Забава
Меколи Калкин проговори за својата врска со кралот на попот

Актерот и поранешна ѕвезда на филмот „Сам дома“, Меколи Калкин (38), се појави во поткастот кај актерскиот колега Мајкл Розенбаум (46) и во оваа пригода зборуваше за едно дамнешно пријателство кое отсекогаш им изгледаше чудно и несфатливо на сите отстрана што гледаат.
Во времето на својата најголема детска слава, Калкин беше пријател со кралот на поп-музиката, Мајкл Џексон, кој, наводно, го обожавал Меколи и сакал да се дружи со малолетната ѕвезда, иако меѓу нив имаше разлика од 22 години. Поранешното пријателство изгледа доста вознемирувачки бидејќи Џексон во неколку наврати е обвинет за сексуално насилство врз деца. Сепак, Калкин застана во одбрана на својот поранешен пријател.
„Се сеќавам на него како на мила, забавна и симпатична личност. Знам дека тоа отстрана сега изгледа чудно, но сигурен сум дека тој имал добри намери и навистина бевме вистински пријатели во тоа време“, се присетува актерот на 90-тите години.
Пријателството со една од најголемите ѕвезди во светот на Меколи во тие години му се чинеше сосема нормално, речиси како нешто што им се случува на сите, и не создавал никаква фама од односот со кралот на попот. Актерот како момче спиел неколку пати кај Џексон на неговиот имот.
И додека го бранеше Мајкл од обвинувањата за кои беше обвинет, тој не избра убави зборови за својот татко.
„Тој е еден комплициран човек, никогаш не можете да го направите да се гордее. Мислам дека тој, едноставно, не требаше да има деца и дека е лош“, додаде Калкин, кој не зборува со својот татко уште од својата петнаесетта година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џенифер Лопез вешто избегна да одговори на прашањето за разводот од Бен Афлек

Џенифер Лопез се најде во малку незгодна ситуација за време на гостувањето во шоуто „Тудеј“, но вешто избегна директен одговор на прашањето за нејзиниот неодамнешен развод од Бен Афлек. Пејачката и актерка го промовираше својот нов мјузикл „Бакнеж на жената-пајак“, но водителот Крег Мелвин ја искористи можноста да го спомене нејзиниот личен живот.
„Во средината на снимањето на овој комплексен, прекрасен мјузикл, и вашиот развод од Бен е финализиран“, почна Мелвин, но Лопез веднаш го прекина со гласен смеа и коментар: „Ете го! Погледнете го!“
Водителот објасни зошто го споменал Афлек, велејќи: „Но, потоа прочитав дека твојот бивш е извршен продуцент на филмот“. Лопез само го игнорираше тоа, но сепак му ја припиша заслугата на својот поранешен сопруг, од кого се раздели во 2024 година. „Да не беше Бен, филмот немаше да биде снимен. И секогаш ќе му ја припишувам заслугата за тоа“, рече таа.
Во врска со самиот развод, таа кратко коментираше дека „работите се случуваат“ и додаде: „Мора да продолжите понатаму“. Да потсетиме дека двојката првпат се сврши во 2002 година, но се разделија една година подоцна. Ја обновија својата романса 20 години подоцна и се венчаа во 2022 година. Сепак, љубовта не траеше долго, а Лопез поднесе барање за развод минатата година, кое беше финализирано во февруари оваа година.
фото: принтскрин
Забава
Вилијам и Кејт открија строго правило што го имаат за своите деца

Принцот Вилијам и Кејт Мидлтон дадоа редок увид во нивниот семеен живот со три деца во искрено интервју објавено минатата недела. Принцот од Велс разговараше со актерот Јуџин Леви за неговата емисија „The Reluctant Traveler“ и се осврна на различни теми, од разводот на неговите родители до навиките за вечера во семејството, според „ХафПост“.
Строго правило за вечера
Еден од најинтересните детали што ги откри Вилијам беше правилото за употреба на мобилни телефони, или поточно, нивната забрана, особено за време на семејните оброци. „Седнуваме и разговараме, тоа е навистина важно“, му рече Вилијам на Леви за важноста на заедничката вечера. „Ниедно од нашите деца нема телефони, за што сме многу строги“.
Вилијам и Кејт имаат три деца: 12-годишниот Џорџ, 10-годишната Шарлот и 7-годишниот Луис.
Детство без екран
Леви беше особено заинтересиран за ова правило, па го праша принцот со што си играат децата кога немаат телефони. „Значи, ако вашите деца немаат телефони за играње, со што си играат?“, праша актерот. „Што сакаат да прават?“
Вилијам со насмевка сподели детали од нивната дневна рутина. „Луис ја обожава трамболината, па затоа е опседнат со неа, а всушност и Шарлот многу скока“, откри тој. „Од она што можам да го видам, тие само скокаат горе-долу на трамболината, удирајќи се еден со друг, поголемиот дел од времето.“ Идниот крал се пошегува: „Очигледно, има уметност во тоа.“
Тој додаде дека Шарлот исто така игра нетбол и балет, додека Џорџ ги сака фудбалот и хокејот. „Да ги држиме зафатени со спорт и да бидат на отворено е навистина важно“, нагласи тој, додавајќи дека децата се обидуваат да научат и да свират музички инструменти. „Не сум сигурен колку сме успешни во тоа“, додаде тој.
Принцезата од Велс го откри својот најголем модел во 2020 година, за време на појавувањето во подкастот „Среќна мајка, среќно бебе“. „Имав неверојатна баба која поминуваше толку многу време со нас – си играше со нас, правеше уметност и ракотворби, готвеше со нас“, рече Кејт во тоа време.
Таа заврши со зборови што ги користи и денес: „Се обидувам да ги вклучам многу од искуствата што ни ги даде тогаш во искуствата што им ги давам на моите деца сега“.
фото: принтскрин
Забава
(Фото) Девојката на Бекам „ги покажа забите“: ја критикуваат затоа што е постара од Круз

Викторија Бекам неодамна ја претстави својата нова колекција на Неделата на модата во Париз, а на овој важен настан беше поддржана од сите членови на семејството и, секако, привлече големо внимание со својот изглед.
На настанот се појавија Дејвид Бекам, ќерката Харпер, синовите Круз и Ромео, а Круз (20) беше придружуван од неговата девојка, кантавторката Џеки Апостел (29), со која е во врска повеќе од една година.
Таа се појави и на семејната фотографија, што предизвика контроверзии меѓу корисниците на социјалните мрежи, кои „му замерија“ на Круз затоа што е со постара девојка и ја нарекоа нивната врска „чудна“.
„Зошто 29-годишна излегува со 20-годишник?“, претежно негодуваа корисниците, но сигурно никој не очекуваше Џеки да проговори и да одговори токму на ова прашање што ги „мачеше“.
„Затоа што е љубезен, забавен, шармантен, грижлив, амбициозен, зрел, талентиран, лојален и прилично убав“, напиша таа отворено на Инстаграм, покажувајќи што навистина чувствува за него.
И ова не е прв пат девојката на Круз да присуствува на семеен настан, што укажува дека славното семејство одамна ја прифатило, а дека и таа добро се покажала како „снаа“.
фото: принтскрин