија и долгорочно планирање. Јарците го гледаат она што другите го пропуштаат, бидејќи секогаш гледаат неколку чекори напред.
Иако нивната мудрост можеби не се демонстрира преку спонтани идеи или креативни искри, нивната способност да постигнуваат цели и да решаваат сложени предизвици е доказ за проницлив ум.
фото: принтскрин