Забава
Принцезата од Монако: Зошто ја нарекуваат најтажната принцеза на светот и „жена без насмевка“
Принцезата Шарлин од Монако ја прати глас на најтажна принцеза на светот, а причината за оваа нималку ласкава титула е што ретко кога можеме да ја видиме 43-годишната насмеана на фотографии.
Набргу откако со бракот со принцот Алберт стана членка на владејачката династија Грималди, поранешната пливачка по потекло од Јужна Африка важеше за несреќна убавица чија илузија за дворски живот ја разби наводното неверство на нејзиниот сопруг.
Во моментов, шпекулациите за развод стануваат сè погласни, а откако таа не пристигна во кнежеството дури и за јубилејната 10-годишнина од нивниот брак, многумина се убедени дека принцезата нема да се врати.
Медиумите пишуваат дека последен пат била дома во јануари.
Сепак, принцот Алберт ги негира ваквите шпекулации.
„Таа не замина затоа што беше лута на мене или на некој друг. Таа отиде таму за да ја преиспита работата на нејзината фондација и одвои малку слободно време за да го помине со својот брат и пријателите. Требаше да замине само една недела, но мораше да остане поради тешка инфекција и компликации“, изјави принцот Алберт за магазинот „Пипл“, иако таквото објаснување не звучи убедливо.
Шарлин плачеше на нејзината венчавка во 2011 година и многумина веруваа дека тоа не се солзи радосници, туку излив на тага. Двојката беше 11 години во врска пред тоа и речиси на сите им е познато дека невестата била принудена на брак со цел да обезбеди наследници на кнежеството Монако.
Имено, Алберт има две вонбрачни деца со две жени, ќерка Џазмин Грејс родена 1992 година и син Александар Коста роден 2003 година, кои не можат да го наследат престолот бидејќи се родени надвор од брак.
Во 2014 година принцезата ги роди близнаците Габриела и Жак, и иако девојчето е две минути постаро од нејзиниот брат, тој ќе го наследи својот татко на престолот бидејќи во Монако предност имаат машките потомци.
Покрај официјалните, на нејзиниот Инстаграм може да се најдат фотографии каде седумгодишниците уживаат во активности типични за нивната возраст. Според многумина, тие се меѓу ретките што можат да вратат трошка среќа на лицето на „жената без насмевка“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кралицата на Ноќта на вештерките, Хајди Клум, покажа дел од својот костим
Поранешната манекенка и водителка Хајди Клум е позната по своите луди костими за Ноќта на вештерките, кои ѝ ја донесоа титулата кралица на Ноќта на вештерките, а сега на „Инстаграм“ откри дека напорно се подготвува оваа година споделувајќи видео од својата подготовка на костимите на социјалните мрежи.
Секоја година за Ноќта на вештерките е на насловните страници, а сега откри дека и оваа година планира нешто посебно оставајќи ги љубителите љубопитни.
Таа во кратко видео го покажа процесот на изработка на маската. Досега е направен гипс-калап за маската, која ќе биде дел од костимот.
View this post on Instagram
Таа објави и фотографија со мистериозен натпис: „Еве трага, но, едноставно, не можам да одредам што е тоа“.
Забава
(Видео) „Таа е таков сноб“: непријатно интервју на Ен Хатавеј стана вирално на „Тик-ток“
Норвешката новинарка Кјерсти Флаа, која сподели старо интервју со Блејк Лајвли од 2016 година, кое потоа стана вирално поради гласините за расправија помеѓу актерската екипа на It Ends With Us, повторно стана вирална на социјалните мрежи.
Овој пат поради интервјуто со Ен Хатавеј од 2012 година.
Интервјуто се одржа додека Ен го промовираше мјузиклот Les Miserables со Хју Џекман, Расел Кроу, Аманда Сејфрид и Еди Редмејн во главните улоги.
Кјерсти Флаа го објави своето интервју со Ен на Тикток и Јутјуб.
„Во ова видео сакав да ви покажам нешто навистина, навистина непријатно“, вели Кјерсти.
На почетокот новинарката ѝ вели на актерката, бидејќи филмот е мјузикл: „Мислев дека првото прашање треба да го направиме малку поинаку. Мислев да ти го отпеам, а потоа можеш да ми одговориш со пеење“.
@kjerstiflaa This didn’t go as planned. 🫣Watch my lateat episode on YouTube where i go down memory lane showing another cringe interview. Link in bio ⬆️ #annehathaway #foryou #celebritytiktok ♬ original sound – Flaawsome Talk
Актерката тогаш ѝ одговорила: „Па, нема да го правам тоа, но ти можеш да пееш“.
@kjerstiflaa To follow up on the Anne Hathaway video. This is how her co stars reacted. I know asking the actors to sing was a bit risky, but I love how they were all such good sports. Watch more on my YouTube channel. Link in bio ⬆️ #foryou #celebritytiktok #interview ♬ original sound – Flaawsome Talk
Ова интервју веднаш ги подели мислењата за Тикток: „Ова е исто толку лошо како интервјуто на Блејк Лајвли“, „Таа е таков сноб“, „Некако ја сакав Ен Хатавеј“, „Не разбирам зошто е толку тешко на некои познати личности да бидат учтиви со новинарите кои искрено поставуваат прашања“, се само дел од коментарите.
Забава
„Новата улога добро ѝ стои“: Кидман снимена во Њујорк, покажа вита линија
Никол Кидман го привлече вниманието пред хотел во Њујорк каде се одржа прикажувањето на еротскиот трилер Babygirl, во кој главната улога ја има 57-годишната актерка.
За оваа пригода Никол носеше црна ролка, широки сиви панталони и црни чевли. Таа ја пушти косата и носеше минимална шминка. Судејќи по фотографиите, актерката била добро расположена.
Нејзините фотографии деновиве се шират на социјалните мрежи. На X некои пишуваат дека Никол им изгледа премногу слаба, додека други пишуваат дека актерката никогаш не изгледала подобро.
„Сан“ пишува дека „Кидман одлично го портретира ликот во новиот филм благодарение на нејзиниот сексапил“.
Во филмот Babygirl, оскаровката игра успешен извршен директор и семејна жена која започнува афера со многу помлад практикант.