Според британските медиуми, принцот Вилијам бил главниот иницијатор во одлуката принц Ендру да се откаже од своите кралски титули, поради долгогодишните скандали поврзани со неговото пријателство со осудениот педофил милијардер Џефри Епстајн.

Кралски експерти наведуваат дека идниот крал е длабоко вознемирен поради контроверзиите го следат неговиот вујко, а според кралската аналитичарка Џени Бонд, Вилијам е „крајно бесен“ и загрижен за иднината на монархијата, објави „Мирор“ денес.

Познато е дека принцот од Велс не е во добри односи со Ендру. На неодамнешниот погреб на војвотката од Кент, Вилијам му го свртел грбот на својот вујко кога овој се обидел да му се приближи.

Иако се верува дека токму Вилијам и кралот Чарлс биле двигатели на одлуката Ендру да ги изгуби титулите, експертите сметаат дека кога Вилијам ќе се искачи на тронот, Ендру би можел да се соочи со уште построги последици поради скандалите што ја засениле британската монархија.

Пред два дена беше објавен нов скандал дека принцот Ендру наводно ги молел своите вработени и пријатели да му најдат девојки и имал посебна преференција кон балерини и русокоси, откри неговиот биограф во новата книга. Ова, според авторот и историчар Ендру Лоуни, понекогаш довело до тоа да спие со жени за кои „дури и не сфатил дека се проститутки“.

Во својата нова книга, насловена: Подемот и падот на Јоркшката куќа, Лоуни пишува дека дури и телохранителите на Ендру, платени од британските даночни обврзници, биле вклучени во оваа мрежа.

„Тој ќе забележеше атрактивна балерина во Кралскиот балет, а потоа ќе го испратеше својот телохранител да ја покани на состанок со него. Други ситуации вклучуваа испраќање помошници да поканат девојки на неговата маса во лондонскиот ноќен клуб „Чајнавајт“ или во неговиот хотелски апартман кога беше во странство“, рече Лоуни.

Авторот, исто така, наведува дека „персоналот на Ендру често барал атрактивни жени да бидат поканети на настани, а приватната секретарка навела дека тој претпочита русокоси“.

Повеќето луѓе не обрнуваат внимание на малите кесички што често доаѓаат со електроника, чевли или облека купена преку интернет. Обично ги фрламе, но тоа е грешка.

Малкумина знаат дека кесичките всушност можат да се користат на голем број паметни начини.

Силика гелот се состои од мали топчиња силициум диоксид кои многу добро ја апсорбираат влагата, под услов периодично да се сушат. Сепак, треба да се чуваат подалеку од дофат на деца, бидејќи е најдобро да се избегнат ситуации каде што малите прсти можат да ги стават кесичките во уста.

Кога мобилен телефон ќе падне во вода, многу е веројатно да се скрши, а ставањето на влажен телефон во чинија со ориз е старомоден трик. Сепак, кесичките со силика гел се многу поефикасни.

Малите топчиња се специјализирани за отстранување на влага, па шансите за спасување на уредот се поголеми – ако е опкружен со силика гел наместо со ориз.

Неколку кесички со силика гел во кутија со стари фотографии можат да направат чуда.

Влажноста што често предизвикува фотографиите да се лепат или избледуваат се апсорбира, одржувајќи ги спомените недопрени.

Старите летни фотографии сè уште можат да ги импресионираат внуците и по 20 години.

Утринските возења честопати носат магла од која е тешко да се ослободите. Неколку кесички со силика гел поставени на шофершајбната можат да помогнат во отстранувањето на влагата и зголемувањето на видливоста.

Ова е особено корисно ако системот за одмаглување на автомобилот не е сосема ефикасен.

Влажната полица во бањата не е идеално место за бричеви. Металот може да ‘рѓоса, а резултатот е неуредно бричење.

Чувањето на бричевите заедно со кесички од силика гел може значително да го продолжи нивниот век на траење.

Среброто може да оксидира и да ја промени бојата кога е изложено на влажен воздух.

Кесичките од силика гел помагаат да се контролира влагата, па затоа семејниот накит и прибор за јадење го задржуваат својот сјај подолго.

Спортската торба често е полна со потни работи и влажни крпи. Силика гелот ја апсорбира влагата и спречува појава на мувла и непријатни мириси.

Неколку кесички во торба можат да направат голема разлика во целиот гардеробер.

Она што започнало како лежерен онлајн шопинг се претворило во кошмар за семејство од Корнвол – барем така тврдат неговите членови.

Кандис Колинс (42) купила кукла што многумина ја нарекуваат „најпроколната во Велика Британија“ – и оттогаш, вели таа, нејзиниот дом никогаш не бил ист, ја пренесува „Мирор“ нејзината приказна.

Русокосата кукла по име Норман, облечена во пругаста кошула, некогаш му припаѓала на Кристијан Хоксфорт, кој ја продал по низа лоши животни настани – апендектомија, сообраќајна несреќа и намалување на платата.

Иако Кандис ги слушнала сите овие приказни, таа одлучила да ја купи куклата за 200 фунти. Како „истражувач на паранормално“, сметала дека Норман ќе биде вреден додаток на нејзината колекција.

Но, од моментот кога куклата пристигнала во јуни 2023 година, Кандис тврди дека нејзиниот живот се превртел наопаку, пишува „Мирор“.

„Штом ја отворив кутијата, собата одеднаш стана ладна, а чувство на депресија и тежина го исполни воздухот. Веднаш знаев дека нешто не е во ред со таа кукла“, рече таа.

Плашејќи се за семејството, таа ја ставила куклата во стаклена кутија со света вода и ја преместила во помошна зграда. Сепак, тврди дека сè уште го чувствува присуството на Норман.

„Моето здравје се влоши. Имам артритис, главоболки и необјасниви модринки. Дури се разбудив и со гребнатини на грбот што изгледаат како траги од канџи. Мојот партнер Ник сега мора да има операција на колкот. Сè оди надолу – како куклата да нè проколнала“, додава Кандис.

Најстрашниот дел, вели таа, се однесува на нејзиниот тригодишен син.

„Ноќе го слушам како разговара со некого и се смее. Во моите соништа чувствувам дека нешто ме напаѓа. Една ноќ дури почувствував дека некој ми ја гризе раката. Еднаш слушнав глас како ме вика по име. Беше злобен, длабок глас. Изгледаше вистински“, тврди Британката.

Кандис верува во натприродното уште од детството. Во нејзината колекција има десетици предмети за кои верува дека имаат „енергија од другата страна“.