Забава
Познат хрватски актер загина во сообраќајна несреќа во Босна и Херцеговина

Хрватскиот театарски, телевизиски и филмски актер Јосип Зовко загина во сообраќајна несреќа на 49-годишна возраст.
Полициската управа на Груда потврди дека Зовко е загинатиот хрватски државјанин, објави 24 часа.hr.
Glumac Josip Zovko poginuo je u prometnoj nesreći kraj Grudahttps://t.co/l4cbCR0JSf pic.twitter.com/x80nSLyHdp
— 24sata (@24sata_HR) April 3, 2019
Две возила со имотски регистрации се судрија вчера околу 15:00 часот во Грудско Врило на магистралниот пат Груде – Горица.
Зовко загина, а другиот учесник во несреќата е сериозно повреден.
Јосип Зовко е роден во Сплит во 1970 година, а дипломирал на Академијата за драмски уметности во Загреб. Член на Драмата на ХНК Сплит стана во 1995 година, а во речиси 25 години театарска кариера има остварено многу значајни улоги, а и ја доби наградата „Вељко Маричиќ“ на Меѓународниот фестивал на мали сцени за улогата во претставата „Бијело“ на Дубравко Михановиќ, во режија на Иван Леo Лемo, во 1998 година.
Од ТВ-екраните на гледачите најмногу им е познат по неговите улоги во сериите „Наши и ваши“, „Битанги и принцези“, и глумеше во филмовите „Бела Бјондина“, „Верувам во ангели“, „Најголемата грешка на Алберт Ајнштајн”, „Трешета” „Холдинг“, „Анте се враќа дома“.
Неговата најпозната улога беше во филмот во режија на Огњен Свиличиќ, „Да ми је бити морски пас“ во 1999 година, што му беше и првото големо појавување пред камерите. За улогата на Мате во споменатиот филм, тој ја доби наградата на хрватското глумиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.