Забава
На ѕвездата на „Бејвоч“ ѝ е дијагностициран рак: Мислев дека тоа е знак за менопауза
![](https://makfax.com.mk/wp-content/uploads/2024/01/nikol-egert.jpg)
51-годишната ѕвезда од хит серијата „Спасувачка служба“, Никол Егерт, во понеделникот откри дека во декември 2023 година ѝ бил дијагностициран рак во втор стадиум.
Егерт изјави за „Пипл“ дека мислела оти нејзините симптоми се знаци на менопауза додавајќи дека за три месеци се здебелила 11 килограми и дека во октомври почувствувала страшна болка во левата града. По откривањето на грутката при самопрегледот, се јавила на лекар.
View this post on Instagram
„Беше навистина мачно и болно. Отидов кај мојот општ лекар, а таа ми рече дека треба веднаш да се прегледам“, објасни Егерт.
Инаку, Егерт имала тешкотии да закаже состанок кај специјалист бидејќи „секогаш било резервирано“, па таа „морала да чека до крајот на ноември за да го заврши тоа“. Иако мамограмот и трите биопсии потврдија дека има рак на дојката, таа сè уште не знае дали болеста се проширила и на другите делови од телото.
Мајката на две деца ќе мора да се оперира и моментно чека онкологот да утврди кога ќе почне со хемотерапија и зрачење.
„Таму е. Треба да се извади. Прашањето е дали треба да го направам третманот пред операцијата или тие првин треба да ја направат операцијата за да можам да го продолжам лекувањето“, рекла актерката.
Сепак, нејзиниот најголем страв е губењето на децата Киган (12) и Дилин (25), пренесува „Пејџ сикс“.
„Дилин е возрасна, но дома имам 12-годишно дете, кому јас сум му единствен старател. Немам семејство. Немам ништо“, рече таа.
Дополнително, Егерт се присети на ужасот на лицето на Киган кога ѝ ја кажала дијагнозата.
„Ова е нешто низ кое морам да поминам. Ова е нешто што морам да го надминам. Ѝ требам повеќе од што било или кој било“, рече таа. Егерт исто така им кажа на слушателите на еден поткаст дека го прави својот годишен мамограф секој декември, но исто така откри дека „жали што ги вградила имплантите“.
Една од пријателите на Егерт, Минди Молинари, создаде страница GoFundMe за да ѝ помогне на актерката да се справи со претстојниот финансиски товар.
„Егерт е упорна и отсекогаш наоѓала начини да се снајде, но ова е поинаку“, објасни Молинари. „Таа нема да може да работи поради операциите и третманите“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Каков е вашиот идеален маж според вашиот хороскопски знак
![](https://makfax.com.mk/wp-content/uploads/2024/06/Screenshot-2024-06-21-085458.jpg)
Секоја жена замислува идеален маж и се труди да го пронајде. Па, кој е вашиот идеален маж според вашиот хороскопски знак?
Иако фантазираме за совршени мажи, тоа често не го добиваме. Сепак, тоа не значи дека не сме задоволни со нашите партнери. Компромисот вреди злато, ако знаете како да го направите. Па, каков треба да биде вашиот принц на бел коњ според вашиот хороскопски знак?
Кој е вашиот идеален маж според вашиот хороскопски знак?
Овен
Жените Овен сонуваат за силен, темпераментен и сексуален партнер кој ќе ви го одземе здивот и во кревет и во животот. Сепак, кој навистина може да се натпреварува со жена во овој знак? За да не преземате се на себе, научете да се опуштите и да му препуштите на партнерот некои навистина важни задачи.
Бик
Бикот сонува за непредвидлива романса со скапи ресторани и изненадувачки излети во лимузина со шампањ. Сепак, она што навистина им треба на жените во овој знак се мажи со стабилни примања и скапи набавки. Во секој случај, не го измачувајте партнерот со поплаки дека ви е досадно. Подобро најдете си егзотично хоби.
Близнаци
Жените Близнаци сонуваат за креативни и весели мажи со кои можат заедно да ги остварат своите соништа. Најчесто им се потребни телефонски повици и пораки неколку пати на ден. Ако најдете маж кој не е подготвен за ова, обидете се да го префрлите вниманието на активни спортови бидејќи ќе има многу повеќе шанси да се сретнете со партнерот.
Рак
Претставниците на овој знак сонуваат да се најдат во рацете на силни, грижливи и штедливи мажи. Сепак, жените често ги извршуваат овие функции самостојно и добиваат домашен, неамбициозен, но верен и љубовен партнер. Обидете се да си дозволите да бидете безгрижни и мрзеливи до 12.
Лав
Лавиците сонуваат за богат и славен маж. Сакаат мажите да им подаруваат скапи подароци и да ги разгалуваат на секој можен начин. Сепак, тие имаат тенденција да се заљубуваат во згодни лидери кои често се мрзливи, премногу заљубени во себе и рано се откажуваат од своите и вашите амбиции. Затоа, при изборот, размислете кој навистина сакате да го видите покрај себе.
Девица
Девиците сонуваат за дискретни, деловни и интелигентни независни мажи кои ќе ве ценат. Веднаш гледаат дали партнерот им одговара или не, па разочарувањето се случува многу поретко, за разлика од другите претставници на знакот. Тие навистина можат да споделат совети како да го изберат вистинскиот маж.
Вага
Вагите сонуваат за модерен, образован маж од високото општество. Сепак, речиси е невозможно да се најдат такви мажи, па жените од овој знак често ќе се прилагодуваат на она што им е достапно. Сепак, би било фер да споделите со партнерот што навистина очекувате од него.
Шкорпија
Сонуваат за верен маж со кој ќе можат да го поминат остатокот од животот. Шкорпиите сонуваат за вистински маж на кој не е грев да му се потчини, но во потрага по својот идеал постојано наидуваат на тирани и насилници. Најдобро би било да не одите во крајности и веднаш да ја прекинете врската на првото црвено знаме.
Стрелец
Жените во овој знак фантазираат за оптимист маж кој е страсно вљубен во патувањата бидејќи и самите не можат да го замислат животот без авантура. Меѓутоа, во реалноста тие се задоволуваат со третокласни авантури. Она за што овие жени треба да бидат свесни е дека животот ќе стане многу поинтересен доколку си најдете подобра цел, а мажот што ќе го изберете ќе стане сигурен сојузник на патот кон неа.
Јарец
Жените под овој знак сонуваат за репрезентативни, моќни мажи со висок статус покрај кои ќе се чувствуваат како вистински дами. Меѓутоа, проблемот настанува бидејќи каков успех и да постигне нивниот маж, никогаш нема да им биде доволен. Задоволни се со стабилен и удобен живот, како и со внатрешно чувство на супериорност над другите.
Водолија
Нивната креативна личност со зголемена чувствителност постојано бара необична личност. Тешко е да се најдат такви партнери, но Водолиите се способни да создадат бајка дури и со најобични и неинтересни личности. Нивната енергија е доволна за секого, но не заборавајте да имате милост кон партнерот кој не може да го следи.
Риби
Рибите сонуваат за сигурен маж кој ќе се грижи за нив и ќе им даде можност да бидат слаба жена. Сепак, тие ќе се прилагодат на партнер кој не секогаш ги исполнува нивните очекувања, но на него може да се потпре во повеќето случаи. Во ред е што дури и ако не се чувствувате како слаба жена, се однесувате како да сте за да го добиете она што го сакате.
Забава
Се огласи Кејт Мидлтон: објави нова фотографија и му испрати прекрасни зборови на сопругот
![](https://makfax.com.mk/wp-content/uploads/2024/06/princ-vilijam-830x0.jpg)
Принцезата од Велс го прослави 42-от роденден на својот сопруг принцот Вилијам со необична фотографија направена на неодамнешниот семеен одмор во Норфолк.
„Среќен роденден тато, сите те сакаме многу“, напиша Кејт на социјалната мрежа Икс.
Happy birthday Papa, we all love you so much! Cx pic.twitter.com/NROqRbt4rs
— The Prince and Princess of Wales (@KensingtonRoyal) June 21, 2024
На фотографијата се гледа како Вилијам скока и се држи за рака со своите три деца на плажа. Фотографијата, која Кејт ја сподели на социјалните мрежи, е направена минатиот месец додека семејството беше во Норфолк и се чини дека е направена истиот ден со нивната слика објавена за Денот на таткото минатата недела.
Претходно, Бакингемската палата сподели фотографија од кралот Чарлс со принцот од Велс како седи во неговиот скут, а сликата датира од февруари 1983 година.
Happy Birthday to The Prince of Wales! 🎉
📷 @RCT pic.twitter.com/IEWU8ZeycE
— The Royal Family (@RoyalFamily) June 21, 2024
Оваа фотографија беше поставена на профилот на социјалните мрежи на кралското семејство во петокот наутро.
Истата беше придружена со порака: „Среќен роденден на принцот од Велс!“
Забава
Развод на хоризонтот: Џенифер Лопез ужива во Италија додека Бен го поминува времето со својот син
![](https://makfax.com.mk/wp-content/uploads/2024/06/Screenshot-2024-06-21-080202.jpg)
Додека светските медиуми не престанат да пишуваат за нејзиниот наводен неодамнешен развод, пејачката Џенифер Лопез реши да отпатува во Италија со своите пријатели, оставајќи го дома својот нерасположен сопруг Бен Афлек.
Афлек е фотографиран од папараците како оди без бурма на раката и го поминува слободното време во Лос Анџелес дружејќи се со својот син Семјуел, кого го однел на возење со електричен мотор.
За тоа време Џеј Ло ужива со пријателите во Позитано, Италија, каде е фотографирана како се релаксира на јахта во светло жолт комбинезон.
„На Џени и е доста од се и навистина се обидуваше околу бракот, но не може повеќе. Не станува ништо подобро, само се влошува. Бен е секогаш мрзлив и несреќен, едноставно е невозможно да се живее со него“, рече извор од музичката индустрија за Дејли Мејл и откри дека се откажала од својата турнеја за да го спаси бракот.
Сепак, бракот очигледно не се подобрува, а сега е предоцна за турнејата, па Џеј Ло реши деновите да ги помине во друштво на луѓе кои ќе и го подигнат расположението.
„Тоа е најпаметното нешто што можела да го направи“, „Нејзините постапки треба да ни бидат пример на сите. Таа не треба да трпи никого, дури ни со сопругот“, „Уживајте, кралице“, „Значи, вака изгледа тоа нејзиното ‘ќе поминувам повеќе време со семејството’“, се само дел од коментарите на социјалните мрежи.