Забава
Отворен конкурс за демо рап песна
Културно-социјалниот простор „Центар-Јадро“ организира конкурс за демо рап песна на кој може да се пријават сите неафирмирани македонски рап бендови или соло артисти.
Со овој повик „Центар-Јадро“ сака да го помогне развојот на домашната сцена и да им даде простор и поттик на талентираните рапери и раперки да ги раскажат своите приказни и искуства. Избраните бендови или артисти ќе добијат професионална сесија за снимање на оригинална музика, микс и мастер за песната во едно од студијата на Владимир Аговски Аго, Гоце Саф и Драги (Druggy), како и парична награда од 250 евра.
Што треба да направите?
-Изберете било каква музика (ваша или рандом музичка подлога), напишете свој текст и снимете го вашиот рецитал;
-Вашата снимка со времетраење од максимум 90 секунди може да ја пратите на два начини: како mp3/wav формат директно на е-mail, или на вашиот Facebook/Instagram профил, со користење на хаштагот #РапДемо2020 и таг на @centarjadro во вашиот пост;
– Ако праќате на e-mail, покрај демо снимката, треба да ја испратите и вашата кратка биографија, фотографија и контакт најдоцна до 8 ноември 2020г. на нашата адреса: [email protected] со назнака „РапДемо2020“.
-Може да направите пост-продукција на вашата демо снимка, но може да ја пратите и без никаква обработка, само бидете сигурни дека квалитетот на снимката е добар;
– Доставете песна што најдобро ве претставува вас и вашата музичка визија.
„Ги охрабруваме сите неафирмирани македонски бендови и соло артисти кои прават или сакаат да прават авторска музика и кои немаат официјално издание за некоја продуцентска куќа или настап на некој од поголемите фестивали (Таксират, Д Фестивал, итн) да се пријават на конкурсот. Покрај паричната награда, ќе имаат бесплатна можност за соработка со етаблирани продуценти и снимање во професионално студио. Комисијата составена од продуцентите што ќе ги продуцираат песните и еден член на КСП „Центар-Јадро“ од сите пристигнати демо-снимки ќе одбере 6 песни. Избраните артисти ќе снимаат целосно нова песна независна од нивната демо снимка“, велат од „Центар-Јадро“.
КСП „Центар-Јадро“ ја задржува можноста да ги објави сите пристигнати демо снимки. КСП „Центар-Јадро“ ќе ги објави сите 6 песни кои ќе бидат направени во професионалните студија на своите социјални медиуми. Демо снимките треба да бидат необјавени и неиздадени, во спротивно ќе бидат дискфалификувани.
Пријавите можат да бидат најдоцна испратени до 8 ноември 2020 година. Конкурсот е реализиран со поддршка од Амбасадата на Швајцарија во РСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Еден од судиите на Мис Универзум поднесе оставка три дена пред финалето, вели дека имало таено жири
Три дена пред финалето на изборот за Мис Универзум што ќе се одржи на 21 ноември во Бангкок, композиторот Омар Харфуш изненадно поднесе оставка како член на жирито. Тој тврди дека топ 30-те финалистки биле избрани од „таено, импровизирано жири“.
Харфуш на Инстаграм наведе дека дознал за формирањето на групата преку социјалните мрежи, дека резултатите се чуваат во тајност и дека никој од осумте официјални судии не бил присутен при изборот. Според него, членовите на тој комитет имале „потенцијален судир на интереси“.
View this post on Instagram
Тој напиша дека имал разговор со извршниот директор на Мис Универзум, Раул Роча, поради недостаток на транспарентност, по што решил да се повлече и да не ја изведе музиката што ја компонирал за натпреварот.
Организацијата Мис Универзум ги отфрли обвинувањата, наведувајќи дека не постоело никакво импровизирано жири, и дека сè се одвива според утврдени правила. Тие соопштија дека го прифаќаат повлекувањето на Харфуш и му забрануваат да користи или да се поврзува со заштитни знаци и брендови на Мис Универзум.
Забава
Се сопнуваш на рамно? Можеби виновен е хороскопот – пет најтрапави хороскопски знаци
Астролозите тврдат дека одредени хороскопски знаци се понеспретни од другите, било поради расеаност, брзоплетост или постојано живеење во облаци”.
Стрелец – постојано гледа кон нови цели и авантури, па често не ги забележува препреките пред себе. Неспретноста доаѓа од ентузијазмот и брзањето.
Риби – длабоко во својот свет на фантазија и емоции, лесно забораваат на реалноста околу себе. Можат да се наслонат на свежо обоен ѕид или да ги загубат клучевите.
Близнаци – умот им работи пребрзо, со илјадници мисли и планови одеднаш. Нивната смотаност произлегува од „премногу табови“ во глава.
Овен – делува пред да размисли. Може да претрча по лизгав под или да носи премногу работи одеднаш. Сепак, брзо се опоравува и продолжува како ништо да не се случило.
Водолија – мислите им се насочени кон иднината и апстрактни идеи, па неретко се сопнуваат дури и на рамно. Познати се и по социјални грешки, бидејќи говорот ги прескокнува правилата.
Забава
Ирина Шејк откри како со Бредли Купер ја воспитуваат 8-годишната ќерка
Ирина Шејк изјави за People дека со поранешниот партнер Бредли Купер ѝ го ограничуваат пристапот на интернет на нивната ќерка Леа Де Сеин за да ја заштитат од негативните страни на славата. Таа нагласи дека Леа „има многу мал, речиси никаков пристап до интернет“ и дека сака да се фокусира на „заедница, пријателства и давање љубов“.
Шејк рече дека одгледувањето дете „во семејство полно со љубов“ е најважно, и дека ја учат Леа да се сака себеси во свет со „многу стандарди на убавина“ од кои се обидуваат да ја заштитат.
Ирина Шејк и Бредли Купер се во врска од 2015 година, ја добија Леа во март 2017, а се разделија во 2019 година. И покрај раскинувањето, останале во добри односи и заедно ја воспитуваат ќерката.

