Забава
„Многуте светци на Њуарк“, претходник на „Сопранови“, импресионира многу критичари
Долгометражниот филм претходник на серијата „Сопранови“ импресионираше многу критичари – иако некои се сомневаат колку тој додава на култниот ТВ-оригинал.
Крими-драмата The Many Saints of Newark („Многуте светци на Њуарк“) го истражува раниот живот на мафијашот Тони Сопрано, кого во серијата го глумеше Џејмс Гандолфини.
Синот на Гандолфини од реалниот живот, Мајкл, го глуми младиот Тони, а еден рецензент рече дека станува збор за прекрасна изведба.
Постариот Гандолфини, кој почина во 2013 година на 51-годишна возраст, го глумеше мафијашкиот бос Тони Сопрано во шест сезони на крими сагата поставена во Њу Џерси, а траеше од 1999 до 2007 година.

Филмот, кој излезе во киносалите во Велика Британија во средата, го прикажува тинејџерот Тони под влијание на искусниот криминалец Дики Молтисанти за време на расните немири во Њуарк во 1960-тите.

Тим Роби од „Телеграф“ ја пофали „уверливата амбивалентност“ која Алесандро Нивола му ја носи на Молтисанти, чие презиме на англиски значи многу светци.

Робиевата рецензија со четири sвезди го опиша филмот како „богат имагинативен скок во предисторијата на култната серија, и редок пример на успешно направена приказна за големиот екран исто како и таа на малиот екран“.
Филмот, исто така, доби четири од можни пет sвезди од „Индипендент“, чија критичарка Кларис Логри го нарече „жесток и брилијантен“. И таа го поздрави Нивола за „жестоката величественост“ на неговиот приказ на „човек кој се бори со сопствената монструозност“.
Филмот доби позитивни рецензии и од многу други критичари, кои напишаа дека е блескав, мрачно смешен и длабоко човечки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Интервју за работа по рецепт на Стив Џобс: една прошетка, едно пиво и многу искреност
Сосновачот на „Епл“, Стив Џобс, бил познат по своите неконвенционални методи и високите стандарди при избор на вработени. Наместо класични интервјуа, тој често ги носел кандидатите на прошетка или на пиво за да види какви се во опуштена атмосфера.
Неговата цел била да ги запознае луѓето подлабоко, поставувајќи едноставни, но значајни прашања како: „Што направивте минатото лето?“ или „Кога последен пат постигнавте нешто важно?“.
Џобс не барал точни одговори, туку карактер и начин на размислување. Верувал дека успехот доаѓа од „А-играчи“ – најдобрите професионалци кои се мотивирани и сакаат да соработуваат со луѓе на своето ниво.
Со таков тим, Џобс создаде уреди што ја променија технологијата – iPod, iPhone и iPad – и остави трајно наследство по својата смрт во 2011 година.
Забава
(Видео) Кети Пери и Џастин Трудо ја потврдија својата врска со романтичен состанок во Париз
Кети Пери и Џастин Трудо официјално ја потврдија својата врска и решија да ги прекинат гласините со романтичен состанок во Париз. Двојката беше видена како се држи за раце во саботата навечер на забавата по повод 41-виот роденден на познатата пејачка.
Според видео објавено од „ТМЗ“, го прославија роденденот на пејачката во Париз. Пери блескаше во тесен црвен фустан, додека насмеано се држеше за раце со поранешниот канадски премиер пред познатото кабаре „Крејзи Хорс“. Обожавателите и фотографите ги поздравија кога го напуштија театарот, а двојката, не криејќи ја својата љубов, се упати кон автомобилот што ги чекаше.
Ова заедничко излегување доаѓа само еден ден откако извори открија за „УС Викли“ дека пејачката е „навистина заинтересирана“ за врска со Трудо.
„Кети е навистина заинтересирана за тоа. Таа е многу среќна“, рече изворот.
„Тој се обидува да го држи тоа во тивка атмосфера и поминале многу приватно време заедно. Не сака јавно да зборува за оваа врска.“ Истиот извор додава дека нивните пријатели мислат дека се добар пар, иако Трудо сè уште не се запознал со многумина од нејзиното друштво. Гласините за нивната романса првпат се појавија во јули, кога беа видени на вечера во Монтреал.
Романсата доаѓа откако Пери ја заврши долгогодишната свршувачка со актерот Орландо Блум, со кого ја има петгодишната ќерка Дејзи Дав, претходно оваа година. Нивните претставници потврдија во јули дека одлучиле да се фокусираат на заедничко родителство.
Од друга страна, Џастин Трудо објави во 2023 година дека по 18 години брак, се разведува од сопругата Софи Грегоар, со која има три деца. Трудо беше премиер на Канада од 2015 до март 2025 година.
Фото: Принтскрин од видео „ТМЗ“
Забава
Карма според датумот на раѓање: духовни лекции што треба да ги совладате
Според астрологијата и нумерологијата, датумот на раѓање ја открива вашата кaрмичка мисија – животните лекции што душата ги учи за духовен раст.
Родени 1, 10, 19, 28 – Карма на независност и водство
Под влијание на Сонцето, треба да научите самостојност и скромност. Добрата карма доаѓа кога инспирирате други, а не кога доминирате.
Родени 2, 11, 20, 29 – Карма на сочувство и емоционална рамнотежа
Под Месечината, тука сте да развиете емпатија и да верувате во својата интуиција. Балансот доаѓа кога негувате, а не кога им угодувате на сите.
Родени 3, 12, 21, 30 – Карма на изразување и комуникација
Водени од Меркур, треба да ја користите моќта на зборовите за позитивност и поврзување, избегнувајќи трачеви и површност.
Родени 4, 13, 22, 31 – Карма на стабилност и труд
Вашиот пат е дисциплина и одговорност. Успехот доаѓа преку посветеност, не преку материјални добра.
Родени 5, 14, 23 – Карма на слобода и флексибилност
Животот ве учи да се прилагодувате и да не се плашите од промени. Вистинската сила е во прифаќањето на трансформацијата.
Родени 6, 15, 24 – Карма на љубов и одговорност
Под Вeнерата, треба да ги негувате другите и да научите да давате без да се исцрпувате.
Родени 7, 16, 25 – Карма на духовно будење и вистина
Нептун ве води кон интроспекција и вера. Игнорирањето на интуицијата носи немир.
Родени 8, 17, 26 – Карма на моќ и материјално мајсторство
Со влијание на Сатурн, тука сте да градите успех со интегритет, не со его.
Родени 9, 18, 27 – Карма на страст и цел
Под Марс, треба да ја насочите силата и амбицијата кон создавање, а не контрола.

