Забава
Не се работи за Кејт Мидлтон: ова моментно е најпребаруваната жена на интернет

Кејт Мидлтон не се појавува во јавноста од Божиќ, а нејзиното исчезнување и фотошопираната фотографија предизвикаа многубројни теории на заговор.
Британската јавност не ја смири видеото што го објавија локалните медиуми, а на кое Кејт и Вилијам излегуваат од локална продавница во Виндзор.
No lo voy a decir, no lo voy a decir, no lo voy a decir… A la mierda, lo digo: ESA NO ES KATE MIDDLETON. pic.twitter.com/9NZ0YgND09
— 💜 La Quisquillosa 💫 (@LaQuisquillossa) March 18, 2024
Социјалните мрежи беа преплавени со коментари дека Кејт воопшто ја нема во видеото, некои веруваат и дека се работи за видео генерирано од вештачка интелигенција, а други се убедени дека се работи за нејзина двојничка.
Британката Хајди Аган одамна се прослави како двојничка на Кејт, а нејзиниот профил на „Инстаграм“, наречен Kate Middleton lookalike, е полн со фотографии на кои се гледа нејзината сличност со принцезата. Многумина се убедени дека токму таа се наоѓа на споменатото видео.
View this post on Instagram
По појавувањето на видеото од Виндзор, луѓето ѝ го преплавија „Инстаграмот“ на Хајди со коментари, со некои чудни шеги. Имено, пред 10-ина часа Хајди објави нова фотографија со натпис: „Ја најдовме, добро се чувствува“, што беше доволно да предизвика бурни реакции.
„Госпоѓо, што правевте во продавницата?“, „Луѓе, ја најдов Кејт“, „Колку ви платија за да бидете во таа продавница?“, „Ова е жената што беше со Вилијам во продавницата“, се само дел од коментарите.
View this post on Instagram
Притисокот на јавноста е толку голем што Хајди мораше да се изјасни.
„Очигледно имаше шпекулации за тоа дали Кејт и Вилијам се во тоа видео. Добив многу пораки на социјалните мрежи. Луѓето мислеа дека сум јас, но не. Бев на работа во тој момент за да можам да кажам не бев јас. 100 проценти сум убеден дека Кејт Мидлтон и Вилијам се во тоа видео. Значи, таа е жива, можеме да бидеме сигурни во тоа. Сега отиде предалеку. Почна како шега за тоа каде е Кејт, но сега навистина е претворено во драма. Ова треба да престане“, изјави Хајди за „Мирор“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ова се трите најблагородни хороскопски знаци: светот е поубав благодарение на нив

Во свет во кој сите бркаат лични цели, постојат ретки луѓе што никогаш не забораваат да се огледаат околу себе. Оние што застануваат да помогнат подаваат рака кога е потребно и се насмевнуваат без скриени намери.
Во астрологијата некои хороскопски знаци се издвојуваат по својата благородност; тие се оние што го прават светот поубаво, потопло и подобро место.
Лав
Иако често имаат репутација дека сакаат да бидат во центарот на вниманието, Лавовите се, всушност, неверојатно благородни. Нивното срце е големо како сонцето што ги симболизира и кога сакаат некого, ќе направат сè за да го заштитат и да го направат среќен.
Лавот сака да ги гледа другите среќни, особено ако тможе да им помогнат да блеснат. Неговата благородност произлегува од искрената потреба да шири топлина и поддршка на сите околу него.
Стрелец
Стрелецот верува во подобро утре и активно работи кон тоа. Неговата благородност не е само емотивна, туку и филозофска. Стрелецот искрено верува во правдата, слободата и помагањето на оние на кои им е потребна помош.
Нивната великодушност доаѓа од желбата да го направат светот пофер место. Тоа не само што ќе ви го даде она што го имате туку ќе ве научи и како да ја пронајдете сопствената сила и храброст.
Риби
Ако постои знак што носи безусловна љубов во себе, тоа се Рибите. Нивната емпатија е толку силна што речиси физички ја чувствуваат болката на некој друг и затоа ретко може да ја свртат главата од некој во неволја.
Рибите се подготвени да го дадат последното нешто што го имаат за да помогнат. Нивната благородност не е избор, тоа, едноставно, е начинот на кој живеат и дишат. Со нив светот никогаш не е сосема ладно место.
Забава
(Видео) Сите се воодушевени од изданието на Меган Маркл од 5.000 евра: „Совршено е, а таа е прекрасна“

Меган Маркл уште еднаш нè убеди во својата љубов кон едноставен, но софистициран стил, што го покажа и за време на едно појавување во Њујорк, на кое присуствуваше со својот сопруг, принцот Хари.
Таа носеше трендовски беж костим; широки панталони и соодветна јакна изработена од свиленикав материјал, дизајнирана од модната куќа „Ралф Лорен“. Интересно е да се напомене дека овој убав и модерн костим чини дури 5.000 евра, а софистицираните парчиња се продаваат одделно.
Уште еден хит со кој никогаш не можете да погрешите е белата кошула, што Меган вешто ја избра за својата модна магија. Сето тоа го заокружи со модерни кожени чевли, како и впечатлив скап накит.
@ellegermany♬ Originalton – ELLE Germany
И како што сме навикнати, Меган и овој пат носеше блага, природна шминка, како и пуштена, малку брановидна коса.
Нејзиниот сопруг, принцот Хари, исто така беше во својот препознатлив стил; во елегантен темносин костум, па изгледаа многу координирано заедно, а Меган доби многубројни комплименти на социјалните мрежи.
@accesshollywood #MeghanMarkle ♬ original sound – Access Hollywood
„Изгледа навистина убаво“, „Облеката е одлична“, „Го обожавам овој стил, секогаш изгледа елегантно“, „Облеката е совршена, а таа е прекрасна жена“, се само неколку од нив.
Забава
(Фото) Трендовски детаљ што ќе привлече внимание оваа сезона, а не чини многу

Впечатливите обетки, белезици и ѓердани беспрекорно се вклопија во актуелните трендови добивајќи мноштво разни форми, така што има по нешто за секого во овој сегмент. Дури и ако сте страстен љубител на суптилните детали, веруваме дека ќе ви биде тешко да им одолеете на некои од шарените парчиња накит од новите колекции.
View this post on Instagram
Минатата година бевме сведоци на подемот на т.н. тренд фудкор и сè беше преполно со шарен накит со овошни мотиви – помислете само на хит обетките – цреши.
Оваа година романтиката е во преден план, а безвременскиот мотив на цвеќето блескаше во посмели силуети и бои од кога било досега. Опсесијата со тропските цвеќиња продолжува, а преголемите обетки украсени со шарени егзотични ливчиња се детаљ што повеќе не е резервиран исклучиво за плажа и за забавите по неа.
Обетките во облик на големи тридимензионални цвеќиња се помногубројни од кога било на главната улица и станаа омилен избор на трендсетерките за малку поубави пригоди во топлите денови.
Заедно со обетките од смола во светли бои, вниманието го привлекуваат и моделите со неправилни форми и неочекувани текстури – бисерен сјај, варијанти од мрежест метал и материјали што имитираат злато или сребро се многу добредојдени.
Не се сомневаме дека овој вид впечатлив детаљ е навистина одлична инвестиција – не чини многу, а навистина прави разлика, додавајќи им опир на актуелност и карактер на малку поедноставни комбинации.