Забава
Одобрена ексхумација на познатиот гангстер Џон Дилинџер кого го глумеше Џони Деп

Властите на американската сојузна држава Индијана одобрија ексхумација на познатиот гангстер Џон Дилинџер, кого актерот Џони Деп го глумеше во „Public enemies“ (2009).
Ексхумацијата ја побарало неговото семејство затоа што се сомнева дека телото на Дилинџер е погребано во Индијанаполис.

Џони Деп во улога на Џон Дилинџер
Дилинџер (1903 – 1934) бил познат гангстер во 30-ите години, а американското Федерално истражно биро (ФБИ) во тоа време го опишало како „жесток крадец“ кој редовно бил на насловните страници на тогашните весници.
Дилинџер бил убиен во 1934 година од страна на полицијата. Бил погребан на гробиштата Краун хил во Индијанаполис. Но, некои членови на неговото семејство се сомневаат во полициската верзија на убиството.
Внуката на гангстерот, Керол Томпсон, тврди дека има информации за човек кој тогаш се претставил како Дилинџер и кого полицијата го убила, но дека тој не бил нејзиниот чичко. Како доказ, таа ги навела бојата на очите и отпечатоците од прстите.
„Мислам дека е важно да се знае дали Дилинџер живеел подолго од датумот кој е наведен за неговата смрт, а тоа е 22 јули 1934 година. Ако не е убиен тогаш, би сакала да знам што му се случило, каде живеел, дали имал деца, внуци и дали некој од нив е жив“, навела таа.
ФБИ наведува дека нејзината верзија изгледа како теорија на заговор. Ексхумацијата би требало да се изврши на 31 декември.
Управата на гробиштата, сепак, се противи на одлуката, па изгледа целиот случај ќе заврши на суд.
Дилинџер бил познат по ограбувањето на банки и организирањето бегства на други гангстери од затвор во времето на Големата депресија во САД. Бил најпознат гангстер на своето време и една од иконите на американската култура на 20. век. За него се напишани многу книги, а снимени се и филмови и телевизиски серии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Уапсен е мажот кој ја прогонуваше Скарлет Јохансон

Мажот кој Скарлет Јохансон го обвини дека ја демнел е уапсен поради закани со бомба.
Мајкл Бранхам, кој беше уапсен од њујоршката полиција во средата, наводно се заканил дека ќе активира бомба поставена во студиото на шоуто „Сатрдеј најт лајв“, каде со години работи Колин Џост, кој е во брак со Јохансон од 2020 година.
Ен-Би-Си објави дека Бранхам на сослушувањето се изјаснил за невин за лажното пријавување на инцидентот и заканата со бомба.
Јохансон во ноември 2023 година побара забрана за приближување против Мајкл Бранхам во Калифорнија. Актерката во документите навела дека Бранхам ја демнел од август 2022 година.
Судот минатата година го одби нејзиното барање. Покрај тоа, се тврди дека мажот споделил неколку објави за Скарлет Јохансон на социјалните мрежи во текот на изминатиот месец. Меѓу нив наводно има и селфи на кое е прикажана тетоважа со срце на која е испишано името на актерката.
Забава
Принцот Хари се жалел за време на крунисувањето на Чарлс

Иако тоа се случи пред речиси 2 години, повеќето луѓе сè уште се сеќаваат на крунисувањето на кралот Чарлс. Некои и до ден денес го анализираат, а меѓу нив е и читачот на усни Џереми Фримен, кој тврди дека принцот Хари се пожалил за време на церемонијата.
Хари седеше до Џек Бруксбанк, сопругот на неговата братучетка, принцезата Јуџин. Според „Сан“, принцот му рекол: „Преку глава ми е од начинот на кој се однесуваат со мене. Тоа не е идеална ситуација“. Иако не го спомна Чарлс, многумина веруваат дека тој мислел на кралското семејство.
Крунисувањето на Чарлс беше првпат Хари да се фотографира со кралското семејство откако се пресели во Калифорнија со неговата сопруга Меган Маркл. Повеќето веруваат дека принцот сакал максимално да ја скрати посетата на Велика Британија, бидејќи веднаш по церемонијата се упатил кон аеродромот за да се врати во Америка.
Односите меѓу Хари и кралското семејство се затегнати со години. Сè започна кога Хари и Меган се откажаа од своите службени должности во 2020 година и се преселија во САД. Оттогаш, Хари ја посети Велика Британија само неколку пати, а освен за крунисувањето на Чарлс, тоа го направи и за погребот на кралицата Елизабета Втора. и кога на Чарлс му беше дијагностициран рак.
Забава
Трите најдоминантни хороскопски знаци

Има луѓе кои тивко го набљудуваат светот околу себе, не се наметнуваат и не бараат внимание… А потоа се оние другите. Оние кои знаат што сакаат, ја водат играта, донесуваат одлуки и не се откажуваат додека не ги постигнат своите цели.
Нивното присуство се чувствува веднаш штом ќе влезат во просторијата, а кога ќе кажат нешто – сите слушаат. Ако некогаш сте се запрашале кои хороскопски знаци владеат со секоја ситуација, откријте ги трите најдоминантни знаци.
Лав
Ако постои знак роден да доминира, тоа е Лавот. Овие харизматични, моќни поединци не само што знаат да преземат контрола, туку и уживаат. Лaв не е некој што ќе чека некој друг да му даде зелено светло – тој го пали рефлекторот и самиот излегува на сцената. Лавовите сакаат да бидат лидери, шефови и главни лица во секое општество, а ако се обидете да ги ставите во втор план – подгответе се за драма од епски размери. Нивната самодоверба е заразна, а енергијата неодолива, па не е ни чудо што сите сакаат да ги следат.
Шкорпија
За разлика од Лавот, кој доминира отворено, Шкорпијата владее од сенка. Овие мистериозни поединци не бараат внимание – но моќта е секогаш на нивна страна. Нивната сила лежи во интелигенцијата, страста и способноста да ги „читаат“ луѓето за неколку секунди. Тие секогаш се три чекори пред вас. Шкорпиите се оние луѓе кои ги знаат сите ваши тајни, а вие речиси ништо не знаете за нив. Имаат неверојатна моќ на контрола и се исклучително стратешки настроени – во деловниот свет се незапирливи, а во приватниот живот фатални и неодоливи.
Јарец
Ако Лавот сака да биде крал, а Шкорпијата е куклар во сенка, тогаш Јарецот е император кој ја гради својата империја. Овој знак е амбициозен, упорен и неверојатно дисциплиниран. За разлика од другите знаци кои сакаат да доминираат поради егото или моќта, Јарецот го прави тоа затоа што знаат дека се најдобри. Нивната доминација доаѓа преку работа, труд и непоколеблива волја. Јарецот е оној кој секогаш има план и никогаш не се откажува, дури и кога сите други креваат раце. Не сакаат да губат време на неважни работи – ако нешто не носи резултати или не ги води до целта, едноставно не им е грижа.