Забава
Принцот Вилијам за Кејт Мидлтон: Беше неверојатна цела година, добро ѝ оди

Принцот Вилијам изјави дека Кејт Мидлтон е многу добро и дека таа и нивните деца вечерва ќе го гледаат доделувањето на неговите награди Earthshot за животната средина. Принцот од Велс ѝ оддаде почит на својата сопруга Кејт за време на посетата на Кејп Таун нарекувајќи ја неверојатна во тешката година на лекување рак.
„Навистина многу добро и оди, благодарам. И се надевам дека ќе гледа вечерва. Ќе ме бодри толку многу. Таа беше неверојатна цела оваа година. Знам дека исклучително ќе и биде важно да го види успехот на вечерашниот настан“ рече тој.
Тој додаде дека тој и неговото семејство често зборуваат за тоа како може да придонесат за заштита на животната средина. „Да, знаете, секое семејство се обидува да направи сè што може за да ѝ помогне на животната средина. Ги поминуваме основните работи, како рециклирање, намалување на потрошувачката на вода, исклучување на светлата кога излегуваме од дома и слични работи. Мислам дека секое семејство ги има тие разговори, се обидуваш да направиш што можеш“, рече принцот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џим Кери се збогува со Вал Килмер: Почит кон него како човек и талент

Џим Кери се прости од Вал Килмер, со кого глумеше во филмот „Бетмен засекогаш“ од 1995 година.
„Со голема почит се сеќавам на Вал Килмер, како човек и генерациски талент кој ни остави завидно наследство на извонредни актерски изведби. Неговите брилијантни актерски достигнувања беа конкурентни само со благодатта и храброста со кои се соочи во своите најпредизвикувачки моменти“, рече Кери во соопштението за печатот, изразувајќи сочувство до семејството.
Патем, во филмот „Бетмен засекогаш“, Килмер ги играше Брус Вејн и Бетмен кои се борат за правда во Готам, додека Кери беше негативецот Ридлер.
Вал Килмер почина на 65-годишна возраст. Веста ја потврди неговата ќерка Мерцедес Килмер, која ја доби во бракот со актерката Џоан Вели.
Забава
(Фото) Леонардо ди Каприо ги обои косата и веѓите

Леонардо ди Каприо го привлече вниманието на овогодинешниот CinemaCon во Лас Вегас, каде го претстави својот најнов филм One Battle After Another.
Покрај тоа што е неговиот прв голем филм по Killers of the Flower Moon во 2023 година, Ди Каприо изненади и со својот нов изглед.
50-годишниот актер на црвениот тепих се појави со бојадисана коса и веѓи, што многу медиуми веднаш го окарактеризираа како „средовечна криза“.
На настанот му се придружија и неговите филмски колешки Тејана Тејлор (34) и Реџина Хол (54), кои исто така привлекоа внимание со својот моден избор.
Ди Каприо претходно имаше посветла коса и веѓи.
Забава
(Видео) Луѓето во шок од интимната сцена на Блејк Лајвли: „Жената нема срам“

Среде расправијата помеѓу Блејк Лајвли и Џастин Балдони, се појави видео од сетот на филмот на Лајвли, „A Simple Favor“. Она поради што видеото го привлече вниманието е фактот што во една сцена актерката ја става раката на меѓуножјето на Хенри Голдинг со кого глуми, за што призна дека била импровизација.
Блејк во коментарот на филмот рече дека овој потег изгледа како нешто што нејзиниот лик би го направил. Иако филмот е снимен во 2018 година, снимката од сцената повторно стана актуелна за време на правната битка меѓу Балдони и Лајвли, кој актерката го обвини дека сексуално ја вознемирувал на снимањето на „It Ends With Us“.
Гледачите во коментарите го изразија своето згрозување од потегот на Лајвли. „Ова е неверојатно. Таквото лицемерие е одвратно“, „Кутриот Хенри изгледа како да е навистина засрамен. Оваа жена воопшто не се срами“, „Каде беше координаторот за интимност?“, „Може сексуално да ги вознемирува мажите, а потоа лажно да тврди дека некој ја вознемирувал“, „Таа се однесува несоодветно со сите мажи со кои снима, мора да одговара за своите постапки“, се само некои од реакциите.