Забава
Отворен конкурс за демо рап песна
Културно-социјалниот простор „Центар-Јадро“ организира конкурс за демо рап песна на кој може да се пријават сите неафирмирани македонски рап бендови или соло артисти.
Со овој повик „Центар-Јадро“ сака да го помогне развојот на домашната сцена и да им даде простор и поттик на талентираните рапери и раперки да ги раскажат своите приказни и искуства. Избраните бендови или артисти ќе добијат професионална сесија за снимање на оригинална музика, микс и мастер за песната во едно од студијата на Владимир Аговски Аго, Гоце Саф и Драги (Druggy), како и парична награда од 250 евра.
Што треба да направите?
-Изберете било каква музика (ваша или рандом музичка подлога), напишете свој текст и снимете го вашиот рецитал;
-Вашата снимка со времетраење од максимум 90 секунди може да ја пратите на два начини: како mp3/wav формат директно на е-mail, или на вашиот Facebook/Instagram профил, со користење на хаштагот #РапДемо2020 и таг на @centarjadro во вашиот пост;
– Ако праќате на e-mail, покрај демо снимката, треба да ја испратите и вашата кратка биографија, фотографија и контакт најдоцна до 8 ноември 2020г. на нашата адреса: [email protected] со назнака „РапДемо2020“.
-Може да направите пост-продукција на вашата демо снимка, но може да ја пратите и без никаква обработка, само бидете сигурни дека квалитетот на снимката е добар;
– Доставете песна што најдобро ве претставува вас и вашата музичка визија.
„Ги охрабруваме сите неафирмирани македонски бендови и соло артисти кои прават или сакаат да прават авторска музика и кои немаат официјално издание за некоја продуцентска куќа или настап на некој од поголемите фестивали (Таксират, Д Фестивал, итн) да се пријават на конкурсот. Покрај паричната награда, ќе имаат бесплатна можност за соработка со етаблирани продуценти и снимање во професионално студио. Комисијата составена од продуцентите што ќе ги продуцираат песните и еден член на КСП „Центар-Јадро“ од сите пристигнати демо-снимки ќе одбере 6 песни. Избраните артисти ќе снимаат целосно нова песна независна од нивната демо снимка“, велат од „Центар-Јадро“.
КСП „Центар-Јадро“ ја задржува можноста да ги објави сите пристигнати демо снимки. КСП „Центар-Јадро“ ќе ги објави сите 6 песни кои ќе бидат направени во професионалните студија на своите социјални медиуми. Демо снимките треба да бидат необјавени и неиздадени, во спротивно ќе бидат дискфалификувани.
Пријавите можат да бидат најдоцна испратени до 8 ноември 2020 година. Конкурсот е реализиран со поддршка од Амбасадата на Швајцарија во РСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин
Забава
Што бара секој хороскопски знак кај совршениот партнер?
Од страсна Шкорпија до прагматична Девица, дознајте што хороскопските знаци бараат кај партнерот.
Овен
Овните се полни со енергија и секогаш се подготвени за авантура, па затоа бараат партнер кој може да го следи нивното темпо. Ги привлекува самодовербата и решителноста. Идеалниот партнер за Овен е некој кој е независен, страствен и подготвен за спонтани авантури.
Бик
Биковите ја ценат безбедноста и удобноста. Тие бараат стабилен и сигурен партнер кој ја дели нивната љубов кон домашната удобност и сензуалните задоволства. Физичката привлечност е важна за Бикот, но исто така е и емоционалната поврзаност и лојалноста.
Близнаци
На Близнаците им е потребен интелектуалец со кого можат да водат живи разговори. Тие ја ценат духовитоста, флексибилноста и дружељубивоста. Идеалниот партнер за Близнаците е некој кој е разигран, комуникативен и разбира ја нивната променлива природа.
Рак
Раковите бараат длабока емоционална врска и сигурност. Нивниот идеален партнер е грижлив, внимателен и семеен. Раковите ја ценат чесноста, посветеноста и способноста да покажуваат емоции.
Лав
Лавовите бараат партнер кој може да ги обожава и да се восхитува на нивната харизма. Тие сонуваат за партнер кој е самоуверен и силен. Лојалноста, страста и великодушноста се најважните работи во врската.
Девица
Девиците најдобро ќе се сложуваат со партнер кој ги цени редот и дисциплината. Нивниот совршен партнер е практичен, интелигентен и сигурен. Девиците ја ценат прецизноста, трудољубивоста и скромноста.
Вага
Вагата бара партнер кој може да ја поддржи нивната потреба за убавина и мирни врски. Нивниот партнер од соништата е шармантен, друштвен и фер. Вагите ја ценат дипломатијата, уметноста и елеганцијата.
Шкорпија
Шкорпиите се страствени и мистериозни, па затоа бараат интензивна емоционална и физичка врска. Тие веруваат дека нивниот партнер мора да биде силен, интуитивен и посветен. Тие ја ценат длабочината, лојалноста и страста.
Стрелец
Стрелец бара партнер кој ја дели нивната љубов кон авантурата и истражувањето. Нивниот идеален партнер е независен, хумористичен и отворен. Стрелците ја ценат слободата, чесноста и филозофската длабочина.
Јарец
Јарците најдобро се сложуваат со луѓе кои ја делат нивната посветеност кон целите и успехот. Тие бараат партнер кој е сериозен, сигурен и практичен. Јарците ја ценат традицијата, одговорноста и трудољубивоста.
Водолија
Водолиите бараат партнер кој може да ја поддржи нивната потреба за слобода и индивидуалност. Нивниот идеален партнер е независен, креативен и интелектуално љубопитен. Водолиите ја ценат оригиналноста, љубезноста и пријателството.
Риби
Рибите се интуитивни и емпатични, поради што би сакале да најдат партнер кој може да ја разбере нивната длабока чувствителност и имагинација. Тие сонуваат за партнер кој е нежен, уметнички и хумористичен. Рибите најмногу ги привлекува емпатијата и креативноста.
фото: принтскрин

