Забава
На 22-годишна возраст ѝ открија рак, денес ја негува кожата со нетоксични препарати

„Кога имав 21 година, ми дијагностицираа лимфом и си дадов задача да го испитам својот животен стил и да се запознаам со начините на кои можам да влијаам на исходот на лекувањето. Така открив дека она што го ставаме на нашето тело е еднакво важно колку и она што го внесуваме во него. Нашата кожа е нашиот најголем орган што апсорбира најмногу“, напиша Рејчел Алкоби во својот напис за Who What Wear.
Таа додаде дека направила свесна одлука да се откаже од производите што претходно ги користела и да се префрли на нетоксична нега на кожата.
„Можам да кажам дека немам рак три години и сакам да верувам дека тоа е поради мојата нетоксична рутина. Сакам со другите да ја споделам листата на потенцијално штетни производи што сум ги отфрлила“, истакна таа.
Кога станува збор за производите што не ги користи, клучни беа состојките во нив.
„Нема исклучоци кога станува збор за парабени, натриум лаурил сулфат, олово, вештачки парфеми и алуминиум. Овие состојки се наоѓаат во многу производи за нега на кожата, како што се вештачки дезодоранси, парфеми и средства за чистење на кожата што ги користев пред дијагнозата. Ризиците што ги носат овие производи може да бидат лесни, како што се акни, или тешки, како што се нарушени нивоа на естроген, што може да доведе до рак. Важно е постојано да ги читате етикетите на производите и свесно да се грижите за вашиот најголем орган“, вели Рејчел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Снимка од настап на Лејди Гага стана вирална, микрофонот и се расипа среде песна: „Барем знаете дека пеам во живо!“

Лејди Гага доживеа незгода за време на нејзиниот настап на вториот викенд на фестивалот Коачела. Среде изведување на песната Абракадабра, на пејачката и се расипа микрофонот, но таа продолжи да пее.
Некој од публиката објави видео од незгодата на Икс. На видеото Гага им се обрати на присутните коментирајќи го инцидентот. „Простете ми што накратко ми се расипа микрофонот… Барем знаете дека пеам во живо!“, се пошегува таа.
Забава
Познатата манекенка отворено зборуваше за естетските зафати кои ги имала

Манекенката Кристи Бринкли (71) продолжува да привлекува внимание со својот младешки изглед, а сега отворено проговори за естетските третмани на кои повремено се подложува, нагласувајќи дека нејзиното здравје е поважно од совршената кожа.
Во интервју за „Пипл“, таа откри дека користи ласерски третмани, повремено се одлучува за филери и дека ботоксот не и е непознат. Сепак, Бринкли тврди дека нејзината цел не е целосно да ги избрише знаците на стареење: „Најчесто правам ласери. Не се обидувам да се ослободам од секоја брчка“, рече таа.
„Пробав филери и одам на лекар, но не сакам да изгледам испеглано или вештачко. Неодамна направив Fraxel затоа што имав рак на кожата – тој третман помага да се отстранат преканцерозните клетки. За мене тоа сега е повеќе здравствен проблем”, додаде таа.
Бринкли, чија автобиографија Uptown Girl излегува на крајот на април, претходно нагласи дека не сака да ги избрише сите траги од животот од нејзиното лице: „Сакам да задржам неколку брчки. Тоа е мојот начин да го прифатам стареењето“.
Покрај ласер, таа признава дека двапати користела ботокс, но не била воодушевена: „Моето чело изгледаше мазно, но првиот пат веѓата ми се спушти. Не ми беше удобно“.
Денес, таа користи инјекции само еднаш годишно, за фините линии околу устата. „Сега сум повеќе во ред со тоа што работите остануваат такви какви што се“, рече таа.
Забава
Мадона сними видео за „Тик-ток“ со своето момче, го покажа лицето без шминка

Мадона (66) објави видео на „Тик-ток“ со нејзиното момче Аким Морис (28).
Во видеото, пејачката и нејзиното момче го рекреираат танцот од серијата „Принцот од Бел-Ер“. Во видеото Мадона нема шминка на лицето.
@madonna 👀 #fyp ♬ Anxiety – Doechii
Мадона ја објави нивната врска на Инстаграм во јули минатата година кога објави фотографии од нив на социјалните мрежи. Тие, наводно, се разделиле во октомври 2024 година, но брзо се помириле.