Забава
„Нејзината мајка е најпосакуваната жена на светот, а таа изгледа вака“: коментарите за ќерката на Џеј Ло се безмилосни

Секогаш кога Џенифер Лопез се фотографира со нејзината ќерка Ема (16), грдите коментари на нејзината сметка не престануваат да се нижат.
На ќерка и и се замерува што не тргнала по стапките на својата мајка и што изгледа „несредено“, „валкано“, „мажествено“ и „неуредно“.
Ема и претходно беше мета на критики токму поради тоа што има свој личен стил и не се облекува како нејзината привлечна мајка. Овој пат Ема го привлече вниманието со интересна фризура и автентичен стил, типичен за тинејџерите. Сепак, иако Џенифер Лопез се труди да ја држи подалеку од очите на јавноста, на Ема не и е лесно да порасне со товарот на популарноста.
Џенифер Лопез е мајка на близнаците Макс и Ема, кои ги имаше во бракот со поранешниот сопруг Марк Ентони. Иако Макс ретко се гледа во јавноста, Еме често се појавува со нејзината мајка додека заедно пазаруваат или одат на часови по танц.
Ема, 16-годишна тинејџерка, моментално е окупирана со полагање на последниот испит во автошкола. Позната по своите лежерни комбинации на аутфит, овој пат остана доследна на својот стил – црни фармерки и маица и разбушавена фризура.
Иако нејзината мајка е симбол на стандардите за убавина, Ема за себе избира поинаков пат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Меган Маркл за проблемите со Хари: Расправиите започнаа по шест месеци

Меган Маркл се појави во подкастот на Џејми Керн Лима. Таа зборуваше за нејзиниот бренд „As Ever“ и нејзиното шоу „With Love, Meghan“, но зборуваше и за нејзиниот брак со принцот Хари.
Војвотката од Сасекс призна дека работите меѓу нив не биле секогаш идеални. „На почетокот беше одлично и имаше пеперутки во стомакот, но потоа почнавме да се караме многу брзо. Тоа се случи неочекувано, околу шест месеци по почетокот на врската“, рече таа.
Таа, исто така, рече дека работите се различни по седум години брак, велејќи дека двајцата имаат малку „простор за дишење“.
„Можеме да уживаме еден во друг на нов начин, па затоа чувствувам како периодот на меден месец повторно да е тука за нас“, заклучи таа.
Меган неодамна објави фотографии на Инстаграм од нејзините деца, принцот Арчи (5) и принцезата Лилибет (3), кои поминуваат време во дворот на нивниот луксузен дом во Калифорнија вреден 14 милиони долари. Фотографиите ги прикажуваат двете малечки како берат цвеќиња што Меган ги одгледува во градината, без притоа да ги покаже лицата на децата.
Принцот Хари наводно „не е премногу задоволен“ што Меган ги користи нивните деца за промоција на нејзиниот нов бренд, As Ever. Уредникот за кралското семејство на The Sun, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца на социјалните мрежи.
„Хари би сакал неговите деца да бидат подалеку од очите на јавноста до одредена возраст“, рече Вилкинсон во подкастот A Right Royal.
Забава
Илон Маск: За 5 години роботите ќе бидат подобри и од најдобрите хирурзи

Основачот на Tesla, SpaceX и Neuralink, Илон Маск, изјави дека роботите наскоро ќе ги надминат дури и најдобрите човечки хирурзи.
Маск го напиша ова на X како одговор на објавата на Марио Нафал, основач на IBC Group, инвестициска фирма која инвестира во блокчејн проекти и нови технологии.
„Роботите ќе ги надминат добрите хирурзи за неколку години, а најдобрите за околу пет“, напиша тој.
Нафал, познат како претприемач во областа на криптовалутите, технологијата и стартапите, ги коментираше резултатите од неодамнешните тестови на Medtronic, една од најголемите медицински компании во светот специјализирана за развој и производство на медицински помагала и технологија.
„Стапките на компликации беа екстремно ниски: само 3,7 проценти за операција на простата, 1,9 проценти за операција на бубрег и 17,9 проценти за операција на мочен меур, од кои сите ги надминаа безбедносните цели поставени во текот на повеќегодишните истражувања. Роботот постигна стапка на успех од 98,5 проценти, што е далеку над целта од 85 проценти, што значи дека не само што го помина тестот, туку практично постави нова цел“, додаде тој.
„Од 137 операции, само во два случаи беше потребно префрлање на класична хирургија, едниот поради дефект на роботот, а другиот поради комплициран случај на пациент. Ова не значи дека роботите ќе ги заменат хирурзите утре, но значи дека вашиот следен лекар би можел да има многу скап метален асистент“, заклучи тој.
Забава
(Видео) Одјавната шпица на „Симпсонови“ на македонски јазик

Во најновата епизода на анимираната серија „Симпсонови“, „Abe League of Their Moe“, одјавната шпица е на македонски јазик.
Како што вчера беше објавено, креаторите на серијата одлучиле да внесат спортист кој доаѓа во Спрингфилд како голема сензација од Македонија.
Во епизодата е вклучен тим од земјата. Се работи за сестрите Невена и Калина Нешкоска и нивниот брат Наум, кои заедно го водат едукативниот канал, Дарко Биберко.
„Учествувавме во преводот, јас лично имав консултантска улога, а сите тројца испеавме песна што ја преведовме од англиски на македонски. Благодарност до композиторка Кара Талве, која ја овозможи оваа соработка“, напиша Невена Нешкоска на Фејсбук.