Забава
Лекар и реална ѕвезда со убави гестови ги расположува своите пациенти

Поранешната sвезда на емисијата „Лав Исланд“, доктор Алекс Џорџ (29), сфаќа колку е тешка оваа ситуација за сите додека трае пандемијата на коронавирусот. Тој се обидува со убави гестови да ги насмее и расположи своите пациенти со цел што побргу да го поминат ова трауматско искуство. Поради тоа, тој секој ден на својата медицинска опрема ја лепи својата фотографија во костим за капење, која претходно ја има отпечатено во црно-бела боја.
„Толку многу пациенти се исплашени, особено кога ќе нè видат во медицинска опрема. Мислев дека можам да ги насмеам на тој начин, барем на една секунда“, им рече Алекс на странските медиуми.
Тој ја објави фотографијата на својот профил на „Инстаграм“, а неговите следбеници го пофалија и му напишаа дека тој навистина е вистински херој. Алекс неодамна се пожали дека најтешкиот дел од неговата работа е да ги утеши семејствата на пациентите со коронавирус.
Минатата недела тој рече дека е емоционално исцрпен и призна дека имал неколку смртни случаи поврзани со коронавирусот во лондонската болница каде што работи. Тоа го погодило.
„Работиме цел ден и ноќ за да најдеме идеална вакцина која ќе придонесе за имунитетот“, рече лекарот кому најмногу му недостига дружењето со неговата девојка Амелија.
Тој смета дека би било идеално кога луѓето би можеле да попримат поблага форма на вирусот, па да станат имуни на него ако повторно се појави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.