Забава
Милениците на среќата до 2027 година: овие три знаци ги чекаат големи пари и успех

Овие хороскопски знаци не треба да се грижат, бидејќи, според прогнозите на астролозите, ги очекува период полн со просперитет и прекрасни изненадувања.
Астролозите сугерираат дека има хороскопски знаци кои ќе бидат многу успешни во следните две години, вклучувајќи ги Бикот, Лавот и Девицата.
Со малку труд можат да си ги остварат соништата, а еве подетално објаснување што ги чека до 2027 година.
Бик
Најмногу успех во љубовта Бикот ќе постигне во наредниот период. Оние кои се слободни ќе запознаат личност која ги фасцинира, а таа личност ќе испадне дека е некој со кој сакаат да го поминат остатокот од животот.
Зафатените Бикови влегуваат во мирен период каде во нивната врска ќе владее љубов, мир и хармонија.
Исто така, успех ги очекува и на деловен план, а следните две години се идеални за започнување на бизнис за кој размислуваат долго време.
Лав
Парите едноставно ќе се лепат за Лавовите во следните три години. Нивниот труд и работа конечно ќе бидат забележани, а покачувањето ќе биде очекуваната награда.
Се што ќе започнат Лавовите ќе оди добро. Ќе почувствуваат бран на креативност што позитивно ќе влијае на сите аспекти од нивниот живот.
Во следните две години Лавовите ќе бидат незапирливи, па затоа треба максимално да ја искористите оваа можност.
Девица
Во следните две години, Девиците не треба да губат време – учењето нови јазици, патувањето, читањето и усовршувањето на новите вештини се клучни.
Периодот пред нив треба максимално да се искористи.
Сите ќе им се восхитуваат и ќе им завидуваат, а за тоа ќе има оправдани причини. Девиците ќе пленат со својот добар изглед, позитивна енергија и добро расположение и лесно ќе ги надминат сите препреки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Прв ред си е прв ред“: Туристи во Грција се степаа за лежалки

Заземањето место на плажите во Грција е неисцрпен извор на дискусија во текот на секоја сезона. Сега, сепак, отиде чекор понатаму, пишува Б92.
Имено, на Родос во Грција, туристи се степаа за лежалки во првиот ред до морето.
View this post on Instagram
„Некој навистина премногу сериозно ја сфатил борбата за место под сонцето… Реалити програма во живо од Родос“, пишува во описот на видеото објавено на Инстаграм.
Под видеото, следеа низа коментари.
„Прв ред си е прв ред, мора да се бориш за него“, „Не знам дали да се смеам или да плачам“, „Тоа се вика активен одмор“, се само дел од коментарите.
Забава
(Видео) Нова криминална комедија доаѓа на „Нетфликс“

„Нетфликс“ објави нов трејлер за претстојната крими комедија „The Thursday Murder Club“.
Филмот е режиран од Крис Колумбус, а е базиран на истоимениот роман од 2020 година напишан од британскиот телевизиски водител и продуцент Ричард Озман.
Главните улоги ги играат Хелен Мирен, Пирс Броснан, Бен Кингсли и Селија Имри, а заплетот ги следи четирите бестрашни пензионери кои го поминуваат своето слободно време решавајќи нерешени убиства – како хоби. Сепак, она што не го очекувале е дека нивното хоби ќе се претвори во вистинска истрага кога ќе се најдат во средината на вистинско, мистериозно убиство.
Ова се само дел од коментарите што циркулираат на социјалните мрежи:
„Каква актерска екипа! Ако ова не е смешно и одлично, некој сериозно греши“, „Одамна не сум видел толку добри глумци на едно место“, „Единствената забелешка – дека е филм, а не серија. Можеа да снимат повеќе епизоди“, „Не знам кого претпочитам – Мирен, Броснан, Кингсли… Летниот хит доаѓа“, „Ова мора да е одличен филм“, „Само погледнете кој го режира и кој глуми“, „Заплетот ми изгледа интересен, а кога ќе видам ваков тим – знам дека нè очекува добар филм“.
Премиерата се очекува наскоро, а сè укажува на фактот дека нè чека еден од најзабавните филмови од ова лето – полн со мистерија, шарм и британски хумор.
Забава
На британски бизнисмен му е одземено правото на користење на името на славниот Марадона

Децата на покојната аргентинска фудбалска ѕвезда Диего Армандо Марадона го добија судскиот спор што го водеа со сестрите на Марадона за правото да го користат неговото име за комерцијални цели.
Спорот настана кога сестрите на Марадона, Лили и Рита, му дадоа дозвола на британскиот бизнисмен Санџај Вадвани, кој се опишува себеси како суперфан на фудбалската ѕвезда, да го користи името на Марадона на предмети како што се пијалоци, храна, облека и игри, како и да основа добротворна фондација за зачувување на фудбалското наследство со неговото име.
Вадвани дури поднесе и барање до Агенцијата за интелектуална сопственост (IPO) за заштита на името на Марадона, како и неговиот потпис заедно со бројот „10“, кој го носеше на дресот, пишува Times.
Бизнисменот рече дека верува оти сестрите имаат законско право на името, бидејќи му било кажано дека Марадона ги лишил неговите деца од наследство.
Тврдењето на Вадвани беше оспорено од страна на IPO во врска со петте деца што Марадона ги имал со три различни жени, а IPO рече дека „доказите покажуваат дека децата се наследници“ на покојниот фудбалер.
Адвокатката за интелектуална сопственост, Роуз Гилрој, рече дека барањето е поднесено во „лоша намера“ во обид да се „проневери наследството на Марадона“ и ја опиша пресудата како „силна потврда за правото на наследниците да го заштитат наследството на покојната икона“.
Пресудата наводно го изненадила Вадвани, кој рекол дека не бил свесен за рочиштето сè додека не бил контактиран од Times и додаде дека поднел жалба на пресудата.
„Поминав многу време со сестрите на Диего Марадона и, врз основа на она што ми го кажаа, бев навистина убеден дека Диего Марадона ги лишил од наследство своите деца и дека ги префрлил правата на своето име, со кои управуваа сестрите. Имав договор со сестрите за разни права на интелектуална сопственост и правото да го користам неговото име насекаде во светот“, рече тој.
Британскиот бизнисмен, исто така, рече дека платил стотици илјади фунти на една од сестрите на и дека договорот вклучувал преземање на последните 493 фудбалски дресови потпишани од Марадона, од кои повеќето ги продал на продавач на сувенири за 2.000 фунти по парче, но дека не ги покрил сите свои трошоци.
Фото: ЕПА