Забава
Папата ми рече дека Бог ме прифаќа таков каков што сум, тврди хомосексуалец

Чилеанецот Хуан Карлос Круз, кој бил сексуално злоупотребен од страна на католички свештеник, изјавил за Си-ен-ен дека папата Франциско во приватен разговор му рекол дека Бог го создал како хомосексуалец и дека неговата сексуална ориентација воопшто не е важна.
„Знаеш, Хуан Карлос, тоа воопшто не е важно. Бог те создал таков и Бог те сака таков каков што си. Папата те прифаќа таков каков што си и ти не треба да се грижиш за тоа што другите ќе речат“, изјавил Круз за Си-ен-ен прераскажувајќи го разговорот од средбата што ја остварил со папата во април годинава.
Папата со ваквата лична изјава значајно отстапил од учењата на Римокатоличката црква, која ја смета хомосексуалноста за објективно нарушување и спротивна на божјите закони, информира американската телевизија.
Портпаролот на Ватикан, Грег Бурк, во понеделникот за Си-ен-ен изјавил дека не ги коментира приватните разговори на папата.
Свештеникот што го злоупотребил Круз во младоста, Фернандо Карадима, Ватикан го прогласи за виновен за злоупотреба во 2011 година. Минатиот петок сите бискупи во Чиле му понудија оставка на папата Франциско по тридневниот вонреден самит на кој се разговараше за скандалот со сексуалната злоупотреба во таа земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Актерката помина низ пекол поради Оземпик, а потоа ја откри тајната на својот нов изглед

Познатата комичарка Ејми Шумер објави фотографија на социјалните мрежи за која веројатно никогаш не замислувала дека ќе стане главна тема на сите медиуми.
Ејми ја покажа и својата неверојатна трансформација откако ослабе 13 килограми.
Краток црн фустан во комбинација со високи потпетици совршено ги истакна нејзините долги нозе, а сите други набрзо го забележаа тоа.
„Какви нозе“, „Изгледаш прекрасно, погледни ги тие нозе“, „Лута сум, зошто мора да имаш такви нозе“, „Ти љубоморам“, беа некои од коментарите.
Оваа фотографија доаѓа и откако Ејми призна дека ослабела со помош на апчиња за слабеење, со што стана една од ретките јавни личности кои не се плашеа да ја откријат тајната на својот нов изглед.
„Сакам да бидам искрена со тебе. Го користев лекот Мунџаро и имам добро искуство со него. Пред три години го користев Оземпик, но од него не престанав да повраќам. Бев прикована за кревет, не можев да го поднесам“, рече таа додека гостуваше во шоуто на Хауард Стерн.
фото: принтскрин
Забава
(Фото) Моден спектакл на Џенифер Лопез

Латино дивата Џенифер Лопез нè потсети зошто ги сакаме нејзините смели модни избори, но и зошто со децении се смета за една од најголемите модни икони и најстилски дами на светската јавна сцена.
Во спектакуларен моден аутфит, таа се појави на снимањето на емисијата „Во живо со Кели и Марк“ и веднаш стана центар на вниманието на сите медиуми, а нејзиниот моден избор за оваа пригода испрати порака, по којзнае кој пат, дека е полна со самодоверба и дека навистина е меѓу дамите кои знаат да презентираат необични креации.
Елегантна, жива, дамска, достоинствена, гламурозна, шик… Сето ова ја прави оваа комбинација доминантна, а Џеј Ло вистинска дама со стил.
Познатата пејачка, танчерка и актерка се одлучи за впечатливо миди здолниште со висок струк со заводлив шлиц на задната страна, бела блуза со долги ракави и широк крој со јака и црни елегантни чевли со вртоглава потпетица, кои ги искомбинираше со црна шапка и црни очила за сонце.
За да додаде малку повеќе живост на оваа волшебна комбинација, таа носеше црвена чанта во раката која идеално одговараше на божественото рачно изработено здолниште.
Ја врза косата во ниска опашка и лежерно ги исфрли шишките кои го врамуваа нејзиното лице под шапката, а покрај тоа што весело позираше за собраните фотографи и го привлече вниманието на минувачите во Њујорк, таа обрна внимание и на собраните обожаватели.
фото: принтскрин
Забава
(Фото) Не го крие мускулестото тело по раскинувањето: познатиот актер изгледа подобро од кога било

Актерот Орландо Блум (48) беше виден на улиците на Њујорк кратко по раскинувањето со Кејти Пери. Тој беше во опуштена облека, фотографиран како излегува од теретана, а неговиот изглед веднаш го привлече вниманието.
Носеше спортски комплет, шорцеви и маица, а мускулите на нозете ги привлекуваа погледите на сите минувачи.
Носеше и црна капа, а можеби така се обиде да се скрие од папараците, но без успех.
Орландо Блум тренираше напорно за да изгледа вака во минатото, а сето тоа беше за потребите на филмот „The Cut“ во кој игра ирски боксер.
Во секој случај, Блум изгледа подобро од кога било иако штотуку раскина со десетгодишната врска. Тој има и ќерка со Кејти Пери, а поранешната двојка нагласи дека детето им е најважно и дека останале во пријателски односи поради неа.
фото: принтскрин