Забава
Новинарите признаа дека го лажирале интервјуто со Мориконе

Интервјуто со познатиот композитор Енио Мориконе стана хит кога во јавноста се појавија цитати во кои го спомнува познатиот режисер Квентин Тарантино со кого соработуваше на филмот The Hateful Eight.
Имено, во германското издание на „Плејбој“ е објавено интервју во кое Мориконе вели дека Тарантино е кретен и отворено ги критикува неговите филмови кои немаат вредност бидејќи тие се, всушност, куп украдени сцени од филмовите на други луѓе.
Кога цитатите беа проширени во медиумите низ светот, Мориконе излезе пред јавноста тврдејќи дека тоа никогаш не го кажал.
„Плејбој“ потоа излезе со изјава во која стои зад својот новинар, но се чини дека приказната доби ново поглавје.
Во изјавата што дополнително ја дадоа стои дека нивниот новинар Марсел Андерс неточно репродуцирал дел од изјавите на Мориконе.
„Никогаш не сме имале причина да се сомневаме во новинарскиот интегритет и вештина на нашиот соработник. За жал, врз основа на достапните информации, мораме да претпоставиме дека зборовите во интервјуто, барем делумно, се неточно репродуцирани. Му се извинуваме на господин Мориконе што го прикажавме во погрешно светло. Ние работиме на расчистување на овој случај и ги разгледуваме правните мерки“, се вели во соопштението на редакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вистинското име на Том Круз и болното минато што го оставил зад себе

Том Круз (63), холивудски актер и ветеран кој важи за икона поради неговата долготрајна посветеност на шоу-бизнисот, е познат по тоа што сам ги изведува опасните акциски сцени во многу научнофантастични и акциони филмови. Но, она што многумина не го знаат е неговото вистинско име и причината зошто го променил.
Неговите родители, таткото Томас Круз Мапотер III, електроинженер, и мајката Мери Ли Пфајфер, наставничка за специјално образование, го добиле синот во 1962 година. Семејството живеело во речиси сиромаштија и под строго католичко воспитување. Кога имал 18 години, Том решил да ја остави минатото зад себе и да ја започне својата актерска кариера – одлука што го катапултирала до врвот на светската слава и богатство.
Како дел од неговото преселување во Њујорк и започнување на нов живот, тој се откажал од името што го добил при раѓање – Томас Круз Мапотер IV. Многу обожаватели биле изненадени кога го дознале тоа, а некои дури коментирале дека неговото вистинско име „звучело како од кралско потекло“, додека други сметале дека звучи „непрактично“ или „необично“.
Причината за промената не била само да добие име со холивудски призвук, туку и да се дистанцира од својот татко, кого го опишал како насилен човек, „кукавица“ и „создавач на хаос“. Во интервју за магазинот „Парајд“ во 2006 година, Круз рекол:
„Мојот татко беше личност што ќе те удри ако нешто не е како што сака. Тоа беше голема лекција за мене – прво ќе те опушти, ќе те натера да се чувствуваш безбедно, а потоа – бум! Сфатив дека нешто не е во ред. Не му верувај. Биди на штрек.“
Неговата мајка се развела од татко му кога Том имал 12 години, а таа починала од рак во 1984 година. Подоцна во животот, Круз се сретнал со својот татко пред неговата смрт. За тој момент вели:
„Кога го видов во болка, помислив: ‘Вау, колку осамен живот.’ Имаше едвај четириесет и нешто години. Беше тажно.“
Некои од роднините на Круз сè уште го носат презимето Мапотер – меѓу нив и неговиот братучед Вилијам Мапотер, исто така актер, познат по улогите во серијата „Лост“ и филмот „Зодиак“.
Забава
Бијонсе, по седум години, го обедини „Дестинис чајлд“

Бијонсе го прослави крајот на својата рекордна турнеја „Каубој Картер“ со многу посебно обединување со своите колешки од бендот „Дестинис чајлд“. Таа ја спушти завесата од турнејата на спектакуларен начин кога бендот повторно се обедини за серија хитови.
Поп-ѕвездата го одржа својот последен концерт на стадионот „Алегиант“ во Лас Вегас, а ѝ се придружија Кели Роуланд и Мишел Вилијамс.
Последниот пат кога триото настапи заедно беше во 2018 година кога Кели и Мишел се појавија на концертот на Бијонсе на Коачела.
Забава
Семејството на Ози Озборн згрозено од подлите теории на онлајн-троловите за трагичната смрт на рок-иконата

Семејството на Ози Озборн ги критикува теориите што се појавуваат на интернет за трагичната смрт на рок-легендата откога фронтменот на „Блек сабат“ на 76 години почина опкружен со љубов во својот дом вреден повеќе милиони фунти во Велдерс, Бакингемшир, минатата недела.
Шерон, неговата сопруга, со која беше во брак 43 години и мајка на нивните деца Ејми, Џек и Кели, беше покрај него кога почина. Екипите на воздушната брза помош се упатија кон семејната куќа за да го спасат пејачот, кој страдаше од Паркинсонова болест во неговите последни моменти. Во соопштението потпишано од неговото семејство се вели: „Тој беше со своето семејство и опкружен со љубов. Ве молиме сите да ја почитувате приватноста на нашето семејство во овој момент“. Но, онлајн-троловите сега шират одвратни шпекулации дека иконата на Брами одлучила да си го одземе животот“, објави британски „Сан“.
За ова се дискутира дури и на американските радиостаници, вклучувајќи го и „Сириус икс ем“, каде што рок-иконата имаше свој канал. Шерон, Кели и Џек се згрозени од лажните наративи, кои тврдат дека тие биле вклучени во неговата одлука да си го одземе животот.
Семеен пријател синоќа изјави: „Семејството сè уште тагува и справувањето со оваа глупост е гнасно. Длабоко ги згрози Шерон и децата. Ози почина дома, а болничарите се обидоа да го спасат – факт. Едноставно, одвратно е бидејќи овие идиоти од социјалните медиуми не се веродостојни, но некако нивниот наратив се шири секој ден. Иако немаат никакво знаење, другите онлајн-корисници ги третираат овие лажни вести како факт. Човекот апсолутно сакаше да биде со своето семејство, а особено со своите внуци“.