Забава
Познатата актерка од „Бевели Хилс“ доживеа целосен колапс: банкротира, војуваше со мајка си за пари, сопругот ја изневеруваше
Актерката Тори Спелинг е родена на 16 мај 1973 година во Лос Анџелес, а нејзин татко е познатиот филмски и телевизиски продуцент, Арон Спелинг.
Тори гостуваше во многу серии создадени од татко ѝ, а некои од нив се: The Love Boat, Hotel и Fantasy Island. За неа често се вели дека е „вистински пример за холивудски непотизам“ и дека „никогаш немаше да ја изгради својата кариера доколку не беше татко ѝ“.
Спелинг се прослави со улогата на Дона во познатата серија „Беверли Хилс 90210“.
Навикната да живее и да ужива во изобилство, Тори во еден момент малку го изгубила компасот и се довела до банкрот.
Имено, по улогата во серијата „Беверли Хилс“, која ја снимаше 10 години, таа имаше проблеми со наоѓање нова работа, а потоа неколкупати беше тужена поради неисплатени кредити.
Како што призна и самата во своите мемоари Spelling It Like It Is, актерката имала финансиски проблеми и „изгубила милиони со текот на времето“.
Дека нешто не е во ред со нејзините финансии, говори и фактот што во еден момент таа наплаќала 95 долари за дружење со своите фанови на интернет. Главната причина за ваквата одлука била тоа што таа морала да собира средства за да ги врати долговите кон „Американ експрес“, но и да плаќа данок кон државата.
Како што пренесуваат странските медиуми, таа се задолжила со 88.731 долар, а компанијта „Американ експрес“ поднела две посебни тужби против неа уште во 2016 година.
Според извештаите, едната тужба е за 88.000 долари, а другата е за 38.000 долари. Сепак, не се знае уште колку пари ѝ должи Тори на оваа компанија, но во април годинава од својата банкарска сметка извадила огромна сума пари за да исплати дел од долговите.
Исто така, Сити националната банка тврдеше дека Тори и нејзиниот тогашен сопруг, Дин Мекдермот, им должеле речиси 189.000 долари, а должеле и 282.000 долари данок на државата Калифорнија, открил извор близок на актерката.
„Дури и кога се обидувам да прифатам поедноставен начин на живеење, не можам да се откажам од мојот вкус за мода и многу скапи работи“, рече Тори еднаш.
Внимание привлече и нејзиниот турбулентен однос со мајка ѝ.
„Јас ја сакам мајка ми, мајка ми ме сака, но ние немаме едноставна врска“. „Мислам дека никогаш нема да имаме, но повеќе би сакала да имам комплицирана врска полна со недоразбирања отколку никаква“, изјави актерката.
Колку е лош нивниот однос говори и податокот дека Тори на денот на смртта на татко ѝ воопшто не се слушнала со мајка си, туку тажната вест ја дознала од имејлот што ѝ го испратил пријател.
Мајка ѝ Кенди подоцна отворено проговори за екстравагантното трошење на ќерка си и дека тоа е главната причина поради која нејзиниот покоен татко ѝ оставил само симболична сума пари во тестаментот со оглед на можностите.
„Таа би ја затворила продавницата и би оставила во неа од 50.000 до 60.000 долари. Никогаш не сум направила такво нешто“, рече Кенди за својата ќерка.
Најголем дел од богатството на покојниот Арон Спелинг отиде кај Кенди, а таа финансиски ѝ помага на ќерка си кога се во добри односи. Поради ова, двете постојано влегувале во конфликт.
Спелинг се најде во центарот на скандал кога се дозна дека нејзиниот сопруг ја изневерува.
Двојката се запознала во 2005 година на снимањето на филмот Mind Over Murder уште додека и двајцата биле во брак, но набргу ѝ подлегнале на меѓусебната привлечност и ги изневерувале своите сопружници.
„Тоа беше љубов на прв поглед“, рече еднаш Мекдермот.
Тие се венчаа во 2006 година и заедно имаат пет деца.
Во 2013 година Дин беше фатен во скандал со прељуба, што го оштети неговиот брак со Тори, а тој потоа побара помош за неговата зависност од секс.
Во 2014 година актерот во документарната серија „Вистинската Тори“ изјави дека ја изневерувал Спелинг, а таа подоцна се пожали дека нивните деца биле вознемирени од информациите за тоа на интернет.
Актерката не изгледаше шокирана од прељубата, но рече дека има разбирање бидејќи нивната врска почнала со изневерување бидејќи и двајцата биле во брак кога спиеле заедно.
Двојката мораше да се справи и со финансиските проблеми за кои таа рече дека се нивна вина поради лошите одлуки. Покрај тоа, Тори еднаш се бореше со зависноста од алкохол и дрога, а за време на третата бременост се заби со автомобилот во училиште и го обвини печатот за тоа.
Тори извесно време не носеше бурма, а нејзиниот сопруг постојано отсуствуваше од нејзините фотографии на „Инстаграм“. Ова поттикна шпекулации за проблеми во нивната врска.
Шпекулациите за разводот почнаа веќе на крајот на 2021 година, но на почетокот на минатата година парот беше снимен на романтичен состанок за Денот на вљубените кога уживаа на вечера во ресторан и беа фатени како си разменуваат нежности.
Сепак, Дин минатата година на својот „Инстаграм“ потврди дека на нивниот брак, дефинитивно, му дојде крајот. Тој објави порака во која објасни дека тој и Тори одлучиле да стават крај на љубовта и истакна дека ќе останат во добри односи.
„Со голема тага објавувам дека по 18 години и пет неверојатни деца, Тори Спелинг и јас решивме да тргнеме по својот пат и да почнеме ново свое патување. Ќе продолжиме да работиме заедно како љубезни родители за да ги водиме и сакаме нашите деца во овој тежок период. Ве молиме сите да ја почитувате нашата приватност додека го одвојуваме ова време да го опкружиме нашето семејство со љубов и да го пребродиме ова. Ви благодариме на сите за поддршката и добрината“, напиша Дин Мекдермот на својот „Инстаграм“.
Тори и Дин дури се појавија во неколку реални шоуа и ја продадоа својата интимност за да се извлечат од финансиските проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Објавен трејлерот за втората сезона на шоуто на Меган Маркл
„Нетфликс“ објави трејлер за втората сезона на „Со љубов, Меган“, еден ден откако принцот Хари и Меган Маркл објавија дека го обновиле договорот со платформата за стриминг.
Објавата, која Меган ја сподели и на својот Инстаграм профил, откри дека следната епизода на „Со љубов, Меган“ ќе се емитува за две недели, на 26 август.
Трејлерот, како што се очекуваше, ја прикажува Меган како готви, пече, служи пијалоци и ги пречекува познатите личности.
„Ми се допаѓа идејата само да поминуваме време заедно… и да наоѓаме нови начини да им покажеме на луѓето дека ни е грижа“, вели Меган во трејлерот.
Синопсисот за втората сезона гласи: „Меган се враќа со забавна и трогателна нова сезона, пречекувајќи познати готвачи, талентирани уметници и сакани пријатели на практични авантури исполнети со смеа и откритија.“
Меѓу гостите во емисијата ќе биде блискиот пријател и шминкер на Меган, Даниел Мартин, кој се појави во првата епизода од првата сезона, како и основачката на Pilates Platinum, Хедер Дорак, и коосновачот на IT Cosmetics, Џејми Керн Лима.
Други гости ќе бидат моделот Криси Тајген, готвачите Хозе Андрес, Дејвид Чанг, Кристина Тоси и Клер Смит, британскиот автор Џеј Шети, јутјуберот Ради Девлукија и други.
Новата сезона ќе содржи осум епизоди кои се долги околу половина час.
Лоши критики за првата сезона
Првата сезона од емисијата не беше особено добро прифатена од гледачите, според критиките. Серијата има оценка од 3,2 од 10 на IMDb и оценка од 38% на Rotten Tomatoes.
Британските медиуми беа особено критични кон емисијата. Независната критичарка Кејти Росеински ѝ даде на емисијата една ѕвезда од можни пет. Таа ја нарече емисијата „неподнослива и исцрпувачка“.
Критичарот на „Гардијан“, Стјуарт Херитиџ, ја нарече емисијата безвкусна и „трето разочарување по ред“ што Меган и Хари го продуцираа за Нетфликс.
Некои публикации беа помалку остри во своите рецензии, вклучувајќи го и „Харперс Базар“, кој рече дека емисијата ја прикажува Маркл како се враќа „кон своите корени“, осврнувајќи се на нејзиниот блог за животен стил „Тиг“, кој го водеше од 2014 до 2017 година. Тие додадоа дека емисијата воспоставува „фина рамнотежа помеѓу пријателскиот животен стил на воајеризмот“.
Забава
(Видео) Антониа Гиговска заведува во новиот спот за песната „Специјалиста“
Антониа Гиговска ја објави новата песна „Специјалиста“ заедно со видео-спот.
„Слушајте ја и вие што сте скршиле срце некому, а и оние на кои ви било скршено срцето, ама никогаш не заборавајте дека љубовта победува се, па и да ви се скршат, и да боли, вреди нели?“, напиша таа на социјалните мрежи.
Музиката и аранжманот се на Лазар Цветкоски, кој заедно со Магдалена Ена го потпишува и текстот. Режисер на спотот е Даниел Јовески.
Забава
Ги дочекаа „своите 5 минути“: есента 2025 им ги носи најубавите промени
За три хороскопски знаци, оваа есен ќе биде многу повеќе од прекрасни глетки и топли пијалоци. Планетарното порамнување им дава ветер на грб, отвора можности и ги поканува да зачекорат во своето време.
Некои хороскопски знаци можеби ќе се чувствуваат особено благословени оваа есен, но пораката важи за сите: она што го нарекуваме „добро време“ е често само момент во кој сме подготвени да го примиме она што универзумот ни го испраќа веќе некој период.
Близнаци
Близнаци, оваа есен не ги набљудувате настаните од страна – вие сте во центарот на нивните случувања. По лето полно со движење и интензивни искуства, ќе почувствувате дека површните средби повеќе не ви значат многу. Ќе барате подлабоки разговори, појасни идеи и проекти што навистина ве исполнуваат.
Меркур, вашата владејачка планета, е во поволни односи со Јупитер и Уран, па ќе забележите дека вашите мисли ви доаѓаат побрзо, а плановите полесно се склопуваат од вообичаено. Она што претходно беше само нејасна идеја, сега добива форма и структура.
Уран, кој се движи низ вашиот знак од летото, дополнително ја буди вашата креативност и носи идеи што се издвојуваат од обичното. Јупитер во Рак внесува топлина во вашата комуникација, па логиката и емоциите конечно ќе се надополнуваат убаво.
Ќе забележите нова длабочина во вашите врски. Ако сте слободни, постои можност да сретнете некој што ќе ве разбере на начин што оди подалеку од зборовите. Ако сте во врска, разговорите ќе станат поотворени, поискрени, а времето поминато заедно ќе биде поисполнето.
Ќе почувствувате и хармонија во вашата работа. Ќе се појават можности што ќе ве мотивираат да ги користите вашите таленти, без разлика дали станува збор за пишување, зборување или создавање нешто сосема ново. Есента ви носи чувство дека конечно го правите она што го сакате – и дека има смисла.
Најповолни периоди: 15-22 септември, 3-10 октомври и 18-25 ноември.
Девица
За Девицата, ова е сезона кога сè што сте граделе со години почнува да дава плод. Додека другите забавуваат, вие чувствувате наплив на енергија. Со години бевте тивка сила што ги држеше работите под контрола, а сега конечно е јасно колку всушност сте постигнале.
Јупитер ви носи посмирен поглед на себе. Наместо да барате грешки, почнувате да забележувате лични успеси. Меркур ги расчистува комуникациските канали – нерешените ситуации сега се решени, а очекуваните одговори доаѓаат токму кога е потребно.
Во љубовта, се оддалечувате од прекумерната анализа и си дозволувате едноставно да бидете присутни. Ако сте во врска, ова ќе донесе поголема нежност и поврзаност. Ако сте слободни, љубовта би можела да се појави во моменти кога сте целосно сами и опуштени.
На работа, вашата сигурност ќе се истакне уште повеќе. Луѓето ќе ви веруваат и ќе ви понудат можности што можеби не ви биле достапни претходно. Можеби ќе одлучите и да тргнете по свој пат, особено на работни места што вклучуваат советување или помагање на другите.
Најповолни периоди: 1–8 септември, 12–19 октомври и 2–9 ноември.
Шкорпија
Шкорпија, есента отсекогаш го имала вашиот тон – длабок, интензивен и малку мистичен. Но, 2025 година носи нешто посебно. Овој пат, енергијата на сезоната не само што одговара на вашата природа, туку и ја подобрува, давајќи ви чувство дека сте целосно на свој терен.
Она што долго време се криело во вас сега излегува на површина, не како болка, туку како сила. Вашите инстинкти стануваат остри, речиси непогрешливи. Ја препознавате вистината и, без зборови, чувствувате што ве храни, а што повеќе не ви припаѓа. Сè што некогаш ве спречувало, сега се трансформира во искуство што ве обликува и ве овластува.
Плутон, вашиот владетел, е во поволни односи со Нептун и Марс. Оваа комбинација носи храброст, емоционална длабочина и јасност. Промените што доаѓаат не ги доживувате како закана, туку како можност. Подготвени сте да се откажете од верувањата, шемите или врските што го изгубиле своето значење и наместо тоа да изградите нешто што е во согласност со вашата вистина.
Оваа есен, вашиот магнетизам ќе биде посилен од кога било. Луѓето ќе сакаат да ве запознаат подобро токму поради вашата сложеност. Во љубовта, работите ќе се кристализираат – врските што имаат основа ќе станат уште посилни, а оние што не функционираат ќе завршат без драма. Ако сте слободни, постои можност во вашиот живот да влезе личност што ја гледа вашата длабочина и сака да ја истражи.
Во работата, ќе се фокусирате на проекти што имаат значење и тежина. Ова може да биде работа во областа на лекувањето, истражувањето, психологијата или било што што ги трансформира другите луѓе. Повеќе не барате одобрување – сега е важно она што го правите да биде автентично и поврзано со вашиот повик.
Најповолни периоди: 28 октомври, 4 ноември, 11-18 ноември и 1-8 декември.
фото: принтскрин
Уапсен скопјанец, фрлал камења кон полициски хеликоптер додека полнел вода за гасење пожар
Вчера вечер, во 18:55 часот, полициски службеници од ПС Карпош го лишија од слобода И.А. (55) од Скопје поради сомнение...
ЦУК: Изгаснати 28, активни се три пожари
До 08:00 часот, на територијата на Македонија имаше вкупно 33 пожари на отворен простор, од кои активни се три пожари,...
Комисија на СЗО: Топлотните бранови повеќе не се климатска закана, туку здравствена криза
Екстремните временски услови што ја засегаат Европа и Централна Азија повеќе не се само климатска закана, туку и сериозен проблем...
Димова: Повеќе од пет години не сум директорка на несреќната институција, недолично е да се кажуваат лаги
Повеќе од пет години не сум директорка на оваа несреќна институција и сметам дека е недолично да се кажуваат лаги...
Пожарот кај Јасен сè уште е активен, патот Македонски Брод – Скопје затворен за сообраќај
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
Белата куќа објави детали за средбата Трамп – Путин
Средбата меѓу американскиот и рускиот претседател Доналд Трамп и Владимир Путин ќе се одржи во петок, во Енкориџ, Алјаска, објави...
Тројца возрасни и едно дете осомничени за пукањето и убиството во Тетово
Тројца возрасни и едно дете се осомничени за пукањето во Тетово што се случи во неделата, а во кое беше...
(Видео) ДЗС: Борбата против огнот во ловиштето Јасен продолжува
Борбата против огнот во ловиштето Јасен продолжува. Од земја дејствуваат припадници на специјалните единици на Армијата и Полицијата заедно со...
ЕУ воведува нови санкции кон Русија
Европската Унија подготвува 19-ти пакет санкции против Русија, бидејќи Москва продолжува да ги отфрла повиците за прекин на огнот во...
Уапсени двајца мажи од Росоман, му се заканувале на градоначалникот на Кавадарци
Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33)...
Скопјанец почина на Клинички откога бил донесен во тешка здравствена состојба: телото дадено на обдукција
Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај...
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува,...
(Видео) СДСМ: Нов скандал во Националната агенција „Еразмус“, Ана Михајлов, осомничена од ОЛАФ, назначена за в.д. директорка?
„Денеска објавуваме нов скандал на власта. Како пред очите на целата јавност, Владата на ВМРО-ДПМНЕ и Христијан Мицкоски повторно ја...
(Видео) „Како со лекарска плата Венко стигна до луксузно пловење“, прашува Лефков
„Чија е јахтата на која уживаат Филипче и Заев и со чии пари е платена, како со лекарска плата Венко...
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
