Забава
Мет Дејмон продуцира филм за легендарниот концерт на „У2“ во Сараево: Сличностите меѓу војната во Југославија и Украина се морничави
Мет Дејмон, продуцент на документарниот филм „Бакнете ја иднината“ (Kiss the Future) за концертот на „У2“ во 1997 година во Сараево, рече дека постои сличност меѓу војната во поранешна Југославија и руската инвазија на Украина.
„Бакнете ја иднината“ беше премиерно прикажан на минатогодишниот филмски фестивал во Берлин, а летово го отвори Сараевскиот филмски фестивал. Иако филмот е за повоениот настап на бендот „У2“ на стадионот „Кошево“, во суштината на неговата приказна е всушност борбата на сараевчани да ја преживеат повеќегодишната опсада и начинот на кој ја користеа рок и панк-музиката да го одвлечат вниманието од секојдневното гранатирање и снајперските истрели.
Филмот е продуциран од холивудските ѕвезди Бен Афлек и Мет Дејмон, а режијата е на Ненад Чичин-Шејн. Дејмон во интервју за „Варајети“ пред почетокот на кинодистрибуцијата на овој документарец потсетува дека почетокот на работата на филмот се совпадна со руската инвазија на Украина.
„Сличностите меѓу она што се случи во поранешна Југославија и она што се случува сега со Украина се впечатливи и донекаде застрашувачки. Во двата случаја поттикнувачи се политичките насилници, но и во двата случаја жртви се невини цивили“, рече Дејмон наведувајќи дека руската инвазија на Украина имала големо влијание врз луѓето што ги интервјуирале во Сараево.
„Бакнете ја иднината“, според него, не само што нè потсетува дека „бесмислена, глупава војна може да избувне насекаде“, туку ја покажува и силата на човечкиот дух.
„Овие неверојатни луѓе живееја под опсада долги четири години. Како и да е, некако успеаја да опстанат, дури и да напредуваат, затоа што ја насочија својата енергија на работи што нè врзуваат, а не нè разделуваат. Музиката, уметноста и другите елементи на креативноста се работи што може и нè зближуваат. И ако сме заедно, ништо навистина не може да нè победи. Така, претпоставувам дека сакам луѓето да го видат тоа – да ги потсетам дека можеме да победиме сè, дури и најмрачна закана сè додека сме заедно“, рече Мет Дејмон, пренесува „Н1“.
Во филмот учествуваа и членови на бендот „У2“, како и познатата новинарка на Си-ен-ен, Кристијане Аманпур, и поранешниот американски претседател Бил Клинтон.
Режисерот на филмот Ненад Чичин-Шаин е роден во поранешна Југославија од мешан брак меѓу Србинка и Хрват.
„Како југот на САД да војуваше со северот, денес, не пред 200 години. Нешто што изгледаше невозможно – го опиша Чичин-Шаин почетокот на војната во Југославија за американските медиуми.
На минатогодишниот филмски фестивал во Сараево тој рече дека се надева оти неговиот филм ќе биде прикажан во Србија, особено што не е критика на српскиот народ, туку на политичар што бил националист – Слободан Милошевиќ.
„Чекам покана од Србија“, изјави Чичин-Шаин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Драма на Балканец во Германија: Косел трева кај комшија за 50 евра, сега стравува за својата судбина и ги предупредува сонародниците
Работата „на црно“ е прекршок насекаде во светот, а Германија не е исклучок. За тоа се зборува со децении, но некои сè уште мислат дека ваквите приказни се претерани.
Сепак, сведоштвото на еден работник објавено во Фејсбук-групата „Балканци во Германија“ покажува дека не станува збор за мит, туку за горчлива реалност која може да има сериозни последици.
Во објавата, што ја пренесе „Телеграф.рс“, мажот раскажува:
„Луѓе, да ви раскажам што ми се случи, можеби некому ќе му помогне да не направи иста глупост. Реков – ајде малку да заработам од страна, платата во Германија понекогаш едвај ги покрива сите трошоци. Ми се јави еден Германец што живее на десет минути од мене и ми рече дека му треба косење трева бидејќи нема време. Јас, глупав, прифатив и си помислив – кој ќе види, една куќичка покрај пат, ќе покосам, ќе земам пари и готово.“
Тој раскажува дека зел косилка, почнал да коси и бил задоволен што ќе земе 50 евра за еден час работа, кога забележал дека сопственикот излегува од куќата со мобилен телефон и нешто снима.
„Го прашав што снима, а тој нешто промрмори на германски. Не разбрав ништо, веќе бев во паника. Се сврте и влезе внатре. Помислив дека можеби снима за да ѝ покаже на сопругата ‘пред и потоа’, и не ни претпоставував што ќе следи“, пишува тој.
По дваесетина минути, пристигнале двајца службеници од Ordnungsamt (Служба за јавен ред и комунален надзор).
„Ме гледаат мене, ја гледаат косилката, го гледаат него на прозор. Ми стана јасно сè. Ме прашаа дали работам на црно, кој сум, дали имам договор. Се збунив, почнав да пелтечам. А најлошо – Германецот излезе и ладнокрвно рече дека првпат ме гледа и дека сум му ѕвонел и нудел услуги без документи. Тука ми зовре крвта, но си реков дека не ми треба уште и затвор“
Службениците ги запишале неговите податоци и му рекле дека случајот оди во Ausländeramt (Служба за странци / Имиграциска служба).
„Сега не знам дали ќе ја изгубам визата, дали ќе платам казна, дали ќе ме депортираат. Ми рекоа дека е добро што не сум фатен порано, бидејќи казните одат и над 5.000 евра. Седам дома и размислувам колку сум бил будала што прифатив да косам трева на црно во земја каде што сè се евидентира. Затоа ги предупредувам сите: немојте да работите на црно – ни косење, ни чистење гаража, ништо. Германија гледа, снима и сè пријавува. А најлошо е што ќе ве пријави токму тој што ве замолил за помош“, напиша тој.
Неговата објава предизвика бројни реакции. Дел од корисниците му понудија совети, додека други ја доведоа во прашање вистинитоста на приказната, наведувајќи дека во Германија работодавачите добиваат многу повисоки казни од работниците.
Забава
Новогодишен хороскоп: Три знаци ги очекуваат неверојатни промени во 2026 година
Астролошки гледано, 2026 година носи силни промени благодарение на влегувањето на Јупитер во Лав, стабилизацијата на Сатурн во Риби и долгорочните трансформации на Плутон во Водолија.
Три знаци особено ќе почувствуваат бран на среќа, напредок и големи животни промени.
Лав
Од летото 2026 година, Јупитер – планетата на среќата, експанзијата и новите почетоци – влегува директно во вашиот знак. Ова се случува еднаш на секои 12 години и носи период што ги отвора вратите за големи животни промени.
Ова е годината кога универзумот речиси ве „турка“ на сцената – само треба да зачекорите.
Водолија
Плутон, планетата на длабоки трансформации и регенерација, дефинитивно влегува во вашиот знак од 2026 година за 20 долги години. Сосема нова сила почнува да се буди во вас.
Ве чека: Животна „ревизија“ што ве ослободува од сè што ве кочи; Градење нова кариера или статус; Влегување во врски што имаат кармички карактер; Огромна лична моќ и влијание – другите почнуваат сериозно да ве слушаат.
Ова е годината кога ќе почнете да пишувате ново поглавје од вашиот живот, со храброст што не сте ја користеле претходно.
Риби
Сатурн е веќе во вашиот знак и во текот на 2026 година носи најсилни ефекти. Сатурн не подарува – ја наградува дисциплината. Рибите кои биле упорни ќе почувствуваат одлична стабилизација и конечни резултати.
Ве чека: Уредување на животот, конечно решавање на финансиски и семејни проблеми; Сериозни, долгорочни врски и бракови; Професионална сигурност – она што го градите сега стои 10+ години; Чувството дека конечно имате контрола врз себе и вашиот правец; Рибите излегуваат од маглата и влегуваат во најзрелата, стабилна година во последната деценија.
Овие три знаци се астролошки најголемите фаворити во 2026 година. Секој на свој начин влегува во период на пресврти на судбината, неочекувани можности и длабок личен раст.
Фото: depositphotos
Забава
Прогласени 10-те победнички во националниот избор за “Жена на годината 2025” во Македонија
На свечена церемонија исполнета со инспиративна атмосфера и многу позитивна енергија денеска во Скопје се одржа прогласувањето на победничките во македонскиот избор за “Жена на годината 2025”.
Наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува.
Изборот за „Жена на годината“ започна со онлајн номинирање кое беше отворено за целата домашна јавност, при што беа поднесени вкупно 600 номинации. Од сите нив беше формирана листа на финалистки, по 5 во секоја категорија, за кои потоа гласаше жири-комисија составена од претставници на медиуми, образовни институции, организатори и соработници.
Лауреатот македонска Жена на годината 2025 го понесе Рисима Рисимкин, авангардна македонска кореографка за современ танц.
Во продолжение, следува листата со овогодинешните победнички во сите категории од изборот „Жена на годината 2025“:
1. Жена на годината – Рисима Рисимкин
2. Жена со трајни вредности – Индира Кастратовиќ
3. Жена менаџер на годината – Јелена Спасова
4. Жена со најголеми достигнувања во науката и технологијата – Венера Крлиу
5. Млада жена менаџер на годината (до 40 години) – Ениса Кадрии
6. Жена со најголеми достигнувања во културата – Наталија Теодосиева
7. Жена со најголеми достигнувања во спортот – Ангела Мојсовска
8. Жена со најголеми достигнувања за општеството – Моника Ризовска Таневска
9. Жена со најдобар стил – Наташа Петровска
10. Инфлуенсерка на годината – Миа Арабаџиевска (@mia.arabi)
Во конференцискиот дел на настанот, свои предавања одржаа: Павле Зимбаков, Сузанне Пазит Гева, Елена Бубало, Данчо Димков и Марина Анчевска . Организатори на „Жена на годината“ (www.zenanagodinata.mk) се Маркетинг365 и Касиа Евентс. Овогодишни покровители на настанот се: Империјал Тобако, Ананас, Фабу, Тиквеш, Енерџи Студио, Нескафе, Бизнис Академија Смилевски, Савекс, Семанта, Скопска Пивара и други.
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
(Видео) Убиецот на Чарли Кирк првпат се појави пред суд
Мажот обвинет за убиство на десничарскиот активист Чарли Кирк, 22-годишниот Тајлер Робинсон, се појави за прв пат лично на суд...
