Забава
Ријана и Асап Роки на интимна вечера во Њујорк
Поп кралицата Ријана и раперот Асап Роки се во врска.
Тие се во почетна фаза на романтична врска, објави „Пипл“ во понеделникот, цитирајќи извор близок до двојката.
Потврдата дојде во саботата кога беа видени на интимна вечера со неколку пријатели во њујоршкиот ресторан “Беатрис Ин“, како што објави „Пејџ сикс“ викендов.

Ријана и Роки, чие вистинско име е Раким Мајерс, соработуваа на почетокот на оваа година во промотивната кампања за нејзината линија „Фенти скин“, и учествуваа во заеднички интервјуа со „Вог“ и „Џи-кју“ за промоцијата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Што не треба да правите денес и утре – седум работи што се сметаат за лош знак во новогодишните денови
Според народните верувања и принципите на фенг шуи, начинот на кој ја пречекуваме Новата година симболично влијае врз среќата, здравјето и финансиската стабилност во месеците што следат.
1. Перење и сушење алишта
Се верува дека вклучување машина за перење на 31 декември или 1 јануари ја „пере“ среќата од домот и носи непотребни загуби во новата година.
2. Чистење и миење подови
Народното верување вели „како ќе ја поминеш новогодишната ноќ, таква ќе ти биде годината“, па чистењето на самиот ден се смета за симболично изнесување на среќата од домот.
3. Расипан или застанат часовник
Часовник што не работи симболизира застој, изгубено време и финансиски проблеми, па се препорачува да се поправи пред доаѓањето на новата година.
4. Празен фрижидер или остава
Полн фрижидер и доволно залихи храна се симбол на изобилство, сигурност и благосостојба во домот во текот на целата година.
5. Празен паричник
Се смета дека празен паричник на новогодишната ноќ најавува финансиски потешкотии, па обичај е во него да има барем мал износ пари.
6. Кршење предмети во домот
Кршењето чаши, чинии или други предмети се поврзува со кавги, загуби и немир, па се советува поголема внимателност за време на празниците.
7. Изнесување работи од куќата
Изнесување облека, мебел или стари предмети во новогодишните денови симболизира одлив на среќата, стабилноста и материјалното изобилство.
Забава
Каролина Гочева: Збогум на една година која многу повеќе ни зеде отколку што ни даде
„Збогум на една година која многу повеќе ни зеде отколку што ни даде“, напиша македонската пејачка Каролина Гочева, на социјалните мрежи.
Но, 31 декември е секогаш ден за нови надежи, ден за убави мисли и нови почетоци. Па, затоа, само ќе ви посакам мирна и среќна 2026 со некои мои убави моменти на и зад сцената од ‘25та“, додаде таа.
Забава
Голема колку 30 фудбалски игралишта: најголемата елка во светот, која е регистрирана во Гинисовата книга на рекорди
Секоја година од почетокот на декември до неколку дена по Богојавление, на падините на планината над италијанскиот град Губио, најголемата елка во светот ја осветлува ноќта, еден од најпрепознатливите симболи на божиќниот период во Умбрија и низ цела Италија.
Губио е еден од најубавите средновековни градови во централна Италија, а познат е и по легендата за Свети Франциско и волкот од Губио, објавува „Пункуфер“.
Спектакуларната светлечка инсталација по која стана познат во модерното време градот, првпат е инсталирана во 1981 година, а во 1991 година е запишана во Гинисовата книга на рекорди. Елката се состои од повеќе од 700 светла поврзани со околу 8.500 метри електрични кабли и може да се видат од километри.
Обликот на елката ги оцртуваат повеќе од 300 зелени светла, додека внатрешноста е исполнета со повеќе од 400 разнобојни светла. Ѕвездата на врвот има површина од околу илјада квадратни метри, а се состои од повеќе од 250 светла, кои се протегаат сè до базиликата Свети Убалд, светецот-заштитник на градот кој бдее над неа.
Целата инсталација е висока околу 750 метри, широка 450 метри во основата и е голема колку триесет фудбалски игралишта. Токму поради својата монументалност и импресивност, привлекува илјадници посетители од Италија и светот секоја година.
Од самиот почеток, проектот го одржува група посветени волонтери. Ламбите традиционално се палат на 7 декември, со свечена церемонија на која присуствуваат истакнати личности од културата, науката и хуманитарната работа. Меѓу оние кои учествуваа на церемонијата на палење низ годините беа папите – Бенедикт XVI и Франциско.
Секој што сака може да учествува во иницијативата „Посвој ја светлината“ и да ја посвети на близок со донација од 15 евра. Собраните средства делумно се користат за покривање на трошоците за електрична енергија. Секоја светилка е достапна за посвојување за време на божиќната сезона.

