Забава
Првата класа во патнички авион украсена со 500.000 дијаманти

Авиокомпанијата „Емирати“ објави фотографија на која се гледа дека барот од прва класа во нејзините патнички авиони е украсен со дијаманти.
Авиокомпанијата минатата година направи вистинска мешаница на социјалните мрежи со објавување фотографија од блескав 777 авион.
Всушност, се работеше за ангажман на дигитална уметничка која се занимава со украсување на најразлични предмети, па така и авионот на „Емирати“ го декорирала со дијаманти. Многумина без никаков сомнеж поверуваа дека авионот е реален.
View this post on Instagram
По една година, уметничката Сара Шакел повторно го направи истиот хаос на социјалните медиуми. Всушност, луѓето веруваат кога од „Емирати“ ќе ги споделат нејзините фотографии на своите официјални профили.
Овој пат се работи за бар од прва класа. Барот е целосно украсен со дијаманти кои блескаат додека стјуардесата со љубезна насмевка чека некој да порача. Авиокомпанијата и ова парче од Сара Шакел го објави без јасна порака во која би се објаснило дали станува збор за лажна фотографија.
View this post on Instagram
За вниманието што уметничката го привлекла со овие слики и колку ваквата идеја му се допаднала на раководството на авиокомпанијата говори фактот што тие повикале експерт од „Сваровски“ со цел да дознаат колку кристали би биле потребни за барот од сликата да се изработи во реалност.
Одговорот бил дека ќе биде потребен најмалку еден месец работа за да се вградат околу 500.000 кристали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вистинска дама изгледа како Скарлет Јохансон

Скарлет Јохансон неодамна се појави во The Late Show со Стивен Колбер. Љубопитните фотографи ја фотографираа на улиците на Њујорк, пред студиото, а за таа пригода таа одлучи да облече дамска креација.
Дамската облека се карактеризира со отсуство на кич детали, минималистички крој, црн фустан и високи потпетици. Стилот на познатата русокоса ги содржеше сите горенаведени карактеристики и се квалификува за терминот дамско издание.
Скарлет носеше црн макси фустан со рамен крој, што ја истакнуваше нејзината завидна фигура, а впечатлив беше и преголемиот ремен што ја нагласуваше нејзината половина.
Стилот го надополни со златни додатоци, шминка во земјени тонови и впечатлив црвен кармин, како и рамна коса.
фото: принтскрин
Забава
(Фото) Леонардо ди Каприо, конечно, го покажа лицето и сите се прашуваат – што му се случува?

Леонардо ди Каприо во последните неколку дена работи на промовирање на својот филм One Battle After Another, а неговото неодамнешно појавување во Њујорк го привлече вниманието на јавноста.
Познатиот холивудски шармер одлучи да облече класичен сив двореден костум за таа пригода.
Сепак, најголемо внимание на јавноста привлече неговата фигура бидејќи, според странските медиуми, актерот изгубил многу килограми, како и стомакот, кој му беше заштитен знак со години.
Покрај тоа, неговото лице не остана незабележано. Изгледа многу помладо, веројатно и новата фризура придонесува за тој впечаток, а можеби и врската со 23 години помладата италијанска убавица.
Во секој случај, никој не може да го негира фактот дека нешто се случува во животот на овој згоден маж…
фото: принтскрин
Забава
Џулија Робертс ги потврди преговорите за продолжение на култната романтична комедија

Обожавателите на култната романтична комедија My Best Friend’s Wedding имаат причина за славење. Џулија Робертс потврди дека е во преговори да ја повтори својата улога како Џулс Потер во долгоочекуваното продолжение. Актерката, добитничка на „Оскар“, ја откри веста во интервју за „Варајети“.
Додека дискутира за својот нов филм„After the Hunt, 57-годишната актерка беше прашана дали ќе се појави во продолжението на хитот од 1997 година. „Ми се јавија“, одговори кратко Робертс потврдувајќи дека разговорите се во тек. „Варајети“ објавува дека актерката се насмеала кога режисерот Лука Гвадањино, кој исто така се појави во интервјуто, на шега рекол дека ќе го режира продолжението во секунда.
Веста за продолжението првпат се појави кон крајот на јули кога беше објавено дека режисерката Селин Сонг потпишала договор за сценариото.
Иако 37-годишната Сонг е потпишана за сценариото, режисерот и остатокот од екипата сè уште не се официјално потврдени. Оригиналниот филм е режиран од австралискиот режисер П. Џ. Хоган.
фото: принтскрин