Забава
Најромантичните мажи во хороскопот: и страст и емоции во секој момент

Најромантичните мажи во хороскопот се сè за што фантазираме уште од детството. Тие вклучуваат љубов и страст во односите со своите најблиски.
Секоја девојка сака да се чувствува сакана и да има вистински маж покрај себе. Меѓутоа, во светот на ненадејни промени и брзо темпо на живеење, на сите ни треба тој мал момент во кој ќе се засолниме во прегратките на саканата личност.
Бик
Бикот е еден од најстабилните и најразумни знаци на Зодијакот. Тие се многу мирни партнери, кои на саканата личност ќе ѝ дадат многу нежност и топлина. Мажите Бикови се намерни и сигурни во своите способности, па од жените очекуваат само искрена љубов, поддршка и почит. Земјениот знак како Бикот има потреба од физичка перцепција, па многу често претставници на овој хороскопски знак се тактилни луѓе. Биковите се однесуваат многу воздржано на работа и не покажуваат емоции. Сепак, покрај саканата ќе бидат најљубезни и нема да ве пуштат од своите прегратки.
Јарец
Мажите во овој хороскопски знак ќе бидат сензуални партнери, чиј љубовен јазик е допирот. Претставниците на овој знак своите емоции најчесто ќе ги искажуваат преку однесување, како гушкање и држење за рака во тешки моменти. Се разбира, нивниот ефект не се манифестира само во тактилност. Јарците исто така ќе слушаат многу внимателно и ќе се обидат да направат сѐ што е можно за да ја усреќат својата сакана. Мажите Јарец секогаш знаат да ги изберат вистинските зборови, кои ќе ѝ го стопат срцето на секоја жена.
Рак
За претставниците на водениот елемент интимноста е составен дел на односите. Раковите имаат тенденција да го набљудуваат својот партнер долго време и никогаш нема да направат ништо непромислено или драстично. Меѓутоа, со текот на времето нивните срца подлегнуваат на женскиот шарм, а потоа мажите од овој хороскопски знак стануваат вистински семејни мажи. Попрвин ќе останат дома со сопругата отколку да одат во клуб со мажи.
Раковите им кажуваат на дамите многу комплименти и пријатни зборови и со големо задоволство ќе се обидат да ја изненадат својата сакана. Тие секогаш ќе доаѓаат на помош затоа што имаат добро срце, а таа искреност и сензуалност се манифестира на сите полиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.