Поранешниот гитарист во бендот на Ози Озборн, Џејк Е. Ли бил застрелан неколку пати додека го шетал своето куче во Лас Вегас, но повредите со кои се здобил не биле опасни по живот, објавија денеска американските медиуми.

Џејк Е. Ли, музичар кој помогна во работата на соло албумот на Ози од 1983 година, Bark At The Moon, е свесен и „се очекува целосно да закрепне“, пишува Sky News.

Тим Хајн, менаџерот на рок бендот Red Dragon Kartel, изјави дека ниту еден од неговите внатрешни органи не бил засегнат.

„Со милоста Божја, ниеден поголем орган не е зафатен, тој е целосно свесен и се очекува целосно да се опорави. Инцидентот е под полициска истрага и нема да има дополнителни коментари“, рече Хајн.

Полицијата во Лас Вегас соопшти дека пукањето се случило во вторникот околу 2:40 часот во населба лоцирана на околу 15 километри од центарот на Лас Вегас, дека никој не е уапсен и дека истрагата е во тек.

Под диригентство на робот во неделата настапија музичарите на симфонискиот оркестар на Дрезден.

Роботот диригираше со помош на три зглобни раце дизајнирани во соработка со локалниот технички универзитет.

Робот со три зглобни раце, дизајниран да имитира човек, од кои секоја држеше палка која потсетува на светлосните мечеви од филмот „Војна на ѕвездите“, а беше изведена музика составена специјално за него, објави Фигаро.

Роботот ги користел своите три раце за да ги диригира трите дела на оркестарот одделно, што не би било возможно со еден човек диригент.

Сидни Свини деновиве е снимена на сет на филмот во кој ќе ја толкува славната боксерка Кристи Мартин.

27-годишната актерка се маскирала во боксерката за потребите на снимањето и нејзините фотографии брзо се проширија на социјалните мрежи.

Многумина напишаа дека Сидни им изгледа непрепознатливо. Таа носеше кафена кадрава перика, сина марама и широка облека за да го прикаже животот на Марта во 90-тите пред нејзиниот сопруг Џејмс да се обиде да ја убие.

„Каква трансформација“, „Жената е одличен секс симбол, но уште поголема актерка“, „Мислам дека ова ќе биде одлична интерпретација“, „Премногу добро“, пишуваат луѓето на Икс.