Забава
Најубавите парфеми за секој хороскопски знак: каков мирис ви одговара?

Сите имаме омилени мирисни ноти кои особено нè привлекуваат и кои нè радуваат. Кој тип на парфем ви одговара според вашиот хороскопски знак?
Нашиот хороскопски знак кажува многу за нашиот карактер. Во зависност од положбата на планетите, астрологијата може да ги предвиди шансите за некој настан. Сепак, Зодијачкиот круг може да ни помогне и за типот на парфем кој го сакаме. Значи, доколку сакате да освоите личност користејќи го трикот со парфем, еве што треба да знаете.
Вид на парфем по хороскопски знак
Секој сака различни мириси. Некој воопшто не сака парфем, додека одредени знаци сакаат слатки мириси, а други цветни. Во секој случај, хороскопот може да помогне во оваа работа, особено ако сакате некому да подарите парфем. На пример, мирисите со источни зачини ќе им се допаднат на луѓето родени под Марс. За оние чија планета Венера им е заштитник, со задоволство ќе изберат цветни мириси од рози, иланг-иланг, ванила и јоргованот.
Парфеми за воздушни знаци
Луѓето родени под воздушните знаци сакаат разни парфеми и ароматични масла. Ќе бидат воодушевени од цветни, мирисот на бобинки и овошни парфеми. Тие го истакнуваат својот шарм и софистицираност.
Парфеми за водни знаци
Претставниците на Зодијакот кои се родени под елементот на вода можат апсолутно да живеат без парфем. Ако одлучат да носат некои, тие ќе бидат освежителни мириси кои одлично се вклопуваат со топлото време. Едноставно сакаат да летаат, и воопшто внесуваат свежина во се.
Парфеми за земјените знаци
Типот на парфем по хороскопски знак, кога станува збор за земјените знаци, најверојатно ќе бидат оние со арома на бобинки и овошни мириси. Нотите од праска, лимета и диња во комбинација со цвеќиња и килибар се совршени за нив.
Парфеми за огнени знаци
Родените под елементот на оган уживаат во „дрвенести“ мириси. За нив изберете парфеми кои содржат мирисни ноти на кедар, сандалово дрво, смрека, чемпрес или зачини. Ова е мирис кој ги смирува и ги поврзува со природата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.