Забава
Онкологот откри што правела Шенон Доерти на смртната постела: „Се бореше да преживее, но знаеше дека е готово“
На Шенон ѝ беше дијагностициран рак на дојката во 2015 година, а по хемотерапијата и зрачењето во 2017 година, нејзината состојба се подобри. Во февруари 2020 година таа објави дека нејзиниот рак на дојката напредувал и стигнал до најлошата четврта фаза.
Ракот на дојката првпат беше откриен кај покојната Шенон Доерти во 2015 година и се повлече во 2017 година. Меѓутоа, во 2019 година болеста се врати и ракот метастазира. Сепак, Шенон давала сѐ од себе да се излекува не предавајќи ѝ се на ужасната болест ни една секунда. Во последните моменти актерката беше придружувана од своите најблиски членови на семејството и кучето Боуви. Почина на 13 јули.

Онкологот д-р Лоренс Д. Пиро ги опиша моментите пред смртта на познатата Бренда од „Беверли Хилс“ како „тажни“ и „убави“.
Докторот на Шенон Доерти ги откри последните моменти на познатата актерка, која почина на 13 јули во болница во Малибу, Калифорнија, по долга борба со ракот на дојката. Актерката имаше 53 години и според нејзиниот лекар „не била подготвена да замине“.
Во интервју за „Пипл“, онкологот д-р Лоренс Д. Пиро кажа една прилично тешка вистина.
„Во последните неколку часа беше на место на кое ѝ беше многу удобно, спиеше, беше опкружена со некои од нејзините многу блиски пријатели“, изјави д-р Пиро, а потоа додаде:
„Во собата имаше неколку блиски луѓе, кои ѝ дадоа внимание и поддршка. Беше мрачно и тажно, но убаво и со многу љубов. Најтешкото нешто во ова е што Шенон не беше подготвена да замине бидејќи го сакаше животот“, додаде онкологот.

На Шенон ѝ беше дијагностициран рак на дојката во 2015 година, а по хемотерапијата и зрачењето во 2017 година, нејзината состојба се подобри. Во февруари 2020 година таа објави дека нејзиниот рак на дојката напредувал и стигнал до најлошата четврта фаза.
Во својот поткаст актерката отворено зборуваше за својата болест и со сите ги сподели најтешките моменти во животот.
„Морам да ѝ се вратам на хемотерапија и навистина е тешко. Идејата да го поминам сето тоа одново ме уништи“, рече тогаш таа.
Зборувајќи за борбата на покојната актерка со опаката болест, д-р Пиро рече дека дале сѐ од себе и продолжиле да се лекуваат што подолго.
„Во последниот разговор што го имавме, таа беше во процес да сфати дека работите се влошиле доста“, рече докторот.

„Сакаше да продолжи да се лекува и да се бори, иако физичката состојба ѝ се влоши. И тоа го направивме“, забележа д-р Пиро.
Тој истакна дека Шенон Доерти немала намера да се откаже.
„Тоа не се ни споменуваше бидејќи Шенон не живееше така. Беше неверојатен воин во сѐ што правеше“, додаде д-р Пиро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин

