Забава
Леонардо ди Каприо спаси човек неколку минути пред да се удави
Ова може да биде време Леонардо Ди Каприо да се искупи во очите на фановите на „Титаник“, пишуваат светските таблоиди.

Од излегувањето на филмот во 1997 година, 45-годишниот актер е предмет на бројни дискусии во врска со одлуката на Џек (ликот во „Титаник“) да се удави наместо да ја дели лебдечката дрвена табла со љубовта на неговиот живот Роуз (која ја играше Кејт Винслет).
Меѓутоа, неговиот најнов херојски чин можеби ќе биде доволен за конечно да престанат таквите коментари.
Британскиот таблоид The Sun објави дека Леонардо спасил 24-годишен Французин кој паднал во море наводно пијан.
На 30 декември, наградуваниот актер летувал на јахта на Карибите со својата девојка Камила Мороне (22) и неговите пријатели кога слушнал мејдеј-повик што сигнализира опасност по живот или вонредна состојба. Во тој момент Леонардо решил да се приклучи на напорите за итно пребарување. Тој ја свртел својата јахта за да пребарува во немирните води и успеал да го најде и спаси младиот Французин пред самрак.

Екипажот на јахтата го забележале човекот како мафта со рацете и успеале да го извлечат од вода пред да се стемни и во услови на голема дождовна бура.
Човекот, идентификуван како Виктор, паднал од чемец на Карибите и преживеал во вода 11 часа. Тој бил сериозно дехидриран. Луѓето од бродот му дале храна, пијалок и облека пред да им биде предаден на крајбрежните стражари.
Според The Sun, шансите Виктор да преживее во море биле „една во милијарда“, а бродот на Леонардо бил единствениот кој одговорил на повикот за спасување. Човекот наводно бил неколку минути од давење кога бил спасен.
Можеби после ова, најдобриот пријател на Леонардо, Бред Пит, конечно ќе престане да коментира во врска со „Титаник“?

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Нов пресврт во правната сага меѓу Блејк Лајвли и Џастин Балдони: нејзината тужба останува, неговата падна
Правната битка меѓу ѕвездите од „Тоа завршува со нас“ има нов епилог. Актерот и режисер Џастин Балдони ја повлече својата контратужба за клевета од 400 милиони долари против колешката Блејк Лајвли откако го пропушти клучниот рок за повторно поднесување.
Според Ролинг Стоун, федерален судија официјално ја заврши тужбата на Балдони. Неговиот случај првично беше отфрлен во јуни, но му беше дадена можност да ја измени и повторно да ја поднесе. Сепак, судијата Луис Лиман, кој го надгледува случајот, забележа дека Балдони и неговата компанија, „Вејфарер студиос“, не успеаја да го исполнат рокот од 17 октомври или да одговорат на судската наредба.
Додека случајот на Балдони против Лајвли сега е затворен, нејзината тужба против него за сексуално вознемирување и одмазда е сè уште активна и во тек. Балдони ја поднесе својата тужба како одговор на нејзините обвинувања.
Забава
Тамара Глоба предвидува блескав ноември за четири хороскопски знаци
Познатиот руски астролог Тамара Глоба предвидува дека ноември ќе донесе среќа и нов почеток за четири хороскопски знаци – Близнаци, Рак, Вага и Водолија.
Глоба најавува „крај на еден вознемирувачки период и почеток на посветла етапа“, со големи промени и нови можности.
Близнаци – ќе почувствуваат налет на креативна енергија, хармонија во љубовта и финансиска стабилност, но со потреба од внимателност во приватниот живот.
Рак – ќе уживаат во професионален напредок и профитабилни можности; крајот на месецот ќе бара повеќе внимание кон семејството.
Ваги – ги очекуваат нови средби, деловни понуди и лични промени; успехот ќе ги следи ако носат промислени одлуки.
Водолии – ќе имаат поддршка од блиските и пријателите, а во деловниот сегмент ќе им се отворат нови извори на приход.
Според Глоба, ноември ќе биде период на нови можности, финансиска стабилност и личен раст, но ќе бара мудрост и внимателност во одлуките.
Забава
Мајка ѝ е кралица нa „Ноќта на вештерките“, но и Лени Клум воодушеви со својот костим
На годинешната забава на Хајди Клум за „Ноќта на вештерките“ во Њујорк, во центарот на вниманието беше нејзината ќерка Лени Клум, која со креативниот костим го привлече вниманието на сите.
Дваесет и едногодишната манекенка се претстави како ликот Камил Крим од детската книга „Необичниот случај со пругите“. и го обои целото тело во шарени пруги – еден од највпечатливите костими на вечерта.
Хајди Клум се појави како Медуза, нејзиниот сопруг Том Каулиц како сребрен витез, а неговиот брат близнак Бил Каулиц како Сејлор Мун. На забавата присуствуваа и останатите деца на Клум од бракот со Сил.

