Забава
Најголемата поп-ѕвезда на денешницата стана милијардер

Тејлор Свифт официјално го достигна статусот милијардер – по 17-годишна музичка кариера, во која стана најголемата поп-ѕвезда на денешницата. „Форбс“ ја објави својата листа на славни милијардери за 2024 година, а Тејлор се искачи на 14. место со богатство од 1,1 милијарда долари.
View this post on Instagram
За тоа придонесе нејзината турнеја „Ерас“, инаку музичка турнеја со најголема заработка досега, а воедно и прва што надмина милијарда долари приход. Тука е секако и огромната заработка од нејзините шест албуми, а таа е една од ретките што тоа го постигнала само преку музика.
Листата на „Форбс“ на познати милијардери во 2024 година:
Џорџ Лукас (нето-богатство: 5,5 милијарди долари)
Стивен Спилберг (нето-вредност од 4,8 милијарди долари)
Мајкл Џордан (нето-вредност од 3,2 милијарди долари)
Опра Винфри (нето-вредност од 2,8 милијарди долари)
Џеј Зи (2,5 милијарди долари нето богатство)
Ким Кардашјан (нето-вредност од 1,7 милијарда долари)
Питер Џексон (нето-вредност од 1,5 милијарда долари)
Тајлер Пери (1,4 милијарда долари нето-богатство)
Ријана (1,4 милијарда долари нето-богатство)
Тајгер Вудс (нето-вредност од 1,3 милијарда долари)
Леброн Џејмс (нето-вредност од 1,2 милијарда долари)
Меџик Џонсон (нето-вредност од 1,2 милијарда долари)
Дик Волф (нето-вредност од 1,2 милијарда долари)
Тејлор Свифт (1,1 милијарда долари нето-богатство)
View this post on Instagram
Инаку, Џеф Безос пред еден месец си ја поврати титулата најбогат човек на светот престигнувајќи го Илон Маск според индексот на милијардери на „Блумберг“. Нето-богатството на основачот на „Амазон“ беше 200 милијарди долари, а на Маск се проценува на 198 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.