Забава
„Пипл“: Ова се личности на годината
„Пипл“ им оддава почит на Квинта Брансон, Џенифер Хадсон, Мила Кунис и Метју Меконахи за инспиративната работа што ја направија оваа година.
Во едиторијалот главната уредничка на угледниот магазин, Венди Нагл, пишува: „Најхраброто нешто што можеме да го направиме? Да помагаме“.
„Размислував многу за тоа што инспирира некого да преземе акција, да ги донира своето време, пари и страст за некоја кауза, да направи нешто повеќе од твит или објава на ‘Инстаграм’. Тоа ми беше на ум затоа што се чини дека на светот му треба нашата помош повеќе од кога и да е, а исто така и затоа што луѓето што ги славиме во ова издание не се двоумеа да го дочекаат моментот. Не прашаа зошто баш јас, ниту чекаа дозвола ниту се заглавија во сомнеж во себе. Тие, едноставно, се фатија за работа“, стои во текстот на главната уредничка.
Таа воедно објави листа на познати личности за кои смета дека ја заслужуваат титулата личност на годината, а на неа има еден маж и три жени.
Актерот Метју Меконахи, актерката Мила Кунис, добитничката на „Еми“, Квинта Брансон, и пејачката Џенифер Хадсон се истакнаа по својата хуманитарна работа и несебичното помагање на другите во изминатата година.
Метју Меконахи
„Кога во родниот град на Метју Меконахи имаше вооружен напад врз училиште минатиот мај, при што настрадаа 19 деца и двајца вработени во училиштето, актерот и неговата сопруга Камила бргу се вратија во гратчето Увалде“.
„Тие немаа план: само почнаа да разговараат со семејствата на жртвите и веднаш видоа колку родителите сакаат животот на нивните деца да биде важен. Со цел да иницира реформи за поседување оружје, двајцата презентираа предлози до американскиот Конгрес да усвои нацрт-закон за ограничување на пристапот до оружје. Еден месец подоцна, законот беше усвоен“, пишува „Пипл“.
Квинта Брансон
Добитничката на „Еми“, Квинта Брансон, е одговорна за документарната серија Abbott Elementary. Таа сакаше да создаде серија што ќе го премости генерацискиот јаз и ќе ги насмее неа и нејзините родители и баба и дедо на истите шеги. „Важноста да се смееме и да се смееме заедно за исти работи е исцелување. Нема ништо поубаво од тоа бидејќи така се градат и зајакнуваат односите меѓу луѓето“, вели таа.
Џенифер Хадсон
Со нејзиното ново ток-шоу мисијата на Џенифер Хадсон беше да создаде платформа за секого, за сите да имаме место каде што се чувствуваат вклучени. Џенифер го почна шоуто откако стана најмладата жена што го постигнала статусот ЕГОТ (добитник „Еми“, „Греми“, „Оскар“ и „Тони“) на 41-годишна возраст.
Мила Кунис
По руската инвазија на Украина, актерката Мила Кунис веднаш реши да им помогне на унесреќените луѓе во својата родна земја.
„Бидејќи сум од Украина, моите пријатели почнаа да ме прашуваат со кого можам да контактирам за донации и веднаш знаев дека морам да помогнам“. Незнаењето од каде да почне не ја забави: „Немавме решение, па создадовме“. До денес има собрано 37 милиони долари за бегалци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Четири хороскопски знаци во кои се раѓаат најголемите хипохондрици на зодијакот
Здравјето е важно за секого, но има хороскопски знаци кои го сфаќаат малку посериозно отколку што е потребно. За нив и најмала промена на телото е причина за темелно пребарување на интернет и итно посета на лекар. Тие знаат сè за симптомите кои дури и лекарите не можат да ги препознаат и се опседнати со одржување на совршено здравје, дури и кога ништо не е во ред со нив.
Девица
Девицата е вистинскиот хипохондрик на зодијакот. Таа е перфекционист во сè, вклучувајќи го и здравјето. Девицата не може да поднесе неизвесност кога е во прашање сопственото тело. Ако почувствува и најмал убод, веќе е на телефон и закажува состанок. Девицата ги знае сите медицински термини, има организирано досие со нивните медицински наоди, а често има и мини аптека дома.
Овој знак сака да има контрола над се, а здравјето е област каде што не поднесува непредвидливост. Нивните умови неуморно го анализираат секој симптом, често создавајќи проблем таму каде што го нема. Ако познавате Девица, знајте дека тие ќе се смират со конкретни информации. Наместо „Сигурен сум дека се е во ред“, кажете: „Проверив и ништо не укажува на сериозен проблем“.
Рак
Раковите се многу емотивни и поврзани со своето семејство, па нивната хипохондрија често доаѓа од страв за сопствената безбедност и безбедноста на нивните најблиски. Ракот не бара само симптоми во себе, туку и кај членовите на семејството, бидејќи е незамисливо да пропуштат нешто. Нивната грижа за здравјето оди рака под рака со нивната потреба да ги заштитат сите околу нив.
Чувствителната природа и склоноста на Ракот да се грижи ги прави склони кон претерување кога станува збор за здравјето. Не им е доволно да слушнат дека се е во ред, им треба доказ. Ако Ракот е во паника поради неговото здравје, пружете му емотивна поддршка и бидете подготвени за долги разговори за се што го мачи.
Риби
Рибите се знакот со најбогата имагинација, што ги прави исклучително склони кон хипохондрија. Една главоболка за Рибите е потенцијален знак за сериозен проблем. Нивната интуиција постојано им шепоти дека нешто не е во ред, а честопати и лекарскиот преглед не им е доволен.
Нивната чувствителност и склоност да ги замислуваат најлошите можни сценарија често ги вовлекува во вител од непотребни грижи. Рибите едноставно не можат да ја игнорира ниту најмалата промена во нивното тело. Уверете ги Рибите нежно и смирено, со емпатија. Не обидувајте се да ги убедите со сурови факти, бидејќи тоа може да им го зголеми стресот.
Близнаци
Близнаците не се типични хипохондрици во смисла на паника, но нивниот немирен ум ги тера да анализираат се што ќе прочитаат за здравјето и веднаш да го поврзат со сопствените симптоми. Тие се истражувачи на Зодијакот и секогаш се во тек со најновите медицински откритија. Проблем? Нивната склоност да бараат информации лесно може да ги убеди дека го имаат сето тоа.
Нивната потреба за информации ги тера да станат опседнати со здравјето. Наместо да се смират по читањето, тие често заклучуваат дека треба да истражуваат уште подлабоко и на тој начин влегуваат во бескраен циклус на грижи. Помогнете му на Близнаците да филтрираат информации и избегнувајте несигурни извори. Ќе се смират ако им докажете дека нема причина за грижа.
Забава
(Видео) Ретка снимка од Меланија Трамп како зборува словенечки стана вирална
Меланија Трамп повторно стана прва дама на САД. По инаугурацијата на нејзиниот сопруг Доналд Трамп, ретко видео на кое Меланија зборува словенечки стана вирално на „Тик ток“.
Водителот ја праша дали мисли дека за успехот е потребна среќа, на што Меланија одговорила: „Мислам дека е така, среќата е да се биде на вистинското место во вистинско време“.
Melania Trump speaking Slovenian pic.twitter.com/vmiPrTm05Z
— FLOTUS Report (@MELANIAJTRUMP) January 22, 2025
Во коментарите беше откриено дека ова интервју е од 2000 година, а објавено е во словенечки документарец во 2022 година.
Под видеото се појавија мноштво коментари, особено од луѓе од Балканот.
Забава
(Видео) Како се менуваа технолошките милијардери со текот на годините: од слаб инженер во мускулест џетсетер
Изгледа дека да се биде технолошки милијардер е многу повеќе од само водење компанија – сега треба да изгледате како акционен херој, да учествувате во екстремни спортови или да тренирате како да се подготвувате за борба во кафез. И тогаш ќе завршите на инаугурацијата на американскиот претседател.
Џеф Безос се трансформира од тивок „гик“ во набилдан ќелав човек, а Марк Цукерберг денес изгледа како секој момент дека ќе почне да рапува. Дали се работи за криза на средните години или е само нов тренд кај богатите.
Но, тешко е да не се забележат физичките промени кај Безос, Маск и Цукерберг во текот на годините…
Џеф Безос
Основачот на „Амазон“, Џеф Безос, ја почна својата кариера во финансии пред да отвори онлајн-книжарница од гаража во 1994 година. „Амазон“ денес е глобален гигант во е-трговија, а Безос е еден од најбогатите луѓе во светот.
View this post on Instagram
Тој се повлече од функцијата извршен директор во 2021 година фокусирајќи се на вселенскиот сектор со „Блу ориџин“. Во меѓувреме, неговиот приватен живот стана тема на таблоидите.
По 25 години брак, Безос се разведе од Мекензи Скот во 2019 година, што резултира со еден од најскапите разводи во историјата. Набргу почна врска со Лорен Санчез, поранешна новинарка, со која ја споделува љубовта кон патувањата, луксузните јахти и вселенските амбиции.
View this post on Instagram
Тема на дискусија стана и неговиот физички изглед – од слаб инженер се трансформира во мускулест џетсетер. Тој често е виден на гламурозни забави и авантуристички патувања далеку од имиџот на поранешниот деловен визионер.
Марк Цукерберг
Марк Цукерберг, основачот на „Фејсбук“ (сега „Мета“), направи револуција во начинот на кој комуницираме. Тој го основа „Фејсбук“ во 2004 година од студентска соба на „Харвард“, а денес „Мета“ води проекти што се движат од виртуелна реалност до вештачка интелигенција. Во слободното време Цукерберг се посвети на џиу-џицу и нуркање со харпун.
View this post on Instagram
Цукерберг 11 години е во брак со Присила Чан, со која има три ќерки. Нивниот живот, иако поприватен од тие на Маск и Безос, често се претставува како балансиран и фокусиран на семејството.
View this post on Instagram
Двојката е коосновач на Фондацијата „Чан – Цукерберг“, која финансира проекти во здравството и образованието.
View this post on Instagram
Сепак, трансформацијата на Марк во спортски тип привлече внимание – од освојување медали на натпревари во џиу-џицу до споделување фотографии од нуркање и тренинзи.
View this post on Instagram
View this post on Instagram
Илон Маск
Илон Маск стои зад „Тесла“ и „Спејс икс“. Тој е познат по своите амбициозни планови за електрични возила, обновливи извори на енергија и колонизација на Марс. Неодамна стана сопственик на социјалната мрежа „Икс“ (поранешен „Твитер“) и е близок соработник на Доналд Трамп.
Личниот живот на Маск е често хаотичен и исто толку драматичен како и неговите деловни одлуки. Тој има 11 деца од три жени, меѓу кои и пејачката Грајмс и поранешната сопруга Џастин Маск. Маск исто така ги користи своите објави на „Твитер/Икс“ за јавно да разговара за сè, од политика до лични расправии, со што приватниот живот му е неразделен од неговиот деловен бренд.
Пијан маж избол во вратот 22-годишна девојка: Обид за убиство во Крива Паланка
Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано...
Туск повика на вооружување на Европа: „Времето на удобност заврши“
Полскиот премиер Доналд Туск изјави дека „времето на удобност е завршено“ за Европската унија и повика на значително повисоки распределби...
Тошковски: Неоспорно е дека полицаецот не погледнува во мониторот и му дозволува на Груби да излезе, се води постапка дали има други вмешани
Бегалецот Артан Груби, поранешен министер и вицепремиер, сè уште не е достапен за македонската полиција. Министерот за внатрешни работи Панче...
СДСМ: Мицкоски немал ниту официјална покана за инаугурацијата на Трамп, ниту бил дел од неа
Патувањето на премиерот Мицкоски во САД требаше да биде дипломатска мисија од висок ранг, но се претвори во евтина ПР...
„’Влен’ не се залага за внуци“: Дрин Ахмети бил повикан од Обвинителството
„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за...
Покрај унифицирани регистарски таблички, потребни се и санкции за оние што ги злоупотребуваат службените возила за приватни цели, велат од ЛДП
Либерално-демократската партија (ЛДП), во август минатата година предложи сите службени возила да бидат видливо и јасно обележани со иста боја,...
Кичево загадено два дена по ред: се забранува горење на отворено, порепорака за ослободување од работа на ризичните групи
Воведени се мерки во Кичево поради загадувањето на воздухот, откако во изминатите два дена беше надминат прагот на алармирање на суспендирани...
Финансиската полиција поднесе кривична против бизнисмен, го оштетил буџетот на државата за 11 милиони денари
Управата за финансиска полиција, до Oсновното јавно обвинителство Скопје поднесе кривична пријава против А.Б.Г во својство на сопственик и управител...
„Срамен чин на манипулација со државни пари, Обвинителството да реагира“, бара ДУИ
„Во чин без преседан на манипулација и измама, претставниците на коалиција Вреди повторно покажаа дека суштината на целата коалиција е...
(Видео) Зеленски ги критикува европските лидери: „Дали Трамп воопшто ќе ве забележи?“
Украинскиот претседател Володимир Зеленски ги предупреди европските лидери дека Доналд Трамп ќе ги игнорира доколку континентот не се грижи повеќе...
На поздравот на Маск реагира германскиот канцелар, Маск одговори: Срам да ти е, Оаф Шиц
Бројни јавни личности ширум Европа изразија гнев поради гестот на Илон Маск, кој потсетуваше на нацистички поздрав. Додека некои го...
Трамп: Ќе воведам царини за ЕУ и Кина
Американскиот претседател Доналд Трамп вети дека ќе воведе царини за Европската унија. Трамп рече дека ЕУ и другите земји имаат...
Гувернерот на Флорида во официјален документ Мексиканскиот Залив го нарече Американски Залив
Според иницијативата на новиот претседател Доналд Трамп, гувернерот на американската сојузна држава Флорида го нарече Мексиканскиот Залив „Американскиот Залив“ во...
Веднаш по враќањето од Вашингтон, Мицкоски ќе преговара за зголемување на платите на административците што протестираа, вели Трендафилов
Владата ја прифати подадената рака од Синдикатот на вработените во управата, правосудните органи и здруженијата на граѓаните (УПОЗ), кој побара...
И со намалени цени минималната кошничка за јануари е поголема за 391 денар, за преживување на четворица потребни се 62.861 денар
Вредноста на минималната синдикална кошничка што ја пресметува Сојузот на синдикатите на Македонија (ССМ) за јануари изнесува 63.252 денара или...
Становите што државата ги гради во Битола ќе се продаваат за 1.000 евра за квадрат
На денешната владина седница донесена е одлука со која становите што ги гради Јавното претпријатие за станбен и деловен простор...
Речиси 170 жени годишно заболуваат од рак на грлото на матката во Македонија
Во Македонија се забележува дека бројот на нови случаи за 2022 година со рак на грлото на матка изнесува 173,...
Ученик од шесто одделение паднал од третиот кат од прозорец во прилепско училиште
Ученик во шесто одделение се здобил со повреди при пад преку прозорец од третиот кат на училиштето „Гоце Делчев“ во...
Пациентите на Онкологија останаа без биолошката терапија, СДСМ повика итно да бидат преземени мерки
Пациенти на Клиниката за радиотерапија и онкологија останаа без биолошката терапија. По тој повод се огласи опозицискиот СДСМ, од каде...
Трамп нареди да им се одземе државјанството на децата на илегалните имигранти; активистите го тужеа
Застапниците за правата на имигрантите и застапниците на граѓанските права, вклучително и Американската унија за граѓански слободи, поднесоа тужба со...
