Забава
Роберт де Ниро во Кан: Лудо е што има луѓе кои мислат дека Трамп би можел да работи добро

Познатиот актер Роберт де Ниро на Канскиот филмски фестивал зборуваше за улогата на негативец во филмот „Убијци на цветната месечина“ (Killers of the Flower Moon), во режија на Мартин Скорсезе, а истовремено го критикуваше Доналд Трамп.
Во споменатиот филм, тој го игра сточарот и убиец Вилијам Хејл, кој се спријателил со луѓето од Осаж во текот на 1920-тите, а потоа го наредил нивното убиство за да им ја украде земјата богата со нафта.
„Не разбирам како можеше да ги изневери. Меѓутоа, по убиството на Џорџ Флојд, станавме свесни колку е опасен расизмот. Тоа е баналност на злото и тоа е нешто на кое мораме да внимаваме. Сите знаеме за кого зборувам, нема да го кажам неговото име“, рече тој. Де Ниро. Сепак, по неколку моменти се предомислил и решил да го критикува поранешниот претседател на Соединетите Американски Држави, Доналд Трамп.
„Тој човек е глупав. Тој мисли дека е паметен. Дури и Хејл беше паметен на многу начини“, рече тој, а Лили Гладстон, која ја игра членката на Осаж, Моли Буркхарт, истакна дека членови на племето Осаж присуствувале на погребот на Вилијам Хејл, негирајќи ја неговата вмешаност во бруталните убиства. Де Ниро повторно го евоцира Трамп како одговор на тој вид на слепа лојалност кон „злобните“ луѓе.
„Тоа е истата ситуација како Трамп. Има луѓе кои мислат дека тој може да заврши добра работа. Замислете колку е тоа лудо“, додаде тој.
Филмот „Убијци на цветната месечина“ е заснован на истоимениот бестселер на Дејвид Гран, кој следи низа убиства во Оклахома во 1920-тите. Племето Осаж стана најбогатиот народ на светот откако на нивна територија беше пронајдена нафта.
Како резултат на тоа, многумина ги искористија за да добијат пари, што доведе до серија убиства кои „Гардијан“ ги нарече геноцид врз Индијанците. Убиствата се сметаат за прв голем случај што го истражува новоформираното ФБИ.
Филмот, чиј буџет е 200 милиони долари, е најскапиот филмски проект на „Епл“ досега, пишува „Гардијан“. „Епл ТВ+“ се здружи со „Парамаунт“ за да го дистрибуира филмот во кината, пред да се пресели во услугата за стриминг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Никој не се грижи за својот изглед како луѓето родени во пет хороскопски знаци

Астролозите тврдат дека овие хороскопски знаци владеат кога станува збор за визуелен впечаток и шминка.
Во светот на хороскопите, некои знаци едноставно се раѓаат со чувство за естетика, стил и желба да се претстават во најдобро светло – буквално и фигуративно.
Без разлика дали станува збор за совршена шминка, гламурозни комбинации или внимателно одбрани филтри за Инстаграм, овие пет хороскопски знаци владеат кога станува збор за визуелен впечаток и шминка.
Лав
Лавот е неоспорен владетел на изгледот. Овој огнен знак сака да биде во центарот на вниманието и точно знае како да го постигне тоа – со сјаен тен, коса достојна за црвен тепих и самодоверба што зрачи од секоја пора.
Лавовите не носат шминка само за да изгледаат убаво, туку за да светат како ѕвезди.
Вага
Вагите се вљубени во убавината – сопствената и туѓата. Нивниот владетел е Венера, планетата на љубовта, уметноста и естетиката. Тие сакаат симетрија, меки тонови и перфекционизам во секој детаљ.
Вагите знаат како да се разубават себеси, но и другите, и нема да ја напуштат куќата сè додека секој детаљ не е совршен.
Бик
Биковите уживаат во сè убаво – храна, допир, мириси и, секако, изглед. Нивната шминка не е нужно впечатлива, но секогаш е беспрекорна. Тие го ценат квалитетот повеќе од квантитетот – скапите производи, богатите текстури и сензуалниот финиш се нивната зона на удобност.
Бикот не прави компромис кога е во прашање убавината.
Близнаци
Близнаците се креативни, променливи и секогаш бараат нешто ново. Нивниот стил е разновиден – еден ден носат неонски нијанси, следниот се во издание без шминка.
Шминката е алатка за нив да го изразат своето расположение и идентитет. Тие си играат со шминка како што си играат со зборови – спонтано, хумористично и ефективно.
Шкорпија
Шкорпиите ја користат шминката како средство за заведување и контрола. Нивниот стил е потемен, интензивен, сензуален. Тие не се плашат од пригушени нијанси, продорен поглед или ефектот на „фатален заводник“.
Сè што прават – го прават со намера, и така го планираат својот изглед. Тие се одлични и многу успешни заводници.
Забава
Познатата актерка призна: „Среќна сум затоа што немам деца“

Американската актерка Хедер Греам во ново интервју изјави дека не жали за својата одлука да нема деца. Покрај тоа, го пофали и фактот дека сè повеќе жени одлучуваат да го направат истиот чекор.
„Имаше моменти кога се прашував каков би ми бил животот ако родев. Сепак, можам да кажам дека 80 проценти од времето сум среќна што немам деца – се чувствувам слободно и добро поради тоа, а 20 проценти од времето размислувам за тоа каков би ми бил животот. Мора да го цениш животот што го имаш“, изјави таа за „Гардијан“.
Греам исто така истакна дека е среќна што сè повеќе жени отворено зборуваат за тоа дека не сакаат деца.
„Општеството те принудува да имаш деца, но зошто? Ако не си личност што постојано им угодува на другите, што, всушност, сакаш?“, праша таа.
Греам исто така откри дека поголемиот дел од нејзиниот живот бил фокусиран на исполнување на очекувањата на другите, но дека во четириесеттите години почнала да го менува својот поглед на животот и врските.
„Сфатив дека, едноставно, можам да се прашам што сакам и како да се направам среќна“, заклучи таа.
Греам е позната по своите улоги во многубројни филмски хитови во 90-тите и во 2000-тите.
Таа доби поширока популарност со улогата во филмот „Буги најтс“ (1997), каде што играше порноактерка, а потоа се појави во комедијата „Остин Пауерс: Шпионот што ме обзеде“ (1999), како и во хорор-трилогијата „Вресок 2“ (1997).
Забава
Почнува како филмска романса, а потоа доаѓа шокот: парови осудени на неуспех

Некои хороскопски парови, едноставно, не се предодредени да опстојат од самиот почеток, некои ќе плачат, а некои ќе исчезнат без трага…
Некои хороскопски парови „кликнуваат“ веднаш, а други „кликнуваат“ како расипана запалка, понекогаш функционира, но најчесто само заискрува и останувате разочарани.
И додека ѕвездите честопати се наклонети кон романтични средби, постојат некои состаноци, кои, едноставно, не може да ја преживеат реалноста. Овие три хороскопски пара можеби почнуваат со оган, но честопати завршуваат со пепел.
Овен и Рак
На прв поглед, сè мириса на филмска романса. Овенот влегува во животот на Ракот како бура: самоуверен, страстен и полн со иницијатива. Ракот, од друга страна, обезбедува топлина, внимание и емоционална длабочина.
Сепак, по почетната хемија, доаѓа шок. Овенот трча со главата напред низ ѕидот, а Ракот само сака нежно да биде прегрнат и прашан како му поминал денот. Овенот мисли дека Ракот е пречувствителен, Ракот мисли дека Овенот е робот без душа.
На кратко, некој ќе плаче, некој ќе исчезне. Погоди кој.
Лав и Јарец
Лавот сака внимание, аплауз и селфиња од секој агол. Јарец? Јарецот има план за пензионирање, распоред за штедење и три плана за иднината. Лавот мисли дека Јарецот е досаден, а Јарецот мисли дека Лавот е економски неодржлив.
Кога Лавот бара да му се восхитуваат затоа што прави кафе, Јарецот го гледа како да бара медал за дишење.
Понекогаш тие функционираат, ако Јарецот случајно стане менаџер за кариера на Лавот.
Близнаци и Риби
Оваа комбинација е како комбинација од ветер и бранови, никогаш не знаете каде ќе заврши, но знаете дека ќе биде збунувачка. Близнаците постојано ги менуваат своите мислења, а Рибите своите чувства.
Близнаците сакаат да зборуваат за теории на заговор, Рибите за соништата што ги сонувале утрово. Рибите лесно се повлекуваат кога ќе почувствуваат хаос, а Близнаците, пак, тие се тој хаос.
Додека трае, забавно е, но кога треба да се донесат одлуки, едниот од нив (или двајцата) исчезнува без трага.