Забава
(Видео) Рајан Гослинг приреди изненадување за роденденот на Грета Гервиг
Рајан Гослинг смисли незаборавна прослава за режисерката на „Барби“, Грета Гервиг, за да го одбележи нејзиниот роденден додека филмот на „Ворнер брос“ продолжува да руши рекорди на киноблагајните.
Подарокот на актерот вклучуваше група Барбики и Кени кои ја развеселија режисерката на нејзиниот роденден.
На официјалниот Инстаграм-профил на филмот „Барби“ има видео на кое се гледа како Гервиг прекинува со вежбање пилатес откако танчери упаѓаат во просторијата и почнуваат да танцуваат на песна од филмот.
Режисерката на „Барби“ наполни 40 години минатиот петок и доживеа шок на часот по пилатес кога група танчери се појавија и почнаа да танцуваат на песната ‘I’m Just Ken’ – песна што ја пее Гослинг како Кен во филмот.
На видеото се гледа како Грета се кикоти и го стега лицето со рацете кога група Барби-танчерки почнуваат да танцуваат на песната Dance the Night на Дуа Липа, прикажана во филмот.
Клипот беше објавен на официјалната Инстаграм-страница на „Барби“ со објаснување: „Како што знаат сите Кени… Понекогаш единствениот начин да ги изразите вашите чувства е преку песна и танц!“
„Кен Рајан ги испрати овие специјални Барбики и Кени за да може роденденот на Грета да започне со сите чувства!“
На крајот од видеото, танчерите извикуваат „Среќен роденден Грета“, а режисерката вели: „Ова беше толку убаво!“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.