Забава
Николас Кејџ бил сигурен дека е од друга планета
Николас Кејџ како дете мислел дека е вонземјанин.
58-годишниот актер откри дека татко му го опишувал како вонземјанин во текот на неговото детство и раната младост и дека бил многу изненаден кога при посета на лекарската ординација сфатил дека тој, всушност, има нормален скелет и човечки органи.
„Татко ми ми кажа дека чувствува како да мора да ми се претстави затоа што сум вонземјанин“, вели Кејџ.
„Бев шокиран дента кога отидов на лекар како дете и дознав дека имам нормални органи и нормален скелет бидејќи бев сигурен дека сум од друга планета“.
Оскаровецот објасни дека секогаш се борел „да се поврзе“ со другите и на крајот бил инспириран од покојната ексцентрична поп-ѕвезда Дејвид Боуви да почне кариера во шоу-бизнисот.
Во интервју за списанието „Ремп стајл“ тој изјави: „Имав тешкотии да се поврзам со другите луѓе. Кога го видов Дејвид Боуви во The Man Who Felt to Earth, сфатив дека треба да направам нешто. Така станав актер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Познатата актерка ги поттикна шпекулациите дека е повторно бремена, фотографите ја снимија во Грција
Кејт Хадсон ги поттикна шпекулациите дека е повторно бремена откако фотографите ја снимија нејзиниот одмор на грчки остров со вереникот Дени Фуџикава и нејзините деца.
45-годишната актерка се фотографираше во летно издание, а на фотографиите покажува поголем стомак. Инаку, за нејзината бременост се шпекулираше и порано кога се појави на доделувањето на GLAAD Media Awards во Лос Анџелес, а под фустанот и се гледаше стомакот.
Актерката има три деца со три различни татковци, 20-годишниот син Рајдер Расел Робинсон, кој го има со поранешниот сопруг Крис Робинсон, потоа 12-годишниот син Бингам Хоун, кој го има со музичарот Мет Белами и 5-годишната ќерка Рани, која ја доби со сегашниот вереник.
Забава
Објавен е нов портрет на кралот Чарлс, луѓето коментираат дека ова е најдобриот досега
Нов фотографски портрет на кралот Чарлс во воена униформа беше објавен во саботата по повод Денот на британските вооружени сили. На фотографијата е прикажан кралот облечен во свечено палто со медали, меч и одликувања.
„Конечно добар портрет“, „Најдобар портрет досега“, пишуваат обожавателите на кралското семејство.
Кралот, кој е врховен командант на вооружените сили, се врати на своите должности на почетокот на минатиот месец, откако во февруари му беше дијагностициран рак.
Објавувањето на фотографијата се совпадна со видео пораката на кралицата Камила до припадниците на вооружените сили. Таа ги нарече „извор на инспирација, сигурност и гордост“.
Забава
Ѓорѓе Давид, Ивана Петерс и Бресквица направија незаборавен концерт за роденденот на Кисела Вода
По повод прославата на двата родендена, 69-тиот на Општина Кисела Вода и 30-тиот на култниот бенд Суперхикс, вечер од 19 часот во паркот во Расадник ќе се одржи забава со бројни гости на бендот како Дани Димитровска, Фолтин, Гоце Саф, Ја, Дека и Зека од Војводина, Битолски камерен оркестар, 21 век и многу други.
Синоќа, како што соопштија од Општината, на истата локација Ѓорѓе Давид, Ивана Петерс и Бресквица одржаа незаборавен концерт во рамки на Културното лето 2024 на Општина Кисела Вода. На третата фестивалска вечер на Културното Лето 2024, публиката уживаше во жанровски различни музички вкусови и со што се покажа дека и понатаму концертите и добрата забава остануваат да бидат заштитен знак на на Општина Кисела Вода.
Настанот започна со македонските изведувачи- Андријана Петрушевска, Омер Џаферовски, Славица Ангелова и Александар Јосифовски. Џорџе Давид и Ивана Петерс донесоа одличен рок звук и хитови кои публиката ги дочека со огромни аплаузи. На сцената имаше и одлични дуети со македонските изведувачи. По нив следеше популарната Бресквица, која во моментот е една од најбараните пејачки, посебно кај помладата генерација.
На настанот публиката ја поздравил градоначалникот на Општина Кисела Вода Орце Ѓорѓиевски кој им се заблагодарил и на присутните и на изведувачите за одличната забава во очи денешниот роденден на Општина Кисела Вода и потенцирал дека со ваква сплотеност и убава енергија се испишува новата историја на Кисела Вода.
„Среќа е кога сите сме на едно место и заеднички ја споделуваме. А вечерва, заедно со сите, како еден од вас покажавме колку сме горди на најубавата наша Кисела Вода. Ви благодарам на секој еден од вас – за сите стиснати раце, заедничките слики и прегратки за поддршка! Огромно благодарам на најзаслужните за оваа радост вечерва – Ѓорѓе Давид, Бресквица, нашата Андријана Петрушовска, неповторливата Ивана Петерс и сите ѕвезди кои вечерва ни го приредија ова. Знаете, испишуваме историја – Храброто срце на Скопје, Кисела Вода повторно живее! Продолжуваме утре, Суперхикс подготвуваат вистинско изненадување за сите вас! Се гледаме на најдобрата журка во Скопје, истакна градоначалникот Ѓорѓиевски по што следеше голем огномет“, стои во соопштението.