Забава
Мадона возврати на коментарите за непрепознатливиот изглед

Мадона одговори на негативните коментари во врска со нејзиното појавување на Греми-наградите и ја обвини камерата со долг објектив за која вели ѝ го сменила лицето.
64-годишната музичка легенда се соочи со лавина критики за нејзиниот изглед на свечената церемонија на доделување на престижните музички награди минатата недела.
Во прилично долга објава на својот инстаграм-профил таа вели: „Уште еднаш сум фатена во сјајот на ‘ејџизмот’ (дискриминација според возраст) и мизогинијата“.
Таа сподели видео од вечерта во „Стејплс центарот“ во Лос Анџелес, каде што се забавуваше со Сем Смит и Карди Би.
Во придружниот опис на објавата Мадона возвраќа на коментарите за нејзиниот непрепознатлив изглед на свеченоста, кои доминираат на социјалните мрежи веќе неколку дена.
Според неа, токму камерата со долг објектив ѝ го изобличила лицето и го направило да изгледа позаоблено и подуено отколку што всушност е.
Таа го дијагностицира проблемот додавајќи: „Уште еднаш сум фатена во сјајот на ‘ејџизмот’ и мизогинијата, кои стануваат сè поприсутни во светот во кој живееме“.
„Наместо да се фокусираат на она што го кажав во мојот говор, а тоа беше за изразување благодарност за бестрашноста на уметниците како Сем и Ким, многу луѓе избраа да зборуваат за моите фотографии што ги направил новинарски фотограф со камера со долг објектив, кој би го изобличил сечие лице!“, напиша таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.