Забава
Мишел Обама: Барак игра голф за да ме избегне

Поранешната прва дама на СAД призна дека едно нешто на својот сопруг, од кое би се ослободила, се неговите голф-палки бидејќи многу време поминувал во оваа игра.
„Досадни се! Тоа трае предолго! Зошто постои спорт во кој има 18 дупки? Тие го измислија тоа. Тоа е за оние што се обидуваат да ја избегнат својата сопруга“.
Мишел откри и кои бизарни работи ги зеде семејството од Белата куќа по завршувањето на двата мандата на сопругот Барак како претседател во 2017 година.
На прашањето што зела од Белата куќа, таа за шоуто „Елен Деџенерис“ изјави: Зедовме сè! Ја имаме оваа торба, велигденски јајца, бонбони White House М&Мs, јо-јо.
Во меѓувреме, Мишел – која ги има Саша (19) и Малија (22) со Барак и со кого стапи во брак во 1992 година – претходно се отвори за подемите и падовите на мајчинството.
„Мајчинството ме научи дека во најголем дел од времето мојата работа е да им дадам простор да истражуваат и да се развиваат во луѓе какви што сакаат да бидат. Не она што сакам да бидат во тоа возраст, но кои се тие длабоко во себе“.
„Мајчинството исто така ме научи дека мојата работа не е да бидам булдожер на патот во обид да ги елиминирам сите можни неволји. Наместо тоа, треба да бидам безбедно место за да слетаат кога ќе имаат проблем и да им покажам дека не се сами“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Скарлет Јохансон стана финансиски најуспешна актерка во Холивуд

Актерката Скарлет Јохансон стана финансиски најуспешна актерка на сите времиња.
Не е навистина големо изненадување што најпрофитабилните актери на сите времиња на киноблагајните се ѕвездите или поранешните членови на кинематографскиот универзум на „Марвел“.
На крајот на краиштата, тој филмски универзум е убедливо најуспешната франшиза во историјата на киното. Но, она што може да ве изненади е кој е, всушност, најуспешната личност меѓу нив, пишува gamereactor.
Долго време, Семјуел Л. Џексон и Роберт Дауни Јуниор се бореа за врвот на оваа листа, но сега, по огромното отворање на Jurassic World: Rebirth, Скарлет Јохансон ги престигна своите поранешни колеги од The Avengers и го зазеде првото место.
Според The Numbers, Јохансон помогна да се генерираат неверојатни 14,614 милијарди долари на киноблагајните, а филмовите на „Марвел“ се главен извор на овој успех.
Во еден момент Зои Салдана беше водечка актерка во вкупната заработка на киноблагајните со 14,233 милијарди долари, но Јохансон ја престигна.
Сепак, овој рекорд, веројатно, ќе биде краткотраен бидејќи се очекува Салдана повторно да го заземе првото место подоцна оваа година кога ќе пристигне Avatar: Fire and Ash за кој речиси сигурно се предвидува дека ќе заработи најмалку 1 милијарда долари.
По ова, Дауни Јуниор би можел да се врати на тронот кога Avengers: Doomsday ќе пристигне кон крајот на 2026 година.
Забава
Стар тренд повторно летен хит: Мајли Сајрус и Дуа Липа веќе го обожаваат

Познатите личности веќе почнаа да го враќаат сјајот на еден стар летен тренд за убавина, кој беше популарен на почетокот на 2000-тите: светките за тело.
Мајли Сајрус и Дуа Липа веќе го прифатија овој тренд, некогаш промовиран од Бритни Спирс и Кристина Агилера, а Ријана исто така вклучи лосион за тело со светки во новата колекција на својот бренд.
View this post on Instagram
Сигурно барем еднаш сте се намачкале со ваков лосион и сте уживале во гламурот за време на состанок, па затоа добро знаете за што зборуваме. Значи, ова лето имате можност повторно да го користите и да бидете во тренд, а покрај светките за тело, тука се и некогаш популарните светки за коса.
Светкавите се вратија на друг начин, продавниците веќе се преплавени со светкави парчиња облека во форма на мини здолништа, фустани, шорцеви, кошули и панталони, а на улица можете да видите дека трендот повторно заживеа.
View this post on Instagram
Доколку сакате да бидете забележани уште повеќе и да се чувствувате гламурозно додека шетате на улица или излегувате навечер, тука се и чевлите со светки, но и додатоци за плажа.
Значи, ако сакате да блеснете и да привлечете внимание, слободно – светките се задолжителни ова лето!
Забава
(Фото) Се омажи Мел Би

Поранешната членка на „Спајс грлс“, Мел Би (50), се омажи за фризерот Рори Мекфи (37) во Лондон овој викенд.
Мел Би носеше фустан од Џозефин Скот направен по мерка за нејзината свадба, а подоцна се пресоблече во фустан од Џастин Александар.
View this post on Instagram
Церемонијата беше проследена со прием на ѕвезди во хотелот „Шангри-Ла“. Меѓу гостите единствена од „Спајс грлс“ беше Ема Бантон, но се појавија и други ѕвезди, меѓу кои Кара Делевињ, Кетрин Рајан и Дејзи Лоу.
View this post on Instagram
Трите ќерки на Мел Би беа нејзини деверуши. Пејачката ја има ќерката Феникс (26) со првиот сопруг Џими Гулзар. Поранешната двојка беше во брак од 1998 до 2000 година.
View this post on Instagram
Другата ќерка на Мел Би, Ангел Ирис (18), е од нејзината врска со Еди Марфи. Најмладата ќерка, Медисон (13), е од бракот со Стивен Белафонте со кого Мел Би беше во брак од 2007 до 2017 година.