Забава
Миша Бартон: Имав 19 години, ми рекоа да спијам со Ди Каприо за доброто на мојата кариера

Ди Каприо повторно е во центарот на вниманието. На почетокот на февруари годинава актерот беше „фатен“ во друштво на манекенката Еден Полани (19), а набрзо почнаа да се шират гласини за новата романса на омиленото лице на Холивуд.
Леонардо (48) брзо ги отфрли сите обвинувања, но поради неговата поврзаност со 29-годишна манекенка, во јавноста повторно се појави скандал од пред 18 години, кога актерката (тогаш во подем) изјавила дека ја замолувале да спие со него за „доброто на нејзината кариера“, пишува Daily Mail.
Миша Бартон во тоа време беше на врвот на кариерата, глумејќи во тинејџерска драма. Таа беше во Малибу со тогашниот публицист Крег Шнајдер кога го виде Леонардо ди Каприо на снимање.
Во тоа време, Ди Каприо беше надвор од шестгодишна врска со супермоделот Жизел Бундхен (42).
– За доброто на својата кариера, оди и спиј со тој човек – ѝ рекол Крег тогаш на младата актерка, која одговорила дека не ја интересираат односите со постари мажи.
– Па нели Лео има 30 години или нешто слично? – му одговорила.
Леонардо ди Каприо е познат по тоа што сака да излегува со помлади девојки.
Во август 2022 година, тој ја заврши својата четиригодишна врска со Камила Мороне, а потоа стана тема на корисниците на социјалните мрежи кои постојано се шегуваа на негова сметка. Имено, многумина тогаш пишуваа дека Леонардо раскинал со актерката бидејќи два месеци пред тоа наполнила 25 години.
Со текот на годините, додека Леонардо ги менуваше девојките, следбениците забележаа дека актерот има тенденција да излегува само со девојки кои имаат 25 години или помлади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.