Иако секој од време на време се става себе си на прво место, некои хороскопски знаци го прават тоа многу почесто – до тој степен што другите може да ги доживуваат како себични.

Според астрологијата, луѓето родени во овие знаци често се фокусираат на сопствените потреби, желби и цели, па во врските понекогаш го занемаруваат тоа како се чувствуваат другите. Нивното однесување не е секогаш намерно штетно, но емпатијата често не им е силнa страна.

Овен

Родените во знакот Овен се познати по својот натпреварувачки дух и силна волја. Тие се брзи, импулсивни и често реагираат без да размислуваат за туѓите емоции. Кога сакаат нешто, тие одат по тоа без оглед на препреките – и без многу да внимаваат на чувствата на луѓето околу нив. Овните се водени од потребата да бидат први и најдобри, што ги прави одлични во акција, но и склони кон себично однесување кога нивните интереси се во прашање.

Лав

Лавовите сакаат внимание, пофалби и признанија, а понекогаш им е тешко да видат надвор од нивните потреби. Иако можат да бидат дарежливи, нивната желба да бидат во центарот на вниманието често ги доведува до однесување кое другите го доживуваат како егоцентрично. Кога не се чувствуваат доволно ценети, тие можат да станат драматични и да бараат, заборавајќи дека и другите имаат потреби и чувства.

Близнаци

Близнаците се шармантни и духовити, но поради својата природа често се однесуваат себично, особено кога станува збор за преземање одговорност. Тие можат брзо да се предомислат, лесно да заборават на ветувањата и да се повлечат кога ситуацијата станува емоционално напорна. Нивната потреба за постојана возбуда и разновидност често ги наведува да го следат само она што им одговара во моментот, без оглед на туѓите очекувања.

Педро Паскал присуствуваше на премиерата на втората сезона на „Последниот од нас“ во Лос Анџелес, а најголемо внимание привлече неговиот моден избор за црвениот тепих.

Познатиот актер се појави во чизми над колената, кои ги искомбинира со карирана сино-зелена јакна и кожени панталони.

Чизмите ги дизајнираше Ентони Вакарело, кој работи за луксузниот бренд „Сент Лорент“, а беа претставени на модна ревија одржана во Париз во јануари. На социјалните мрежи имаше бројни реакции за неговата облека, а многу дами го пофалија изгледот на Паскал.

„Сакам мажи кои не се плашат да ризикуваат“, „Храбар моден избор кој совршено му одговара“, „Тој е уникатен“, „Секоја чест што е храбар“, се дел од коментарите на „Икс“. Имаше и такви кои не беа воодушевени од неговиот избор, иако и покрај нивните мислења ја пофалија неговата „храброст да ги носи“.

Што мислите за неговата модна комбинација?

Истражување покажа дека генерацијата „З“ (од 18 до 26 години) најмногу користи вештачка интелигенција во својот љубовен живот – 15 отсто од анкетираните користат вештачка интелигенција за планирање состаноци, а 12 отсто бараат совет за врска.

Малку помалку отворени за ова се миленијалците (од 29 до 44 години) – девет проценти од нив користат вештачка интелигенција за планирање состаноци, а 11 проценти за љубовни совети.

Сепак, повеќето млади луѓе сè уште не дозволуваат вештачката интелигенција да ја преземе улогата на Купидон. Дури 72 отсто од членовите на генерацијата „З“ и 76 отсто од миленијалците никогаш не користеле вештачка интелигенција за романтични цели. Главните причини, како што наведоа, се сомневањата за автентичноста и вистинската поврзаност.

Експертот за врски, Али Булок, која работи за апликацијата „Перд“, објаснува зошто младите се претпазливи:

„Апликациите за состаноци се исцрпувачки, а по пандемијата, луѓето се повеќе бараат личен контакт. ВИ делува како уште една алатка која ги оддалечува односите од вистинската човечка врска, а многумина се скептични во врска со тоа“.

Испитаниците откриле и какви проблеми имаат во односите кога е технологијата во прашање. Најчестиот проблем за генерацијата „З“ и миленијалците е користењето на нивните телефони во времето поминато со партнерот – 57 проценти од младите и 68 проценти од миленијалците го наведуваат ова како одвлекување на вниманието. Следува играње игри и одговарање на деловни пораки надвор од работното време.

Иако вештачката интелигенција сè уште не е широко прифатена во романтичните врски, интересот расте. Речиси една петтина од миленијалците (19 проценти) велат дека во иднина би размислувале да користат вештачка интелигенција за советување, партнерска терапија или вежби за парови.

Булок предупредува: „Преголемото потпирање на вештачката интелигенција може да доведе до намалена емоционална интелигенција и полошо решавање на конфликти во односите“.

„Треба да го подобриме начинот на кој се поврзуваме“ „Предизвиците во врската отсекогаш се решавале со помош на книги, пријатели или терапевти – вештачката интелигенција е само уште една алатка“, додава Булок.

„Тоа нема да ја замени реалната врска, но може да им помогне на паровите подобро да се движат во модерните врски“.

„Наместо да се плашиме од новата технологија, треба да се фокусираме на тоа како таа може да го подобри начинот на поврзување. Тој воз веќе се движи, сакале ние или не“, заклучи таа.