Забава
На Флоренс Пју ѝ рекле да го смени изгледот доколку сака успех во Холивуд
На Флоренс Пју ѝ било кажано да ослаби и да го промени обликот на своето лице доколку сака успешна кариера во Холивуд.
26-годишната британска актерка, ѕвезда на психолошкиот трилер Don’t Worry Darling („Не грижи се, драга“), се отвори за своите рани денови во забавната индустрија и откри дека била ужасена кога пристигнала во Лос Анџелес како тинејџерка бидејќи ѝ рекле да направи многубројни промени во изгледот.
Во интервју за весникот „Телеграф“ таа откри: „Се чувствував многу среќна и благодарна и не можев да поверувам дека добив шанса. Но, сите работи што тие се обидуваа да ги променат кај мене – без разлика дали тоа беше мојата тежина, мојот изглед, обликот на моето лице, обликот на моите веѓи – тоа, дефинитивно, не беше она што сакав да го работам или индустријата во која сакав да работам“.
Првата голема улога на актерката дојде во филмот The Falling од 2014 година и таа продолжи со улога во ТВ-филмот „Студио сити“, но Филоренс била разочарана од нејзиното искуство во САД и сметала дека направила погрешен избор за кариера.
„Почувствував дека направив огромна грешка“.
Сепак, Флоренс продолжи со својата актерска кариера назад во својата родна Велика Британија и во 2016 година доби главна улога во „Леди Магбет“. Овој проект ја натерал повторно да се заљуби во киното.
„Мислам дека е премногу лесно за луѓето во оваа индустрија да ве туркаат лево-десно. Имав доволно среќа што на 19 години открив каков актер сакав да бидам“, додаде таа.

Во најновиот филм „Не грижи се, драга“, Флоренс и Хари Стјалс глумат среќен брачен пар што живее во навидум совршена станбена област во САД во текот на 50-тите години. Нивниот дом го обезбедува мистериозната компанија, во која работи сопругот.
Водена од љубопитноста за вистинската природа на бизнисот на својот сопруг, таа открива дека идилата во која живее има своја темна страна. Прашањето е дали е подготвена да изгуби сè за да ја дознае вистината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ноември носи пресврт: Три хороскопски знаци излегуваат од тежок период
Ноември 2025 носи значајни промени на астролошката сцена, а за три хороскопски знаци — Девица, Близнаци и Риби — ќе означи крај на тешко поглавје и почеток на нов, поволен период.
Девица — конечно доаѓа мир и јасност. Напнатите денови се зад вас, а крајот на месецот носи нова енергија и можност за реализација на идеи. Можно е и помирување со блиски луѓе, а љубовта и семејните односи добиваат хармонија со влезот на Венера во Стрелец.
Близнаци — професионален подем и стабилност. По период на застој, завршува ретроградното влијание на Сатурн и Меркур, што отвора пат кон успех и признание на работа. Крајот на месецот е идеален за грижа за себе и обновување на енергијата.
Риби — повраток на сила и самодоверба. По долгиот ретрограден период на Сатурн во вашиот знак, конечно чувствувате стабилност и внатрешен мир. Крајот на месецот ви носи мотивација, јасност и нова вера во себе.
Забава
Деми Мур откри дека го изневерила сопругот ноќта пред венчавката: „Побегнав од сопствената моминска вечер“
Холивудската актерка Деми Мур открила дека го изневерила својот прв сопруг, музичарот Фреди Мур, ноќта пред нивната венчавка во 1981 година — признание што го објави во своите мемоари.
Актерката, која тогаш имала 18 години, признала дека ја напуштила својата моминска вечер за да се сретне со маж што го запознала на снимање.
„Наместо да ги пишувам заветите, се искрав и отидов кај него“, напишала Мур.
Таа објаснила дека не можела да се соочи со своите сомнежи пред бракот, па го саботирала уште од почетокот.
„Бев егоцентрична тинејџерка која не била воспитана со многу почит кон бракот,“ додала актерката.
Бракот со Фреди Мур траел четири години, по што актерката се омажила за Брус Вилис, со кого има три ќерки, а подоцна и за Ештон Качер.
Забава
„Инстаграм“, конечно, ја добива функцијата што сите ја сакаат
Многу корисници ја бараа оваа функција, а „Инстаграм“, конечно, им ги исполни желбите.
„Инстаграм“, конечно, ги послуша своите корисници: популарната социјална мрежа воведува нова функција „Историја на гледање“, која ви овозможува да ги прегледате сите видеа од Reels што сте ги гледале претходно, дури и ако не сте ги лајкнале, зачувале или споделиле.
Досега, ако случајно сте „скролувале“ преку интересно видео од Reels и сте заборавиле да го зачувате, беше речиси невозможно повторно да го пронајдете. Новата функција го решава токму тој проблем.
Како што објаснува извршниот директор на „Инстаграм“, Адам Мосери, многу корисници барале начин да ги пронајдат видеата што претходно ги гледале, но не ги зачувале, а оваа функција е директен одговор на овие барања.
View this post on Instagram
Функцијата „Историја на гледање“ ќе биде достапна во делот „Ваша активност“. За да пристапите до неа, треба да го отворите вашиот профил, да ги допрете трите реда во горниот десен агол, потоа да изберете „Ваша активност“ и да ја пронајдете „Историјата на гледање“.
Корисниците ќе може да ги видат сите претходно гледани видеа подредени хронолошки, како и да ги сортираат според времето на гледање или авторот. Тие исто така ќе може да избришат поединечни ставки или целата историја одеднаш.
Новата функција се воведува постепено и треба да биде достапна за сите корисници во светот во наредните недели.
Фото: Принтскрин

