Забава
На домашната адреса на Бен Афлек доставен скапоцен дијамант
Познатиот актер Бен Афлек (47) доби специјална пратка во својата вила во Лос Анџелес.
Холивудските папараци пред вилата на Афлек во Брентвуд фотографираа црно комбе и човек од обезбедувањето, кој носел црна маска на лицето и бил вооружен.
Неговата пратка ја испорачала компанијата Malca-Amit Armored, која е специјализирана за испорака на скапоцени метали, дијаманти, накит, дела од ликовната уметност и скапоцени предмети.
Кога ја видоа фотографијата, светските медиуми, како и обожавателите, се прашуваа што дошло на адресата на Афлек и дали можеби станува збор за свршенички прстен за неговата нова девојка.
Бен од неодамна е во врска со кубанско-шпанската актерка Ана де Армас, со која се запозна на снимањето на еротскиот трилер „Длабока вода“, каде што глумеа брачна двојка. Тие не кријат колку се заљубени, а пред пандемијата на коронавирусот заминаа на романтично патување во нејзината родна Куба и исто така ја посетија и Костарика.
Оскаровецот е толку маѓепсан со својата нова девојка што сака да ја запознае со своите деца, но неговата поранешна сопруга Џенифер Гарнер, со која беше во брак 13 години, го замоли да почека.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Шпанскиот суд ја отфрли втората тужба против Шакира за даноците
Шпанскиот суд во четвртокот ја отфрли даночната истрага против колумбиската поп-ѕвезда Шакира, откако обвинителите одлучија да не покренуваат обвиненија.
Шакира се согласи на спогодба минатата година за да избегне судење во Барселона под обвинение дека не и платила на Шпанија 14,5 милиони евра данок на приход од 2012 до 2014 година. Таа, исто така, се соочи со втора истрага за наводна измама на приход и данок на имот во 2018 година.
Судот во градот Есплугес де Лобрегат, во близина на Барселона, објасни дека нема докази за поддршка на тврдењето на обвинителот дека Шакира „свесно и доброволно ги испуштила информациите и документацијата“ при подготовката на нејзината даночна пријава за 2018 година.
Пејачката, која има продадено милиони албуми ширум светот, живееше со поранешната шпанска фудбалска ѕвезда Жерар Пике 11 години и заедно имаат две деца. По разделбата се пресели во Мајами.
Забава
(Видео) Хејли Бибер бремена: го покажа стомакот во венчаницата, Џастин пресреќен
Џастин Бибер и неговата сопруга Хејли го очекуваат своето прво дете.
По бројните шпекулации за бременоста на манекенката, тие ја споделија радосната вест на своите социјални мрежи, а потоа и нивните претставници на медиумите ја потврдија веста и изјавија дека манекенката е во шестиот месец од бременоста, пишува „Пипл“.
Двојката сподели видео од нив како ги обновуваат заветите и ја споделија својата бременост со светот. Хејли носи долг, чипкаст бел фустан и вел, истакнувајќи го нејзиниот труднички стомак.
Парот се венча во септември 2018 година во Њујорк само два месеци по свршувачката. Подоцна, тие славеа со семејството и пријателите.
Забава
(Видео) Прашањето што ја збуни Израелката на прес-конференцијата по Евровизија: „Не мора да одговарате ако не сакате“
Откако беше објавено кои десет земји одат во финалето на Евровизија, се одржа прес-конференција на која беа поставувани прашања и за Израелката Еден Голан, која во финалето отиде со песната „Ураган“.
Новинар од Полска доби шанса да и постави прашање на претставничката на Израел – „Дали некогаш сте помислиле дека бидејќи сте тука ги загрозувате другите учесници и јавноста?
Водителот на прес-конференцијата веднаш рече дека „не мора да одговара ако не сака“.
„А зошто да не“, искоментираа неколку новинари.
Еден Голан прво застана, а потоа одлучи да одговори на прашањето.
„Мислам дека сите сме тука поради една причина, ЕБУ ги презеде сите мерки да го направи ова натпреварување безбедно за сите нас. Мислам дека е безбедно за сите, инаку немаше да бидеме тука“, изјави Еден Голан на прес-конференцијата.