Забава
Сакаат предизвици, но живеат во илузија: овие хороскопски знаци секогаш избираат погрешни партнери

Некои луѓе, едноставно, имаат необичен талент да се заљубуваат во оние што не може да им го дадат она што им треба.
Без оглед на предупредувањата или лошите искуства од минатото, тие упорно избираат партнери што се емотивно недостапни, недоверливи или склони кон манипулации.
Наместо да бараат стабилност и сигурност, нив ги привлекуваат предизвиците и илузијата дека љубовта ќе ја промени личноста што ја сакаат. Според астрологијата, таквите луѓе се родени во овие хороскопски знаци.
Риби
Рибите се непоправливи романтичари, кои секогаш веруваат во најдоброто во луѓето, дури и кога реалноста им го покажува спротивното. Нивната чувствителна природа и силната емпатија често ги водат до врски во кои даваат многу повеќе отколку што добиваат.
Рибите ги идеализираат партнерите, ги игнорираат црвените знамиња и се убедуваат себеси дека таа личност ќе се промени – само ако ја сакаат доволно. За жал, ова често води до разочарување и емоционална болка. Покрај нивната склоност да избираат емоционално недостапни луѓе, Рибите тешко се откажуваат од минатите врски.
Нивната носталгија и верувањето дека некои љубови се предодредени може да ги држат во токсични врски многу подолго отколку што треба. Дури и кога знаат дека нешто не е добро за нив, тешко се одлучуваат да го прекинат надевајќи се дека некако работите сами ќе се подобрат.
Вага
Вагата е знак што ја сака љубовта повеќе од сè, но токму оваа потреба за врска често ги води во погрешни врски. Нивната желба за хармонија и романса може да ги наведе да останат во врска што не им носи среќа, само за да избегнат конфликт или осаменост.
Наместо да поставуваат јасни граници и да ги заштитат своите емоции, Вагите често попуштаат и се обидуваат да му угодат на партнерот, дури и ако тоа значи занемарување на сопствените потреби. Нивната тенденција да ја идеализираат врската понекогаш ги спречува да ги гледаат работите онакви какви што се.
Често се обидуваат да ги поправат проблематичните врски и да се убедат себеси дека работите ќе се променат наместо да прифатат дека се со погрешна личност. Кога конечно ќе сфатат дека е време да се стави крај, на Вагите им е тешко да закрепнат бидејќи се навикнати да го вложуваат целото свое срце во љубовните врски – дури и кога им носат повеќе тага отколку радост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Најсексапилната жена објави со кого е во врска: никој не очекуваше

Една од најжешките жени на светот, актерката и модел Елизабет Харли, ги шокираше фановите во неделата на Велигден кога наместо провокативните фотографии на кои ги навикна обожавателите, ја откри својата романса со пејачот Били Реј Сајрус, таткото на Мајли Сајрус.
Актерката и пејачот на хитот „Achy Breaky Heart“ позираа во многу страсна поза, а Елизабет уште еднаш ја искористи можноста да ги покаже своите адути. Сепак, не во бикини, туку во фармерки и откопчана кошула, а што се однесува до модните детали, таа носеше сламен шешир, а нејзиниот партнер на неговата глава велигденски реквизит.
„Среќен Велигден“, рече актерката со необичната фотографија и додаде срциња, а сликата на заљубениот пар предизвика лавина реакции.
„Се надевам дека ова е слика направена од вештачка интелигенција“, напиша еден корисник на Инстаграм.
Нејзината најпозната врска е со нејзиниот колега Хју Грант, со кого беше 13 години. Тие раскинаа во 2000 година, но и денес се блиски пријатели, а доказ за тоа е фактот дека славниот актер е кум на нејзиниот син Демијан.
Забава
(Видео) Кристен Стјуарт се венча по шест години врска

Кристен Стјуарт и Дилан Мајер се венчаа на интимна церемонија одржана во Лос Анџелес по речиси шест години врска. Актерката позната по улогата во серијата „Самрак“, 35-годишната Стјуарт и 37-годишната сценаристка Мајер си размениле завети во неделата, 20 април, во домот на Стјуарт.
Според ТМЗ, парот добил дозвола за брак од локалната судница неколку дена пред церемонијата.
Свадбата била многу приватна, а присуствуваа само најблиските пријатели и членовите на семејството, меѓу кои и актерката Ешли Бенсон и нејзиниот сопруг Брендон Дејвис.
Кристен и Дилан се запознаа во 2013 година на снимање, но се зближија дури во 2019 година, откако Стјуарт ја прекина врската со моделот Стела Максвел. Својата врска ја објавија во октомври истата година на Инстаграм, а се верија во 2021 година.
Забава
(Видео) 12-3-30: фитнес-метода за сите мрзливи луѓе – ќе ослабите без да се мачите

Ако го следите „Тик-ток“, речиси е невозможно да не наидете на видеа на жени од целиот свет кои го фалат познатиот метод на вежбање 12-3-30 – минималистичка, но неверојатно ефикасна рутина на трака за трчање која освои милиони следбеници.
Неговата популарност продолжува да расте токму затоа што дава резултати и во исто време не изгледа застрашувачко како интензивните кардио рутини.
Што точно е 12-3-30?
Методот е исклучително едноставен: одите 30 минути на лента за трчање поставена со наклон од 12% и брзина од 3 милји на час (што е околу 4,8 км/ч). Тоа е се.
Без трчање, без скокање, без сложена кореографија. Само одење – но на начин кој го движи целото тело и ги активира срцето, белите дробови и мускулите.
Предности кои освојуваат
Според експертите од престижната клиника Мајо, пешачењето е меѓу најефективните и најприродните форми на физичка активност – корисно за зглобовите, идеално за зајакнување на коските, подобрување на меморијата, спиењето и расположението, а во исто време го зајакнува имунитетот, го намалува стресот и помага за регулирање на крвниот притисок, шеќерот и холестеролот.
Со додавање на наклон и постојано темпо, рутината 12-3-30 се трансформира во вистински кардио предизвик кој:
- го зголемува отчукувањата на срцето и ја подобрува кардиоваскуларната издржливост,
- силно ги активира нозете, од бутовите до листовите,
- го стимулира согорувањето на калориите,
- го стимулира ослободувањето на ендорфин – хормонот на среќата,
- не го преоптоварува телото со хормони на стрес како кортизол.
И да – изгледа лесно, но не е. И токму во оваа измамничка едноставност лежи нејзината магија.
Доколку сакате да го вклучите овој метод во вашата рутина, се препорачува да го изведувате четири до шест пати неделно за да постигнете оптимални резултати.
Ако штотуку го започнувате вашето фитнес патување, дозволете си нежен почеток – намалете го наклонот, времетраењето или бројот на повторувања неделно и постепено изградете ја вашата кондиција.
Комбинирајте за совршен баланс
Иако методот 12-3-30 е одличен сам по себе, фитнес експертите препорачуваат да се надополни со други видови движења.
Комбинирајте го, на пример, со нежни, но ефективни дисциплини како пилатес, тренинзи или јога, за да ја подобрите флексибилноста, стабилноста и мускулниот тонус.
За оние кои веќе се заљубени во теретана – оваа рутина совршено оди и со тренинзи за сила. И да, кревањето тегови е многу женствено – го зајакнува телото, ја обликува силуетата и го оживува духот.
12-3-30 не е само уште еден тренд на „Тик-ток“ – тоа е свесна, обмислена рутина што не ве води до исцрпеност, туку ве води кон поздраво, посилно и посреќно тело. Инвестирањето само 30 минути дневно може да донесе неверојатни промени – и внатре и надвор.
Затоа, следниот пат кога ќе стапнете во теретана, заборавете на изговорите. Поставете ја траката на 12, брзината на 3 – и одете кон вашата најздрава верзија.