Рускиот претседател Владимир Путин вчера првпат ја возеше својата нова лимузина, на кратко растојание меѓу зградата на Сенатот во Кремљ до салата Андреевски, каде што беше инаугуриран по четврти пат за претседател.

Руските инженери работат на новата флота државни автомобили од 2012 година, а новиот официјален автомобил на Путин, лимузина на Сенатот, е еден од неколкуте модели развиени во рамките на проектот „Кортеж”. Лимузината, според информациите, има коњски сили од 598 и 4.4-литарски V8 мотор.

Флотата е заминување од традиционалната употреба на германските автомобили. Во минатото советските лидери ги користеле најчесто произведените автомобили како ZIL-41047 за официјални цели, но тоа се променило во средината на 1990-тите, кога Кремљ почнал да купува германски автомобили.

Пред да се произведат класи на автомобили ЗИЛ, Сталин бил обожавател на луксузниот американски „пакард”, а во 1935 година американскиот амбасадор во Русија, Аверел Хариман донирал „пакард“ серија 14 од американскиот претседател Франклин Рузвелт.

Кога дојде на власт Хрушчов се обиде да ги игнорира сугестиите на неговите чувари да користи оклопни возила. За средба со специјални гости во Кремљ, Хрушчов го користеше возилото со отворен покрив ЗИЛ-111В, истото возило што го возеше Јури Гагарин, првиот човек во вселената, во Кремљ во 1961 година.

Брежнев беше најголемиот обожавател на автомобили, особено странски автомобили: „масерати“, „ролс-ројс“ и синиот „мерцедес“ во кој секогаш се возеше околу Москва. Во 1972 година американскиот претседател Ричард Никсон му подари на Брежњев „кадилак елдорадо“, а две години подоцна, на барање на советскиот лидер, специјално нарачан „линколн континентал“ бил испратен во Кремљ. Брежнев, исто така, го користел ЗИЛ 114 од Советскиот Сојуз.Според некои извори, Брежнев имал од 49 до 324 автомобили во својата колекција.

И Горбачов и Елцин го користеа оклопниот модел ЗИЛ-41052, кој беше издаден во 1988 година.

Кога Путин првпат ја презеде функцијата тој најчесто користеше „мерцедес 600 пулман“, но за официјални посети и паради ја користеше ЗИЛ-41052. За време на посетата на Русија од страна на американскиот претседател Џорџ В. Буш во 2005 година, Путин му дозволи на Буш да влезе во „ГАЗ-21 волга“. И во 2009 година Путин им ја покажа на новинарите својата нова руска изработена „лада нива“ во маскирни бои.

Медведев ја користел лимузината на „мерцедес С600 пулман гард“, која била зголемена и опремена со најнова технологија, како и компјутер со интернет-пристап, ДВД-плеер, телевизор и фрижидер.