Забава
Марс влегува во Стрелец: што ни се подготвува во наредниот еден и пол месец?
Денеска, Марс влегува во Стрелец и таму ќе остане до 4 јануари следната година. Што ни носи овој транзит?
Марс, господар на енергијата, амбицијата, младоста, но и на агресијата, влегува во Стрелец. Бидејќи Јупитер е владејачката планета на овој знак, негативноста на Марс ќе се ублажи бидејќи Јупитер ќе ја контролира енергијата на другата планета. Ова ќе предизвика голем авантуризам кај поединци, а армијата, полицијата и медицинската гранка ќе напредуваат на нереално ниво. Новите резултати од истражувањето што ќе се постигнат во овој период ќе имаат корист за човештвото. Акцентот ќе биде ставен на зачувувањето на културното наследство и филозофското богатство.
Овен
Во наредниот период на Овните им се смее некое наследство. Доколку долго време сакате да патувате во странство, Марс ќе ве поттикне конечно да го направите тоа. Ќе уживате во учењето за разни култури. Сепак, внимавајте вашата смелост да не ве натера да преминете некои граници. Можеби сте особено арогантни и не сте подготвени да слушате туѓи мислења. Исто така, ова е добро време да се вратите во форма.
Бик
Ако сте слободни, набргу може да најдете љубов. Ако сте во пар, вашиот дух за авантура може да предизвика проблеми во врските. Внимавајте да не влезете во контроверзни ситуации и партнерот ќе ви се заблагодари за тоа. Проблеми ќе настанат и доколку сакате да се преселите во странство, а вашиот партнер не дели исти желби. Обидете се да го решите ова на најмирен можен начин.
Близнаци
Можно е да најдете љубов меѓу вашите пријатели, што исто така ќе ја заврши вашата потрага по сродна душа. Во овој период ќе се решат сите проблеми во бракот. На деловен план, ќе се здружите со вистинските луѓе и ќе го удвоите вашиот приход. Сепак, погрижете се добро да ги разјасните правилата за да избегнете подоцнежни конфликти. Оние што се во врска мора многу да внимаваат да не го задушат партнерот.
Рак
Ќе бидете многу успешни за време на овој транзит. Сè што правите на работа ќе ви се исплати, а интервјуата за работа ќе бидат успешни. Сепак, многу е важно да се биде педантен кога е во прашање работната етика. Можеби ќе почувствувате недостиг на ентузијазам кога станува збор за вашето хоби. Партнерот исто така ќе се чувствува запоставено, па можни се постојани конфликти. Иако ќе имате успех во кариерата, самодовербата ќе ви биде разнишана. Оние што се сами во овој период не треба да ги признаваат своите чувства кон симпатијата.
Лав
Ќе им посветите многу време на родителите и ќе се трудите да бидете тука за нив. Тоа ќе го направите така што ќе им помогнете во домашните работи. Од друга страна, ќе бидете многу посветени на вашите хоби, а можеби ќе имате и желба да патувате во странство. Оние што студираат, ќе може да се посветат на студиите и ќе бидат многу концентрирани. Оние што се обидуваат да имаат бебе, ќе успеат да зачнат.
Девица
Можеби ќе поминувате повеќе време опкружени со семејството. Ќе се посветите на односите со вашите најблиски. Во овој период може да добиете и наследство. Ако се заинтересирате за окултни теми, внимавајте да не паднете на лажни приказни. Ќе се чувствувате поенергично ако останете дома, но веројатно поради тоа ќе поминувате повеќе време на социјалните мрежи. Размислете за продажба на вашиот дом или имот.
Вага
Марс влегува во Стрелец и во наредниот период ќе бидете подготвени да стапите во брак. Оние што се веќе во брак, ќе уживаат во вашата врска. Можно е, предводени од ова добро расположение, да се одлучите да заминете на кратко патување. На деловен план можно е потпишување нови договори. Ако имате можност да инвестирате во имот, направете го тоа. Тоа ќе се покаже како многу профитабилно на долг рок. Ќе поминете многу време во комуникација на телефон.
Шкорпија
Овој транзит ќе ве зближи со вашето семејство. Иако ќе поминувате многу време заедно, можно е да настанат расправии поради разликите во мислењата. Прифатете здрава рутина за себе и охрабрете ги членовите на вашето семејство да ја следат. Во овој период ќе бидете многу чувствителни на забите, а можни се и проблеми со цревата. На деловен план ќе ги воодушевите луѓето со вашите комуникациски вештини. Лесно ќе го придобиете вниманието на вашите соговорници.
Стрелец
Во периодот што следува, кога Марс ќе влезе во вашиот знак, ќе бидете опседнати со партнерот. Можно е да отиде до крајност и да бидете многу љубоморни и посесивни, што не е нормално за вас. Покрај тоа, ќе бидете подготвени да потрошите голема сума пари за да ги остварите вашите соништа. Иако ќе бидете исцрпени, ова ќе биде поволен период за учење и полагање испити. Сепак, обидете се да најдете време да се опуштите.
Јарец
Овој транзит може да ви донесе среќа кога станува збор за продажба на недвижен имот. Меѓутоа, за да успеете во тоа, потребно е да бидете внимателни со располагањето со финансиите. Воздржете се од трошење на сите ваши заштеди. Ова ќе биде неповолен период за вашите односи со луѓето и можно е да изгубите важен пријател. Тоа ќе направи да се чувствувате осамено. Тие што сакаат да живеат во странство, конечно, ќе може да го сторат тоа.
Водолија
Ќе успеете да си добиете покачување. Ако сте невработени, ќе добиете работа која добро се плаќа, затоа не откажувајте се од активно барање работа. Размислете за работа во медиумите, што исто така има елементи на истражувачко известување. Ќе стекнувате нови пријатели на работното место, иако нема да бидете премногу комуникативни. Ќе им бидете голема поддршка на вашите најблиски роднини доколку се најдат во проблем.
Риби
Ќе блескате на работни места што ќе бараат од вас вештини за зборување. Доколку сте во процес на барање работа, ќе ја најдете работата за која отсекогаш сте сонувале. Семејството ќе ве поддржи во унапредувањето на кариерата, дури и ако таа работа е во странство. Ако се обидете да најдете иновативни решенија и да бидете расположени за експерименти, тоа ќе ги инспирира другите. Вашите претпоставени ќе ги ценат вашите напори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ова се трите најблагородни хороскопски знаци: светот е поубав благодарение на нив
Во свет во кој сите бркаат лични цели, постојат ретки луѓе што никогаш не забораваат да се огледаат околу себе. Оние што застануваат да помогнат подаваат рака кога е потребно и се насмевнуваат без скриени намери.
Во астрологијата некои хороскопски знаци се издвојуваат по својата благородност; тие се оние што го прават светот поубаво, потопло и подобро место.
Лав
Иако често имаат репутација дека сакаат да бидат во центарот на вниманието, Лавовите се, всушност, неверојатно благородни. Нивното срце е големо како сонцето што ги симболизира и кога сакаат некого, ќе направат сè за да го заштитат и да го направат среќен.
Лавот сака да ги гледа другите среќни, особено ако тможе да им помогнат да блеснат. Неговата благородност произлегува од искрената потреба да шири топлина и поддршка на сите околу него.
Стрелец
Стрелецот верува во подобро утре и активно работи кон тоа. Неговата благородност не е само емотивна, туку и филозофска. Стрелецот искрено верува во правдата, слободата и помагањето на оние на кои им е потребна помош.
Нивната великодушност доаѓа од желбата да го направат светот пофер место. Тоа не само што ќе ви го даде она што го имате туку ќе ве научи и како да ја пронајдете сопствената сила и храброст.
Риби
Ако постои знак што носи безусловна љубов во себе, тоа се Рибите. Нивната емпатија е толку силна што речиси физички ја чувствуваат болката на некој друг и затоа ретко може да ја свртат главата од некој во неволја.
Рибите се подготвени да го дадат последното нешто што го имаат за да помогнат. Нивната благородност не е избор, тоа, едноставно, е начинот на кој живеат и дишат. Со нив светот никогаш не е сосема ладно место.
Забава
(Видео) Сите се воодушевени од изданието на Меган Маркл од 5.000 евра: „Совршено е, а таа е прекрасна“
Меган Маркл уште еднаш нè убеди во својата љубов кон едноставен, но софистициран стил, што го покажа и за време на едно појавување во Њујорк, на кое присуствуваше со својот сопруг, принцот Хари.
Таа носеше трендовски беж костим; широки панталони и соодветна јакна изработена од свиленикав материјал, дизајнирана од модната куќа „Ралф Лорен“. Интересно е да се напомене дека овој убав и модерн костим чини дури 5.000 евра, а софистицираните парчиња се продаваат одделно.
Уште еден хит со кој никогаш не можете да погрешите е белата кошула, што Меган вешто ја избра за својата модна магија. Сето тоа го заокружи со модерни кожени чевли, како и впечатлив скап накит.
@ellegermany♬ Originalton – ELLE Germany
И како што сме навикнати, Меган и овој пат носеше блага, природна шминка, како и пуштена, малку брановидна коса.
Нејзиниот сопруг, принцот Хари, исто така беше во својот препознатлив стил; во елегантен темносин костум, па изгледаа многу координирано заедно, а Меган доби многубројни комплименти на социјалните мрежи.
@accesshollywood #MeghanMarkle ♬ original sound – Access Hollywood
„Изгледа навистина убаво“, „Облеката е одлична“, „Го обожавам овој стил, секогаш изгледа елегантно“, „Облеката е совршена, а таа е прекрасна жена“, се само неколку од нив.
Забава
(Фото) Трендовски детаљ што ќе привлече внимание оваа сезона, а не чини многу
Впечатливите обетки, белезици и ѓердани беспрекорно се вклопија во актуелните трендови добивајќи мноштво разни форми, така што има по нешто за секого во овој сегмент. Дури и ако сте страстен љубител на суптилните детали, веруваме дека ќе ви биде тешко да им одолеете на некои од шарените парчиња накит од новите колекции.
View this post on Instagram
Минатата година бевме сведоци на подемот на т.н. тренд фудкор и сè беше преполно со шарен накит со овошни мотиви – помислете само на хит обетките – цреши.
Оваа година романтиката е во преден план, а безвременскиот мотив на цвеќето блескаше во посмели силуети и бои од кога било досега. Опсесијата со тропските цвеќиња продолжува, а преголемите обетки украсени со шарени егзотични ливчиња се детаљ што повеќе не е резервиран исклучиво за плажа и за забавите по неа.
Обетките во облик на големи тридимензионални цвеќиња се помногубројни од кога било на главната улица и станаа омилен избор на трендсетерките за малку поубави пригоди во топлите денови.
Заедно со обетките од смола во светли бои, вниманието го привлекуваат и моделите со неправилни форми и неочекувани текстури – бисерен сјај, варијанти од мрежест метал и материјали што имитираат злато или сребро се многу добредојдени.
Не се сомневаме дека овој вид впечатлив детаљ е навистина одлична инвестиција – не чини многу, а навистина прави разлика, додавајќи им опир на актуелност и карактер на малку поедноставни комбинации.
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Прекинот на електричната енергија во Португалија и Шпанија предизвикан од редок атмосферски феномен
Португалскиот оператор на електричната мрежа – РЕН објави дека прекинот на електричната енергија што ги погоди Португалија и Шпанија е...
Обвинителството ги кани на средба семејствата на жртвите од Кочани пред протестот најавен за утре
Јавното обвинителство кани на средба претставници на семејствата на жртвите од пожарот во дискотеката „Пулс“ кои би сакале подетално да се...
Палевски вели дека не се пријавил во полицијата во Баликесир оти секако ќе го нашле, се видел на сите вести во пицеријата додека пиел еспресо
Обвинетиот за убиствата на Вања и Панче, Љупчо Палевски, во судот одговараше на прашањата на обвинителите. Тој беше прашан зошто...
Путин најавува тридневно примирје
Рускиот претседател Владимир Путин објави таканаречен хуманитарен прекин на огнот од 8 мај до полноќ на 11 мај по повод...
(Видео) Кузеска: Нов скандал, братот на градоначалникот Стефковски лета по улиците, за него не важат законите
Денеска објавуваме нов скандал. Граѓаните ќе видат она што одамна го знаат: функционерите на власта прават што сакаат, без никаква...
„Заслужуваме одговори“: семејствата на жртвите од пожарот во Кочани утре на протетстен марш во главниот град
Семејствата на загинатите во трагичниот пожар во Кочани за утре, 29 април, најавија протестен „Марш за ангелите“ во Скопје. „Ние...
Двајца браќа обвинети за убиство и за обид за убиство на подмолен начин
По спроведена истражна постапка, јавен обвинител од Основното јавно обвинителство Скопје денеска поднесе обвинителен акт против две лица, кои како...
Подготовките за избор на нов папа се во тек: исходот неизвесен од кога било досега
Подготовките за избор на нов папа се во тек, а исходот е понеизвесен од кога било, со оглед на тоа...
Трамп: Зеленски е подготвен да ѝ го препушти Крим на Русија
Американскиот претседател Доналд Трамп изјави дека верува оти неговиот украински колега Володимир Зеленски е подготвен да го отстапи Крим на...
(Видео) Судир меѓу брод и ферибот на Флорида: едно лице загина, неколку повредени
Едно лице загина, а неколку други се повредени откако рекреативен брод се судри со ферибот што превезувал 45 лица во...
(Видео) 30-годишниот маж, кој газеше луѓе на канадски фестивал, обвинет за убиство
Триесетгодишен маж е обвинет по осум точки за убиство од втор степен, откако со автомобилот се забил во толпа луѓе...
САД предупредуваат: Вмешаноста на Пјонгјанг во војната мора да престане
Американскиот Стејт департмент соопшти дека е загрижен поради директното вклучување на Северна Кореја во војната на Русија во Украина и...
Северна Кореја потврди: Нашите војници се борат за Русија во војната против Украина
Северна Кореја за прв пат потврди дека испратила војници да се борат за Русија во војната со Украина по наредба...
Таравари отиде во Турција каде ги посети пациентите од трагедијата во Кочани
Министерот за здравство Арбен Таравари денеска ја посетил болницата „Чам ве Сакура“ во Истанбул, каде што се лекуваат двајца од...
Премиерот уверува дека Владата е стабилна и силна
Владата е стабилна и силна, и ги исполнува очекувањата на граѓаните, и покрај бројните предизвици и општата економска катастрофа која...
Детето што загина со мотор немало ниту возачка, ниту кацига, а возело со брзина над дозволената
Дежурен јавен обвинител од Основното јавно обвинителство Скопје извршил увид на местото на тешката сообраќајната несреќа во која загина 16-годишен...
Русија лансираше 97 беспилотни летала во неколку региони низ Украина
Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили...
Власта молчи пред дивеењето на Сашо Мијалков на Охридското езеро, обвини Левица
Периодов интензивно се одвиваат градежни активности на самото крајбрежје на Охридското езеро, во локалитетот познат како Горица 3, додека инвеститор...
Од денеска за верниците се отвора гробницата на папата Франциско во базиликата Санта Марија Маџоре во Рим
Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан....
