Забава
Разговорот меѓу браќата Хари и Вилијам не бил продуктивен

Принцот Хари разговараше со својот постар брат Вилијам првпат откако тој и неговата сопруга Меган беа кај Опра Винфри, но разговорот не бил продуктивен, изјави пријател на парот во вторникот (16 март).
Во текот на интервјуто, кое американската телевизиска мрежа Си-би-ес го емитуваше на 7 март, Меган рече дека еден член на кралското семејство ја прашал колку би можела да му биде темна кожата на нивниот син Арчи кога се родил, а Хари рече дека татко му, престолонаследникот и принц, Чарлс, го изневерил и дека се чувствувал заробен.
Минатиот четврток запрашан за коментар за наводите во интервјуто принцот Вилијам рече дека сè уште не разговарал со својот брат, но имал намера да го стори тоа. „Ние не сме расистичко семејство“, им рече тој на новинарите.
Гејли Кинг, водителка на утринска програма на Си-би-ес, рече дека разговарала со Хари и Меган изминтиот викенд и дека браќата стапиле во контакт.
„Вистина е, Хари разговараше со брат му и тој потоа разговарал и со татко им. Ми беше кажано дека разговорите не биле продуктивни, но тие се задоволни што барем почнаа да разговараат еден со друг“, рече таа.
Канцеларијата на Вилијам во палатата Кенсингтон немаше коментар за изјавата на Кинг.
Интервјуто на Хари и Меган ја втурна британската монархија во најголемата криза од смртта на мајката на Вилијам и Хари, принцезата Дијана, во 1997 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Прекрасната Германка ја затвори модната ревија во секси венчаница

Иако веќе имаше можност да прошета за L’Oréal на почетокот на Неделата на модата во Париз, заедно со други амбасадори на брендот, како што се Кендал Џенер, Џејн Фонда и Ева Лонгорија, тој момент веќе не е толку важен.
Појавувањето на Хајди Клум на ревијата на Вивиен Вествуд ќе биде запаметено како посебен момент во нејзината долгогодишна кариера како модел, бидејќи тоа беше прв пат таа да „затвори“ ревија на Неделата на модата во Париз, пишува „Glamour Magazine“.
Невеста за паметење
Прекрасната Германка прошета по пистата во екстравагантна бохо венчаница со бел блескав корсет, а целата комбинација ја комплетираше со високи кафеави потпетици.
Додека песната „Das Karwendellied“ од бендот Zillertaler Schürzenjäger свиреше во позадина, дизајнерот Андреас Кронталер ѝ подари букет цвеќе, а насмевката на нејзиното лице го комплетираше целото искуство.
Посебна чест
Модните критичари и модните фанатици знаат дека секоја модна ревија е дефинирана од два клучни моменти. Првиот е кога светлата се гасат и првиот модел излегува на пистата, откривајќи ја насоката на колекцијата.
Вториот е последен, кога се презентира последниот поклон, означувајќи го големото финале. Моделите кои ја „отвараат“ и „затвораат“ ревијата се сметаат за меѓу најдобрите, и тоа е голема чест за нив.
Се чини дека Хајди Клум конечно ја заврши својата кариера како модел…
Забава
(Фото/Видео) Џулија Робертс не се откажува од својот стар фустан: причината е прекрасна

Џулија Робертс неодамна присуствуваше на премиерата на филмот „After the Hunt“ во Лос Анџелес, каде што блескаше во розов фустан од брендот „Greta Constantine“.
Самата креација е украсена со едноставен крој и длабоко деколте, а актерката ја надополни со впечатлива огрлица од брендот „Sabyasach“. Вниманието на јавноста не беше привлечено од нејзиното чувство за елеганција, туку од пораката зад самиот фустан.
Julia Roberts shines at the LA premiere of #AfterTheHunt pic.twitter.com/FkSDc1YbSa
— The Hollywood Reporter (@THR) October 5, 2025
Имено, Џулија веќе го носеше овој фустан во 2022 година на премиерата на филмот „Ticket to Paradise“. Освен што го сака концептот на одржлива мода, актерката е и голем поддржувач на жените кои го преживеале ракот на дојка.
„Октомври е месец на подигање на свеста за ракот на дојка, па го носам овој фустан во чест на мојата најдобра пријателка, која го победи ракот на дојка“, објасни добитничката на Оскар на црвениот тепих.
Стајлингот го надополни со брановидна фризура, земјена шминка и нејзината карактеристична насмевка, која со задоволство им ја покажа на фотографите од странските медиуми.
фото: принтскрин
Забава
(Фото) Дамски и гламурозно: никој не може да го надмине совршенството на Амал Клуни

Познатиот холивудски пар, Амал и Џорџ Клуни, се појавија на доделувањето на наградите „Албис“, организирани од нивната Фондација за правда, и во таа пригода ги оставија сите без здив.
Секое модно издание на убавата адвокатка е достојно за вниманието на целиот свет, таа неодамна маѓепса во еден од нејзините пократки фустани, а сега блесна во креација во чоколадна боја.
Модната куќа Версаче беше заслужна за совршениот фустан во кој се појави Амал.
Златниот накит најдобро се комбинира со оваа боја, па Амал носеше ефектни обетки и нараквица.
Чанта во бронзена боја надополни сè, па Амал беше вистинска ѕвезда на црвениот тепих. Иако Клуни не заостануваше многу.
Познатиот актер се одлучи за класично црно одело, најбезбедната опција кога станува збор за мажи, па и тој воодушеви многумина со својот изглед додека позираше насмеан покрај сопругата.
фото: принтскрин