Забава
Роналдо потроши 31.000 евра, Џорџина пиеше пиво од 15 куни

Кристијано Роналдо уште од Светското првенство во Русија не беше на собирот на португалската репрезентација и додека неговите соиграчи ги одработуваат своите обврски на теренот, ѕвездата на Јувентус со своето семејство отпатува во Лондон.
Тој, свршеницата Џорџина и синот Кристијан Јуниор првин го гледаа натпреварот на Новак Ѓоковиќ и Џон Иснер во финалето на АТП, а потоа напаѓачот ја одведе својата сакана во вторникот вечерта во операта „Ројал хаус“ на балетската претстава „Бајадера“.
„Ми се остварија соништата… Ти благодарам, љубов моја“, напиша убавата Шпанка на „Инстаграм“ под фотографијата на познатата оперска куќа.
А во Лондон убаво се пиеше и се јадеше. Англиските медиуми пишуваат дека Роналдо и Џорџина престојувале во луксузниот хотел „Булгари“, во кој ноќевање чини 10.000 евра. Но, тоа не беше нивниот најголем трошок. За 15 минути, Кики потроши дури 31.000 евра за скапоцено вино!
Во ресторанот „Зела“. Роналдо првин нарача шише „ришенбур гранд кру“, традиционално француско црвено вино, што не е на менито. Според многумина, тоа е најскапото вино во светот, а Роналдо платил 20.000 евра за шише. Потоа нарачал „померол петрус“ од 1982 година, што чини повеќе од 10 илјади евра.
Cristiano Ronaldo Spotted with his girlfriend Georgina Rodriguez and son having dinner in London https://t.co/EzXU2iNoOW pic.twitter.com/BxC6dOssBx
— The Daily Wake (@AlissonRichie) November 15, 2018
Но, тоа не е сè што пиеле. Пред нив се нашло и пивото „сапоро“, кое во Хрватска чини помалку од 15 куни! И се чини дека тоа повеќе ѝ годело на Џорџина, која фотографите ја фатија како пие од шишето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.
Забава
(Фото) Се соблече гола за својот 60-ти роденден: „Вљубена сум“

Актерката и модел Елизабет Харли го прослави својот 60-ти роденден на 10 јуни и ги воодушеви своите обожаватели со неочекувана фотографија од неа – целосно гола.
Британската заводничка, која на 59 години беше прогласена за најсекси жена на светот, а воедно ја носи и титулата кралица на бикини, објави фотографија во топлес на својот роденден, заедно со тоа што му кажа на светот дека е вљубена.
„Среќен роденден! Оваа година веќе беше лудо возење. И… јас сум вљубена. Се чувствувам толку благословена и благодарна што ги имам најдобрите пријатели и семејство на светот. Фотографијата е направена денес попладне… во мојата роденденска облека“, напиша Елизабет Харли.
На фотографијата што го направи машкиот пол најсреќен, а воедно предизвика и возбуда на Инстаграм, таа позира седејќи на тревата со скрстени нозе, така што иако е целосно гола – ништо не се гледа. Широката насмевка на нејзиното лице кажува колку е среќна, а објавата ја коментираше и нејзиниот нов партнер Били Реј Сајрус, кој кратко напиша: „Те сакам“.
Тој објави нивна заедничка фотографија на својот профил со пораката: „Среќен роденден на љубовта на мојот живот“.
Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.