Забава
Марта Стјуарт лансира производи со канабис за домашни миленичиња

Американската гуру за животен стил Марта Стјуарт во вторникот лансираше линија на маслени капки со канабис и меко печени десерти за кучиња, неколку месеци по успешната промоција на нејзините гумени бонбони и чоколада со канабидол (CBD) за луѓе, кои веднаш се најдоа во продавниците во САД.
ТВ-водителка, колумнистка и ѕвезда на емисијата за кулинартво и животен стил пред две години најави партнерство со компанијата Canopy Growth, која се занимава со производство на марихуана и производи кои содржат канабис и канабидол (CBD).
Минатата година луѓето мораа да останат дома за да се спречи ширењето на Ковид-19, а со цел да се намали стресот и вознемиреноста во текот на самоизолација, на пазарот се појавија десерти што содржат канабис. Гумените бонбони, чоколади и пијалаци беа меѓу најбараните производи со канабис.
CBD, непсихоактивно соединение што се добива главно од коноп, се истражува за разни медицински примени и се рекламира широко дека има релаксирачки својства, пишуват светските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Девојката на Бекам „ги покажа забите“: ја критикуваат затоа што е постара од Круз

Викторија Бекам неодамна ја претстави својата нова колекција на Неделата на модата во Париз, а на овој важен настан беше поддржана од сите членови на семејството и, секако, привлече големо внимание со својот изглед.
На настанот се појавија Дејвид Бекам, ќерката Харпер, синовите Круз и Ромео, а Круз (20) беше придружуван од неговата девојка, кантавторката Џеки Апостел (29), со која е во врска повеќе од една година.
Таа се појави и на семејната фотографија, што предизвика контроверзии меѓу корисниците на социјалните мрежи, кои „му замерија“ на Круз затоа што е со постара девојка и ја нарекоа нивната врска „чудна“.
„Зошто 29-годишна излегува со 20-годишник?“, претежно негодуваа корисниците, но сигурно никој не очекуваше Џеки да проговори и да одговори токму на ова прашање што ги „мачеше“.
„Затоа што е љубезен, забавен, шармантен, грижлив, амбициозен, зрел, талентиран, лојален и прилично убав“, напиша таа отворено на Инстаграм, покажувајќи што навистина чувствува за него.
И ова не е прв пат девојката на Круз да присуствува на семеен настан, што укажува дека славното семејство одамна ја прифатило, а дека и таа добро се покажала како „снаа“.
фото: принтскрин
Забава
Познатиот актер призна дека користел дрога

Познатиот актер Џорџ Клуни призна дека користел дроги во минатото и детално раскажа едно особено срамно искуство. Во новото октомвриско/ноемвриско издание на списанието „Esquire“, 64-годишниот актер откри дека експериментирал со кокаин и други супстанции во младоста.
„Во ’82 година, пробав“, призна актерот, кој во тоа време имаше 21 година. „Се шегував за тоа како премногу земам, но вистината е дека тоа никогаш не ми беше голем проблем.“
Клуни, исто така, се присети на перцепцијата за дрогите во тоа време.
„Имаше една епизода од „Такси“ каде што сите користеа. Во тоа време, беше: ‘Не, ова не е како хероин. Не предизвикува зависност’. Но, потоа беше како: ‘О, па, всушност е доста лошо.’ Плус, беше надополнето со манитол. Детски лаксатив. Секој што ќе повлечеше линија, потоа одеше во тоалет.“
Освен за кокаинот, Клуни зборуваше и за лошо искуство со колачиња со марихуана што ги пробал една вечер со пријателите. Откако ги изеле колачињата, го гледале филмот „Волшебникот од Оз“, додека во позадина се слушал албумот „Dark Side Of The Moon“ на „Пинк Флојд“.
Последиците беа неочекувани. „Готови бевме. Буквално – мислам сите ние – бевме околу дваесетмина во салата за прикажување, и филмот заврши, а ние седевме таму без зборови, со часови. Со часови! Тоа едноставно не е мојата дрога“, заклучи тој.
фото: принтскрин
Забава
(Фото) Актерката помина низ пекол поради Оземпик, а потоа ја откри тајната на својот нов изглед

Познатата комичарка Ејми Шумер објави фотографија на социјалните мрежи за која веројатно никогаш не замислувала дека ќе стане главна тема на сите медиуми.
Ејми ја покажа и својата неверојатна трансформација откако ослабе 13 килограми.
Краток црн фустан во комбинација со високи потпетици совршено ги истакна нејзините долги нозе, а сите други набрзо го забележаа тоа.
„Какви нозе“, „Изгледаш прекрасно, погледни ги тие нозе“, „Лута сум, зошто мора да имаш такви нозе“, „Ти љубоморам“, беа некои од коментарите.
Оваа фотографија доаѓа и откако Ејми призна дека ослабела со помош на апчиња за слабеење, со што стана една од ретките јавни личности кои не се плашеа да ја откријат тајната на својот нов изглед.
„Сакам да бидам искрена со тебе. Го користев лекот Мунџаро и имам добро искуство со него. Пред три години го користев Оземпик, но од него не престанав да повраќам. Бев прикована за кревет, не можев да го поднесам“, рече таа додека гостуваше во шоуто на Хауард Стерн.
фото: принтскрин