Забава
Најголемите ѕвезди од балканската рок и поп-сцена гости на концертот на Жељко Самарџиќ, кој е пред распродавање

Само неколку дена нè делат до големиот концерт на Жељко Самарџиќ, каде што на сцената во арената „Борис Трајковски“ оваа сабота (13 април) ќе одржи концерт заедно со пријателите.
Со своето долгогодишно творештво Жељко Самарџиќ се запиша на самиот врв на најценетите музички уметници. Интересот да се слушне во Скопје е огромен, па воопшто не е зачудувачки што концертот е речиси пред распродавање. Овој музички настан ветува ноќ исполнета со неповторливи музички чуда, а Самарџиќ ќе биде придружуван од гудачки оркестар.
Кога тој ќе настапи на сцената и ќе отпее некоја љубовна песна од неговата колекција безвременски хитови, едноставно никој не може да остане имун. Концертот на 13 април нема да биде како ниеден друг досега, а публиката може да очекува вистински спектакл со времетраење од 2 часа или нешто повеќе, Жељко Самарџиќ и пријателите + многу специјални гости.
Присутните ќе имаат ретка можност на иста сцена да ги слушнат и видат најдобрите музички ѕвезди од рок и поп-музиката, некои од нив со убедливо најуспешни интернационални кариери, соработници, но и големи пријатели на Самарџиќ.
Концерт кој нема да има реприза и можност што не смеете да ја пропуштите. Затоа на календарот заокружете го датумот 13 април и подгответе се за музичко уживање.
Преостанатите влезници се достапни за купување онлајн на www.kupikarta.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дури на 47 години покажа дека и таа може: секогаш срамежлива, но сега премногу секси

Кејти Холмс блесна на црвениот тепих во еден од најатрактивните изгледи, а признаваме дека овој вид гламур одлично ѝ прилега.
Актерката Кејти Холмс нè навикна на секогаш внимателно избрани и префинети комбинации и секојдневен стил, кој инспирира многумина, меѓутоа таа знае и како да ја скокотка фантазијата со провокативен изглед – и навистина може.
Кејти Холмс пред неколку дена присуствуваше на премиерата на претставата Glengarry Glen Ross во Њујорк, а за таа пригода се осмели да облече многу секси тоалета откривајќи дека не заостанува ниту зад актуелните трендови ниту, пак, зад помладите колешки.
Таа носеше едноставен, но многу ефикасен долг, тесен фустан, во темносина боја, а она што на прв поглед изненадува е тоа што е проѕирен.
Поранешната сопруга на Том Круз во него ја покажа својата вита линија бидејќи фустанот ги следи контурите на телото по целата должина, а зад креацијата стои њујоршкиот бренд Aflalo. Во продажба може да се најде за приближно 700 евра.
Иако оваа креација изгледа целосно затворена напред, нејзината задна страна е многу попровокативна и разиграна. Фустанот има голем изрез на грбот и јасно е дека не трпи да се носи градник.
Комплетниот изглед е заокружен со лежерна пунџа и суптилна шминка – во препознатливиот стил на убавата актерка, но и со едноставни црни чевли, со едвај забележлив отворен преден дел, и златен накит.
Забава
(Фото) Морничав кич или вистинско совршенство: Меланија Трамп предизвика хаос со „обично“ издание

Првата дама на Америка секогаш изненадува со својот изглед, веќе некое време ја нема на јавни настани, но со најновото појавување го надомести тоа.
Меланија Трамп присуствуваше на доделувањето на наградите „Меѓународни жени на храброста“ и со својот изглед успеа да ги остави сите во сенка.
И додека нетрпеливо ја чекавме старо-новата прва дама повторно да нè шармира со своите модни изданија, таа кратко исчезна. На неодамнешната церемонија на доделување на наградите на Стејт департментот, Меланија блесна во уникатно парче.
Капутот со леопард-принт на дизајнерката Мили Парк го привлече целото внимание. Направен е од телешка кожа и цената е неверојатни 11.000 долари.
Знаеме дека Меланија сака капути и мантили, тие некако го дефинираат нејзиниот стил и ја прават единствена, па и овој пат покажа дека исклучиво го негува сопствениот стил и не подлегнува на трендовите.
Најстрогите модни критичари го оценија ова модно издание како премногу драматично за ваков настан, но Меланија уште еднаш успеа да ги натера сите да зборуваат за неа.
Инаку, дизајнерката Мили Парк неодамна зачекори на модната сцена и веројатно не можеше да замисли дека Меланија Трамп ќе избере едно од нејзините парчиња.
Забава
Овој хороскопски знак има 1.000 лица: затоа жените се луди по него

Навидум има ист вкус како тебе, се смее на исти шеги, се облекува исто и сака ист амбиент.
Со Водолија имате впечаток дека сте нашле личност со многу широки интереси, афинитети и суптилни желби: кога разговарате со него, веднаш забележувате дека „го зборувате истиот јазик“.
Навидум има ист вкус како тебе, се смее на исти шеги, се облекува исто и сака ист амбиент.
Никогаш не ви е тешко да се справите со него и уживате во неговото присуство.
Со други зборови, со Водолија добивате впечаток дека сте во друштво на „оној вистинскиот“.
Меѓутоа, проблемот е што сите жени така се чувствуваат за него и дека нема ништо различно кај него, па затоа нема посебна наклонетост кон вас.
Водолијата е вистински камелеон кој се труди да им угоди на сите и да направи да се чувствуваат добро покрај него.
За подобро да го запознаете, треба да ја поминете оваа втора фаза: еден ден покажува незаинтересираност за нешто што ви се допаѓа или ако изрази желба што не ви одговара, тоа значи дека полека почнува да се отвора.
Дури и тогаш, тој ќе се обиде да сподели со вас само мал дел од она што навистина го мисли или чувствува.
Неговата тенденција е да живее неколку животи одеднаш, по еден за секој амбиент, за секоја група пријатели или за секоја негова желба или интерес.
Ако сакате да го видите вистински заљубен, ќе треба да го дочекате денот кога ќе биде подготвен да ви се покаже во целост, без никаква цензура, со сите свои илјада лица и кога ќе ви каже што прави и како се чувствува кога не е со вас.