„Ворнер Брос“ го објави првиот официјален трејлер за многу очекуваниот научно-фантастичен филм „Мики 17“. Трејлерот брзо стана вирален, со повеќе од 4 милиони прегледи на „Јутуб“ во моментот на пишувањето.

„Мики 17“ требаше да биде премиерно прикажан во март, но беше одложено до следната година бидејќи постпродукцијата на филмот не беше завршена.

Станува збор за најновиот филм на познатиот корејски режисер Бонг Џун-хо, кого повеќето луѓе го знаат по „Паразит“, филм кој освои четири Оскари и Златна палма во Кан. „Мики 17“ е адаптација на романот „Мики 7“ од Едвард Ештон.

Главната улога во претстојниот филм ја толкува Роберт Патинсон. Тој го прикажува Мики, вработен во компанија која се обидува да ја колонизира ледената планета Нифлхајм. Секој пат кога Мики умира, компанијата го клонира, а неговиот клон ги задржува повеќето негови спомени.

Заедно со Патинсон, во филмот играат и Стивен Јан, Наоми Еки, Тони Колет и Марк Рафало.

Љубителите на филмот кои едвај го чекаат новото дело на познатиот корејски режисер се воодушевени од трејлерот.

„Бонг Џун Хо е вистински визионер. Никогаш не мислев дека ова ќе биде толку смешно“, „Сега ми треба овој филм“, „Патинсон е веќе познат како еден од најдобрите актери на помладата генерација, а ова изгледа неверојатно“, „Едвај чекам“, се само некои од коментарите на „Икс“.

Филмот „Мики 17“ својата премиера ќе ја има на 28 јануари следната година во Јужна Кореја, а во остатокот од светот ќе дојде на 31 јануари.

Американката Џени Феникс го продала својот имот за да патува низ светот со брод за крстарење. Но, решила да ги откаже своите планови, бидејќи и било забрането да се качи на бродот. Причина? Жалба во пораките на WhatsApp.

Џени Феникс (68) од Флорида го продаде целиот свој имот за да помине три години на крстарењето „Villa Vie Odyssey“, патувајќи низ светот. Но, нејзините соништа брзо се рушат бидејќи и е забрането да се качи на бродот за крстарење. Причина биле пораките кои ги праќала преку апликацијата за комуникација WhatsApp, пренесува „Индекс“.

Во група на WhatsApp, таа го изразила своето разочарување поради четиримесечното одложување на заминувањето што го нарушило нејзиниот план да ги земе нејзините работи од Мајами. Таа, исто така, изразила загриженост дека работата на бродот може да продолжи и по заминувањето, поради што би била приморана да користи привремена кабина. По испраќањето на пораките, таа била информирана дека договорот и е раскинат поради „однесување кое негативно влијае на моралот на заедницата“.

Кети Вилалба, главен оперативен директор на линијата за крстарење, рече дека добиле десетина поплаки поради негативниот став на Џени. Американката, сепак, тврди дека никогаш не била груба и дека тоа биле приватни разговори. Според неа, фрустрацијата на патниците ескалирала поради постојаните доцнења, а многумина и се заблагодариле што поставувала важни прашања во нивно име, се додава.

Еден од најголемитe и најценетите европски трибјут бендови – „Liveplay – Coldplay Tribute Band“ на 16 ноември премиерно доаѓа во Скопје, во „Македонска филхармонија“, каде што ќе ги изведе најголемите хитови од богатиот опус на една од највлијателните групи во моментов.

Toa ќе биде шоу кое го одзема здивот, настап богат со аудио-визуелни ефекти, неверојатни звуци, енергија.

„Liveplay – Coldplay Tribute Band“ во состав: Енрико Коин како Крис Мартин, Филипо Коин како Џони Бакланд, Анџело Барбиерато како Гај Бериман и Давиде Поли како Вил Чемпион, долги години континуирано ги воодушевуваат фановите ширум светот, а нивната способност да спојуваат и преплетуваат различни музички елементи, одамна ја освои публиката и се покажа како формула за нивната автентичност и успех.

„Coldplay“ е еден од ретките бендови кои постигна светска слава и популарност низ целиот свет. Она што особено фасцинира е нивната сестраност, постојана потрага по нов, свеж звук, бидејќи тие не се задоволуваат со малку, постојано експериментираат, менуваат и ризикуваат.

Токму оваа генијалност поттикна четворица пријатели од Италија да го основаат трибјут бендот „Liveplay“. Започнале во 2013 како пријатели кои свиреле во гаража, за години подоцна да ја освојат цела Европа. Момците од „Liveplay“ имаат повеќе од 400 концерти низ Европа, a имаат соработувано и со многу познати имиња. Победија на натпреварот „CoverStar 2015“, како најдобар трибјут бенд во Венето, а настапија и на „Milan EXPO 2015“, како единствен трибјут бенд на „Coldplay“.

Овие енергични италијански музичари, редовно го потврдуваат статусот на врвен трибјут бенд меѓу публиката и критичарите, а со секој нивен настап го пренесуваат духот на оригиналниот бенд „Coldplay“, и со тоа докажуваат дека не се моментална сензација, туку сериозни и доследни уметници.

Со својот талент на пресликување на оригиналот, ја фасцинираат публиката. Деталите на кои бендот посветува внимание во сценскиот настап се исто така фасцинантни. Слободно можеме да кажеме дека на 16 ноември Ве очекува целосно визуелно и аудио уживање.

„A Sky Full Of Stars“, „Paradise“, „Fix you“, „Hymn for the weekend“, се само некои од мегахитовите на легендарната група „Coldplay“ кои ќе можат да се слушнат во„Македонска филхармонија“.

Затоа не чекајте и веднаш обезбедете ја вашата влезница. Истото може да го направите преку продажната мрежа на www.kupikarta.com Розе Веро 2 и ЈК травел во Бисер.