Забава
„Најки“ ја тужи компанијата што му направи патики на ѓаволот
Производителот на спортски опрема Аthletic Nike Inc во понеделникот поднесе тужба против компанија со седиште во Њујорк, која ги направи таканаречените Satan Shoes (сатански патики), кои наводно содржат капка човечка крв – како дел од соработката со раперот на Old Town Road, Лил Нас Х.
Во тужбата поднесена до федералниот суд во Њујорк, „Најки“ тврди дека таканаречените сатански патики се произведени без одобрение и овластување на „Најки“ и дека „Најки“ во никој случај не е поврзан со овој проект.
„Најки“ во тужбата наведува дека компанијата MSCHF Product Studio Inc го повредила неговиот заштитен знак со црно-црвените обувки со ѓаволска тематика, кои во понеделникот почнаа да се продаваат на интернет. Раперот Лил Нас не е именуван како обвинет во тужбата.
„Satan Shoes се модификација на Nike Air Max 97, кои содржат црвено мастило и една капка човечка крв во ѓонот“, се наведува на веб-страницата, која ги опишува 666. чифта чевли со ограничено издание. На задниот дел од едната обувка стои натпис MSCHF, а на другата пишува Lil Nas X.
Неколку портали објавија дека „сатан шус“ се распродадени за помалку од една минута за цена од 1.018 долари за чифт.
Лил Нас Х напиша на „Твитер“ дека тој лично ќе го избере примателот на 666. чифт од корисниците на социјалните мрежи, кои циркулирале на еден од неговите твитови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кузмановиќ, по победата, истрча до својата девојка и страсно ја бакна
По блескавата игра и победата над Франција, хрватскиот голман Доминик Кузмановиќ притрча до својата девојка и страсно ја бакна.
Двојката не можеше да ги сокрие емоциите откако Хрватска се пласираше во финалето на Светското првенство во ракомет.
И на претходните мечеви девојката од трибините му даваше поддршка на Кузмановиќ.
А тој по пласманот во четвртфиналето на Светското првенство истрча до својата девојка која беше на трибините.
И победата над Словенија ја прослави со бакнеж. Истото го направи откако ги победија Унгарците. Убавата бринета која го заведе Доминик по професија е економист, а Доминик нема фотографии со неа на својот Инстаграм профил, па не се знае многу за неа, пренесуваат хрватските медиуми.
Забава
Ричард Гир неодамна се пресели во Шпанија, сега таму ќе добие филмска награда
На американскиот актер Ричард Гир, кој неодамна се пресели во Шпанија, ќе му биде врачена меѓународната награда на најважната церемонија на доделување филмски награди во земјата, „Гоја“, следниот месец, објави Шпанската филмска академија.
Актерот ќе ја добие меѓународната награда на церемонијата во Гренада, што ќе се емитува на националната телевизија на 8 февруари, се вели во соопштението.
Академијата го пофали Гир за неговиот „извонреден придонес во кинематската уметност глумејќи во некои од најлегендарните филмови во историјата на кинематографијата“.
Таа исто така ја пофали „општествената посветеност што ја покажал и лично и професионално“ за разни цели, како што е помошта на бегалците и бездомниците. Академијата го истакна „интензивниот активизам на Гир во име на тибетската автономија и зачувувањето на тибетската култура“.
Ричард Гир (75) и неговата сопруга Алехандра Силва (41) минатата година се преселија во Мадрид со двата сина.
„Посреќни сме од кога било“, изјави актерот во интервју за шпанското издание на магазинот „Ел“ на прашањето за нивниот нов живот во Шпанија.
Забава
(Видео) Позната актерка: Сите ги коментираа моите гради кога имав 16 години
Актерката Џенифер Лав Хјуит гостуваше во поткаст во кој присети на времето кога била сексуализирана во медиумите како тинејџерка.
„Кога имав 16 години, возрасните зборуваа за моите гради на ток-шоуа и луѓето ми се смееја. Тоа беше целосно прифатена култура, но кога ќе седнете и ќе погледнете каде сме сега во споредба со местото каде што бевме тогаш, навистина е зачудувачки“, опиша Џенифер.
„Гледајќи наназад, мислам дека беше навистина чудно да се стане секс симбол пред да знам што значи тоа. Не знаев што значи да се биде секси“, истакна таа. Рекла и дека добила непријатни коментари за појавувањето на насловната страница на магазинот „Максим“ на 17 години, истакнувајќи дека тоа и било „малку одвратно“.
Оваа 45-годишна актерка е најпозната по улогите во серијалот филмови I Know What You Did Last Summer. Откако се појави во нив, таа вели дека добивала шеги како „Знам што правеа твоите гради минатото лето“.