Забава
Порноѕвездата Сторми Даниелс сведочи дека адвокатот Мајкл Авенати ја излажал
Поранешната актерка во порноиндустријата Сторми Даниелс им кажа на поротниците на судењето на нејзиниот поранешен адвокат Мајкл Авенати, обвинет за измама, дека тој „крадел од неа и ја лажел пренасочувајќи ги приходите од книгата што таа ја напишала“.
Сведочејќи како сведок на обвинителството, Даниелс рече во федералниот суд на Менхетен дека Авенати, кого го ангажирала да ѝ помогне да го избегне договорот за необјавување со тогашниот американски претседател Доналд Трамп, ѝ рекол дека „никогаш нема да земе ниту пени“ од мемоарите од 2018 година, насловени Full Disclosure („Целосно разоткривање“).
Но, обвинителите тврдат дека Авенати проневерил приближно 300.000 долари од приходите наменети за Даниелс, делумно со фалсификување на нејзиниот потпис на упатствата до издавачот за тоа каде да ги префрли парите. Даниелс (42) рече дека Авенати никогаш не ѝ кажал за сметката.
„Се чувствував изневерено и глупаво“, изјави Сторм. „Мајкл ме лажеше и крадеше.“

Авенати (50) се изјасни за невин за измама и кражба на идентитет. Тој спорот го прикажа како несогласување околу адвокатските трошоци на кое не му е место во кривичен суд.
Во книгата, порноактерката раскажува детали од нејзината врска со претседателот Доналд Трамп пред повеќе од една деценија. Сторми тврди дека имала афера со Трамп во 2006 и дека пред почетокот на претседателската кампања во 2016 неговиот адвокат Мајкл Коен ѝ исплатил 130.000 долари за да молчи.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(ФОТО) И на 40 години во врвна форма: Роналдо повторно ги воодушеви фановите
Кристијано Роналдо повторно ги воодушеви фановите со фотографија објавена на Инстаграм, на која позира без маица во црни боксерки, покажувајќи ја одличната физичка форма и на 40-годишна возраст.
„По сауна“, напиша кратко Роналдо под фотографијата направена во теретана. Ова не е првпат фудбалската ѕвезда да објави вакви фотографии, со кои редовно ја истакнува дисциплината, тренинзите и начинот на живот по кои е препознатлив.
View this post on Instagram
Забава
Леонардо ди Каприо никогаш повторно не го гледал „Титаник“
Актерот Леонардо ди Каприо ги шокираше фановите со признанието дека никогаш повторно не го погледнал „Титаник“, филмот што во 1997 година го лансираше во светска слава и ја обележа цела една генерација.
Ди Каприо за тоа зборуваше во разговор со Џенифер Лоренс во емисијата Actors on Actors, пренесува „Варајети“. За време на опуштениот разговор, Лоренс директно го праша: „Дали некогаш повторно го погледна ‘Титаник’?“
Ди Каприо без размислување одговори: „Не. Не сум го гледал.“
Лоренс се изненади и му рече: „Па, треба да го гледаш! Се кладам дека сега би можел да го гледаш, навистина е добар.“
„Јас всушност не ги гледам моите филмови. Ти ги гледаш ли твоите?“ ја праша Ди Каприо колешката.
„Не“, одговори Лоренс низ смеа. „Никогаш не сум снимила нешто како ‘Титаник’. Да сум, сигурно ќе го гледав. Еднаш бев многу пијана и го пуштив ‘American Hustle’. Се прашував: ‘Дали јас сум добра актерка?’ Го пуштив филмот… и не се сеќавам на одговорот.“
Ди Каприо слично признание дал и претходно. Во август, за списанието „Есквајр“, изјави дека ретко ги гледа своите филмови, но дека постои еден исклучок.
„Тоа е ‘Авијатичарот’. Тој филм ми беше особено важен“, рече актерот, присетувајќи се на соработката со режисерот Мартин Скорсезе и на неговиот долгогодишен интерес за ликот на Хауард Хјуз.
Филмот „Титаник“, во режија на Џејмс Камерон, стана еден од најуспешните филмови во историјата, а Ди Каприо во него глумеше заедно со Кејт Винслет.
„‘Титаник’ беше голем експеримент за Кејт и за мене“, изјави Ди Каприо уште во 2016 година. „Не можевме ни да замислиме колку голем ќе стане филмот. Сè тоа нè изненади.“
Тој додаде дека по тој успех морал да забави и да се врати на своите актерски цели.
„Знаев дека од мене се очекува нешто одредено, но сакав да останам верен на себе и на причината поради која воопшто почнав да глумам“, порача Ди Каприо.
Забава
Од февруари ќе се наплаќа пристап до фонтаната ди Треви
Од 1 февруари, туристите ќе мора да платат две евра за да добијат пристап одблиску до фонтаната ди Треви во Рим, една од најпознатите туристички атракции во градот. Бесплатен пристап ќе имаат само жителите на Рим, додека разгледување од далечина ќе остане без надомест.
Градоначалникот Роберто Гвалтиери изјави дека со оваа мерка се очекува годишен приход од околу 6,5 милиони евра. Наплатата е дел од поширок план со кој од 1 февруари ќе се воведат влезници и за уште пет локации во градот, со цена од пет евра.
Фонтаната ди Треви ја посетуваат во просек околу 30.000 луѓе дневно, а градските власти ја оправдуваат мерката со пренатрупаноста и проблемите со џепчии. Само во периодот од 1 јануари до 8 декември, просторот пред фонтаната го посетиле околу девет милиони туристи.
Традицијата на фрлање парички во фонтаната продолжува.

