Забава
Мајкл и Кетрин прославуваат роденден на ист ден

Славниот холивудски пар Мајкл Даглас и Кетрин Зета Џонс се родени на ист ден, а единствената работа што ги дели е разликата од 25 години меѓу нив.
Мајкл и Кетрин, кои се во среќен брак повеќе од две децении, се подготвуваат за двојна прослава бидејќи и двајцата го одбележуваат својот роденден на 25 септември.
Таблоидите потсетуваат дека денес ѕвездата родена во Велс наполни 54 години, а нејзиниот сопруг 79.
Љубовната приказна на Мајкл и Кетрин почна во 1998 година кога тој ја виде велшката убавица (која тогаш имаше 29 години) во улогата на енигматичната Елена Монтеро во филмот „Маската на Зоро“. Тој подоцна му кажа на својот публицист да организира средба помеѓу нив.
„Ја запознав во бар и бев тотален џентлмен“, му рече Мајкл на Џонатан Рос за време на гостувањето во неговата емисија во 2016 година. Актерот – кој имал 54 години кога се запознале – не можел да чека, па решил самиот да направи потег подоцна таа вечер дрско велејќи ѝ на актерката: Знаеш, јас ќе бидам татко на твоите деца“.
Но, Кетрин не била заљубена во актерот од „Ниски страсти“ (Basic Instinct). Таа одговорила: „Слушам многу за тебе и гледам многу за тебе и мислам дека е време да кажам добра ноќ“.
Сепак, шармот на холивудскиот актер беше пресуден, парот се сврши на новогодишно патување во домот на Мајкл во Аспен, Колорадо, во 1999 година, а следната година тие се венчаа.
Тие го пречекаа и синот Дилан Мајкл, кој имаше само три месеци кога присуствуваше на свадбата на своите родители.
Кетрин претходно се осврна на нивниот јаз во годините и во интервју за „Волстрит џурнал“ во 2021 година рече: „Мојот сопруг е 25 години постар од мене; тоа не е тајна… Константата се љубовта и почитта“.
Во друго интервју во 2022 години, овој пат за британски „Телеграф“, таа објасни: „Ние сме многу добри еден со друг, се почитуваме и никогаш не чувствувам дека тој е 25 години постар од мене. Се сеќавам кога некои луѓе велеа: кога ќе имаш 50, тој ќе има 75 години.“
„Тоа е само математика“, додаде таа.
Даглас и Зета-Џонс во Кан 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Бајага гостин на Влатко Стефановски на јубилејниот концерт во Скопје

Главен гостин на Влатко Стефановски на јубилејните концерти што ќе се одржат на 9 и 10 мај, со кои тој одбележува 50 години на музичката сцена, ќе биде легендарниот кантавтор и лидер на групата „Бајага и Инструктори“, Момчило Бајагиќ Бајага.
Двајцата музички великани се долгогодишни соработници и пријатели, а нивниот заеднички настап во Скопје ќе донесе незаборавни моменти за публиката. Покрај Бајага, на сцената со Стефановски ќе се приклучат и други ценети музичари, меѓу кои кларинетистот Горан Бојчевски, мултиинструменталистот Дамир Имери, басистот Иван Кукиќ и синот на Влатко, Јан, на тапани.
Првиот концерт на Влатко Стефановски во Македонската филхармонија е распродаден со рекордна брзина, а поради огромниот интерес е отворен дополнителен термин – 10 мај 2025 година. Концертите ќе претставуваат пресек од неговата богата кариера – од деновите со култната група „Леб и сол“ до неговиот успешен соло пат.
Препознатливиот спој на инструментален рок, етно џез, блуз и македонска традиционална музика ќе добие нова димензија со специјалните гости, а публиката ќе ужива во изведбите на класици како „Чукни во дрво“, „Gipsy Song“, „Чувам ноќ од будни“, „Као какао“ и „Македонско девојче“. Дополнително, Стефановски неодамна го сними албумот „London Sessions“ во легендарното Abbey Road Studio 3 во Лондон, со врвни музичари, меѓу кои неговиот син Јан Стефановски на тапани и Тихомир Хојсак на електричен контрабас.
Снимањето и продукцијата ги водеше Горан Мартинац, а завршната обработка ја направи добитникот на Греми, Шон Меги. Албумот е достапен и во трипл-LP издание.
Забава
Долф Лундгрен (67) фотографиран со сопругата (28) на плажа во Мајами

Шведскиот актер, Долф Лундгрен (67) е фотографиран со сопругата Ема Крокдал (28) на плажа во Мајами.
Ема носеше виолетов дводелен костим за капење, додека Долф сини гаќички. На парот не му пречеа папараците на секој чекор. Тие уживаа во пливање и сончање.
Пред неколку дена, Лундгрен беше со сопругата и ќерките Ајда Лундгрен (28) и Грета Лундгрен (22) на ручек во ресторанот Авра Медитеран на Беверли Хилс.
Долф се ожени со Ема во јули 2023 година среде неговата битка со ракот. Интимната свадбена церемонија се одржа на Миконос, Грција.
Актерот еднаш зборуваше за нивната разлика во годините.
„Чувствувам дека Ема е многу зрела за своите години. Имаше интересен живот. Дојде тука од мал град во Норвешка. Се омажи, имаше тежок развод и помина низ многу нешта низ кои повеќето млади луѓе на нејзина возраст не мора да поминат“, рекол тој.
Во ноември 2024 година, Лундгрен на Инстаграм откри дека неговата битка со ракот е завршена.
Се сликаше од болничкиот кревет и рече: „Добро, тука сум. Ќе влезам и ќе се ослободам од последниот тумор. Бидејќи во моето тело нема повеќе канцерогени клетки, претпоставувам дека ќе бидам ослободен од рак и со нетрпение ја чекам оваа процедура. Правам аблација на белите дробови“.
„Благодарен сум и возбуден за сè што доаѓа. Ви благодарам на сите за поддршката. Тоа беше тешко патување и навистина ме научи да живеам во моментот и да уживам во секој момент од мојот живот“, додаде тој.
Забава
Детали што тивко зборуваат за стилот

Женскиот стил не се дефинира само преку облеката – туку преку начините на кои жената ги избира и комбинира сите елементи што го сочинуваат нејзиниот изглед. Токму тие мали детали, кои на прв поглед можеби изгледаат незабележливо, носат најголемо значење. Преку нив се открива многу повеќе отколку што изгледа – емоции, личност, вредности и чувство за мера. Секоја жена со изграден стил знае дека вистинската сила не лежи во количината, туку во внимателниот избор на она што навистина ја претставува. Во време на брзи трендови и масовна мода деталите остануваат најискрен израз на индивидуалноста.
Накитот како личен печат
Накитот е еден од најстарите начини на личен израз и има моќ да пренесе емоција, карактер и стил – без потреба од зборови. Особено место меѓу накитот заземаат приврзоците – мали, но значајни симболи што често носат сопствена приказна. Тие можат да бидат спомен од некој близок, семејна реликвија, амајлија за среќа или едноставно внимателно избран симбол со лично значење. Приврзоците се носат на синџирчиња, сами или во комбинација со други – дискретно, а сепак доволно впечатливо.
Исто така, не треба да се занемарат ниту алките – накит кој често е потценет, но со силна визуелна и симболична улога. Алките го следат движењето на рацете, внесуваат ритам и женственост. Сребрените алки се особено привлечни – едноставни, но елегантни, и лесно се вклопуваат во различни стилови, од класични до современи. Може да се носат поединечно или во комбинација, со часовник или други алки, создавајќи интересна игра на облици и текстури. Алката не е само моден додаток, туку често има и сентиментална вредност – подарок, спомен или израз на моментално чувство.
Накитот, генерално, не служи само за разубавување – тој е израз на внатрешниот свет. Преку него, жената испраќа порака: дали е романтична, смела, префинета или автентична. Со внимателно избран накит, жената не само што го надополнува својот изглед, туку остава впечаток кој се памети.
Ритуал на убавина што го освежува духот
Шминката за многу жени не е само алатка за разубавување – таа е дел од утринскиот ритуал, момент само за себе, начин да се започне денот со самодоверба. Не се потребни тешки слоеви – доволни се неколку нежни нијанси, малку боја на усните и сенка што го истакнува погледот. Шминката не само што го разубавува лицето, туку и го менува расположението. Во вечерните часови, таа станува понагласена – со блескави тонови, интензивни кармини и драматични линии – но дури и тогаш, најсилен впечаток остава таа што знае да ја задржи рамнотежата.
Торбата како дневен придружник
Торбата не е само место каде што се чуваат неопходните работи – таа е дел од секојдневниот живот, интимен простор што ја следи жената во сите нејзини движења. Формата, бојата и
големината на торбата зборуваат за животниот стил, потребите и карактерот. Класичните кожени модели носат елеганција и сигурност, додека нестандардните форми и бои изразуваат креативност и отвореност. Добро избраната торба е повеќе од моден додаток – таа е визуелен баланс меѓу сите други елементи во изгледот.
Косата како рамка на карактерот
Косата е визуелна рамка што го оформува лицето и оставa силен прв впечаток. Не мора секогаш да биде беспрекорно стилизирана – доволно е да биде чиста, негувана и природно обликувана. Фризурата многу кажува: собрана коса покажува елеганција и прецизност, додека разлетаните бранови откриваат слобода и спонтаност. Додатоците како панделки, шноли или марами додаваат слој разиграност и личен печат. Косата, во својата движење и форма, често зборува повеќе од облеката.
Мирисот што останува и по заминувањето
Парфемот е најнежен, но најмоќен дел од стилот. Тој не се гледа, но се чувствува. Добриот мирис останува во сеќавање, поврзува, инспирира. Секој парфем носи порака: дали жената сака да биде незабележливо романтична, заводливо мистична или самоуверено присутна. Мирисот се нанесува таму каде што срцето чука – зад увото, на вратот, на зглобовите – за да го следи телото низ денот. Тој е невидлив за очите, но длабоко присутен во сечие искуство.
Кога сите овие детали се усогласени, стилот станува нешто многу повеќе од изглед. Тоа е јазик без зборови, начинот на кој жената се претставува пред светот и го изразува она што е внатре во неа. Преку накитот, шминката, мирисот, фризурата и торбата, се создава комплетна слика – топла, силна, автентична. Стилот не е она што го носиш – стилот е како го носиш тоа што си.
ПР