Забава
Петте најдобри серии на „Нетфликс“ во моментов
Се чини како секојдневно да се будиме со нови оригинални серии на „Нетфликс“. Сепак, колку од нив се навистина одлични, а колку, пак, се на платформата само за да пополнат место?
Поради овие причини, направивме една листа со најдоброто од „Нетфликс“.
Chilling Adventures of Sabrina

Оваа серија е еден вид на „спиноф“ од хит-серијата Riverdale, а мрачниот и досетлив хумор додава хорор елементи и феноменална шеговитост. Ѕвездата на серијата, Кирнан Шипка, со својата изведба и харизма ги освои филмските критичари. Серијалот е прецизно испланиран, а настаните се развиваат постојано низ целата сезона, без избрзување.
The Crown

Со само две сезони на Нетфликс, оваа серија веќе влегува во категоријата на најпопуларни и највисоко рангирани серии. Серијалот ја обработува приказната за животот на кралицата Елизабета II, од времето кога таа била принцеза, нејзината свадба во 1947, па се до сегашноста. Клер Фој освои бројни комплименти за нејзиниот перформанс како легендарната кралица, како и Мет Смит, кој ја толкува улогата на Филип, војводата од Единбург. Главно, актерската двојка доби пофалби за нивната ненаметлива хемија, која на овие историски ликови им дава посебна нота на човечност, па дури и симпатија, карактеристики по кои Елизабета и Филип не се познати.
Russian Doll

Познато е дека жените ретко добиваат улоги во кои тие може да бидат мрзливи, безобразни, па дури и одвратни, оти истите најчесто се пишувани за мажи. За среќа, Наташа Лион во серијата Russian Doll покажа дека овие правила може и да се прекршат. Ова е една почудните серијали на Нетфликс, но не би сакале да ви го расипеме главниот заплет. Но да речеме дека е многу интересен сплет од класична и модерна комедија.
Love, Death and Robots

Може да речеме дека еден од предусловите за Нетфликс шоу е мрачен хумор и доза насилство, па ако е тоа ваш стил, тогаш Love, Death and Robots е токму за вас. Серијалот има посебна естетика, па визуелно нема да ви биде здодевно во ниеден момент.
Stranger Things

Делумно Стивен Спилберг, делумно Стивен Кинг, Stranger Things е мешавина од научна фантастика и хорор во стилот на 80-тите кој вреди да се гледа. По исчезнувањето на Вил Баерс (Ноа Шнап), неговите другари, семејство и еден загрижен шериф се обидуваат да го пронајдат. Мистеријата станува почудна кога се појавува девојчето Илевен (Мили Боби Браун). Втората сезона е уште помистериозна, со нови ликови и откачени специјални ефекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Интервју за работа по рецепт на Стив Џобс: една прошетка, едно пиво и многу искреност
Сосновачот на „Епл“, Стив Џобс, бил познат по своите неконвенционални методи и високите стандарди при избор на вработени. Наместо класични интервјуа, тој често ги носел кандидатите на прошетка или на пиво за да види какви се во опуштена атмосфера.
Неговата цел била да ги запознае луѓето подлабоко, поставувајќи едноставни, но значајни прашања како: „Што направивте минатото лето?“ или „Кога последен пат постигнавте нешто важно?“.
Џобс не барал точни одговори, туку карактер и начин на размислување. Верувал дека успехот доаѓа од „А-играчи“ – најдобрите професионалци кои се мотивирани и сакаат да соработуваат со луѓе на своето ниво.
Со таков тим, Џобс создаде уреди што ја променија технологијата – iPod, iPhone и iPad – и остави трајно наследство по својата смрт во 2011 година.
Забава
(Видео) Кети Пери и Џастин Трудо ја потврдија својата врска со романтичен состанок во Париз
Кети Пери и Џастин Трудо официјално ја потврдија својата врска и решија да ги прекинат гласините со романтичен состанок во Париз. Двојката беше видена како се држи за раце во саботата навечер на забавата по повод 41-виот роденден на познатата пејачка.
Според видео објавено од „ТМЗ“, го прославија роденденот на пејачката во Париз. Пери блескаше во тесен црвен фустан, додека насмеано се држеше за раце со поранешниот канадски премиер пред познатото кабаре „Крејзи Хорс“. Обожавателите и фотографите ги поздравија кога го напуштија театарот, а двојката, не криејќи ја својата љубов, се упати кон автомобилот што ги чекаше.
Ова заедничко излегување доаѓа само еден ден откако извори открија за „УС Викли“ дека пејачката е „навистина заинтересирана“ за врска со Трудо.
„Кети е навистина заинтересирана за тоа. Таа е многу среќна“, рече изворот.
„Тој се обидува да го држи тоа во тивка атмосфера и поминале многу приватно време заедно. Не сака јавно да зборува за оваа врска.“ Истиот извор додава дека нивните пријатели мислат дека се добар пар, иако Трудо сè уште не се запознал со многумина од нејзиното друштво. Гласините за нивната романса првпат се појавија во јули, кога беа видени на вечера во Монтреал.
Романсата доаѓа откако Пери ја заврши долгогодишната свршувачка со актерот Орландо Блум, со кого ја има петгодишната ќерка Дејзи Дав, претходно оваа година. Нивните претставници потврдија во јули дека одлучиле да се фокусираат на заедничко родителство.
Од друга страна, Џастин Трудо објави во 2023 година дека по 18 години брак, се разведува од сопругата Софи Грегоар, со која има три деца. Трудо беше премиер на Канада од 2015 до март 2025 година.
Фото: Принтскрин од видео „ТМЗ“
Забава
Карма според датумот на раѓање: духовни лекции што треба да ги совладате
Според астрологијата и нумерологијата, датумот на раѓање ја открива вашата кaрмичка мисија – животните лекции што душата ги учи за духовен раст.
Родени 1, 10, 19, 28 – Карма на независност и водство
Под влијание на Сонцето, треба да научите самостојност и скромност. Добрата карма доаѓа кога инспирирате други, а не кога доминирате.
Родени 2, 11, 20, 29 – Карма на сочувство и емоционална рамнотежа
Под Месечината, тука сте да развиете емпатија и да верувате во својата интуиција. Балансот доаѓа кога негувате, а не кога им угодувате на сите.
Родени 3, 12, 21, 30 – Карма на изразување и комуникација
Водени од Меркур, треба да ја користите моќта на зборовите за позитивност и поврзување, избегнувајќи трачеви и површност.
Родени 4, 13, 22, 31 – Карма на стабилност и труд
Вашиот пат е дисциплина и одговорност. Успехот доаѓа преку посветеност, не преку материјални добра.
Родени 5, 14, 23 – Карма на слобода и флексибилност
Животот ве учи да се прилагодувате и да не се плашите од промени. Вистинската сила е во прифаќањето на трансформацијата.
Родени 6, 15, 24 – Карма на љубов и одговорност
Под Вeнерата, треба да ги негувате другите и да научите да давате без да се исцрпувате.
Родени 7, 16, 25 – Карма на духовно будење и вистина
Нептун ве води кон интроспекција и вера. Игнорирањето на интуицијата носи немир.
Родени 8, 17, 26 – Карма на моќ и материјално мајсторство
Со влијание на Сатурн, тука сте да градите успех со интегритет, не со его.
Родени 9, 18, 27 – Карма на страст и цел
Под Марс, треба да ја насочите силата и амбицијата кон создавање, а не контрола.

